خلال العشرين سنه في الصيدليه مر علي كم صيدلانيه اشتغلنا مع بعض.. كلهن صديقات عزيزات بلا استثناء.. وحتى الصبايا اللي تدربوا عنا.. انا باقول لما بدي أوظف صيدلانيه زي كيف لما بدك تزوج إبنك! لازم تكون لذيذه وفهمانه ولطيفه وبنت ناس ورائعه شكلا وموضوعا !! ولازم احبها مش بس استلطفها لانه رح نكون وجهنا بوجه بعض مده غير بسيطه من الزمن ! فالموضوع مش سهل إنما والحمد لله التوفيق منه وحده ، دائماً كنت اجد ضالتي المنشودة .. وحتى لما كانت الظروف انه تترك الصيدليه كنا وما زلنا صديقات. .. الموظفه الحاليه حبيبه قلبي تمتاز بصفه رائعه مميزه .. وهي انها تقبلتني في هذه المرحله من عمري! حيث انه شكله ألزهايمر اشتغل عندي !!! بصراحه مش ملحقه مندوبين!! هاها.. المستودعات بتغير المندوبين كل كام شهر .. ما ألحق احفظ اسم مندوب ولا هو متغير!!! إنما والحمد لله د.عهود ابو فارس اللي من اول السنه عندنا صارت تفاجأني بمراعاتها لحالتي ! واول ما يدخل المندوب من عالباب بتقول لي أجى المندوب الفلاني للمستودع العلاني!!! استمتع معها كثيرا وأقول عنها انها ذاكرتي!! صبيه ومخها مزبوط مليان بس طازه !! الله يسعدها ويخللي لي إياها...
