منضل نكبر ومنضل نتعلم ..وفي دروس منقول يا ريتنا ما تعلمناها (هي تجربه شخصيه والرجاء عدم ذكر اسم بأي تعليق لاني بدي احكي عن الدرس وهو حسابه عند ربه ، يمكن يكون تاب).. انسان مر علي بحياتي الصيدلانيه من كم سنه مضوا..علمني اكتر من درس منها : ما تصدقي كل شي بينحكى وما تصدقي كل شي بتشوفيه..!!ومع هيك صعب هذه الدروس أطبقها لانها بتتعارض مع اهم مبادئي وهي ( حسن الظن).. إنما الدرس القاسي اللي تعلمته انه الانسان ممكن يكون بيصلي ويصوم وعامل حاله بيخاف الله وواقع الحال انه يكون بيسرق ويخون الامانه.!!!. أهالينا زمان ربونا على الأخلاق وان العباده تواصل مع الله .. ما توقعت بحياتي أبدا انه التظاهر بالتدين يكون غطاء لأعمال شريره .. من مظهر وكلام وأداء ديني في مراحل متقدمه مثل صلاه تراويح وصيام ست من شوال! يعني شغلات صعبه عالانسان العادي .. بس على قول الاخوه المصريين( لزوم الشغل)..!! يؤسفني جداً ما اقول .. ما فكرت في يوم ما ان أتعامل مع حد يعتبر الصلاه مجرد (حركات رياضيه) ويمكن الصيام (تخفيف اكل)!! كيف بيهمهم الناس شو يقولوا عنهم ومش سائلين برب الناس اللي عارف خفايا نواياهم.. يا خساره على هيك ناس.. حسابهم عسير لانهم مش بس أساؤوا لأنفسهم وانما أساؤوا لنظره الإسلام بعيون الناس.. الدرس عمل لي غصه في قلبي.وابدا ما نسيته..( من يوميات صيدلانيه)
