#يوميات_صيدلانية
#في_أوج_الكورونا
دخل وطلب دواء لزوجته ..
فيتامينات.. تعبانة كتير
خير ؟؟ شو اللي متعبها؟؟
التدريس يا ام حكم!! بأصحى الصبح بلاقي حالي بمدرسة!!! أربع أولاد كل ولد بغرفة مع لاب توب !!
والسلام الملكي!! ولابسين الزي المدرسي!!
أوووف!! مدرسة عن جد!!
الحمد لله اللي اولادي كبروا لا دراسة عن بعد ولا امتحانات عالنت!!!
والنهفة اللي انهيت الدوام فيها..زميلة صيدلانية رنت علي وقالت لي اذا متوفر هالدواء عندك بدي ابعث لك شاب عم يدور عليه.. الدواء طلع متوفر.. وكان يا دوب باقي عشر دقايق ونغلق الصيدلية..
دقيقة ورجعت الصيدلانية رنت علي
-وصلك الشاب؟؟
-لسه.عم نستناه بدنا نغلق..
-طلع على تطبيق أمان الشاب مخالط واعطى لون أحمر!!!😱
-يا للهول!!! يلا نسكّر الصيدلية!!! نلحق نهرب قبل ما يوصل !!🤣🤣🤣
اول مرة بتاريخي الصيدلاني أهرب من بيعة!! والدواء محرز !! بس يا روح ما بعدك روح !! مخالط وأحمر!!!!
تم الاغلاق بسرعة خارقة وبدقايق كنت بالسيارة !!!
