#لمسات_بيانية
الفرق بين الحية والثعبان .. انه الحية بتكون صغيرة والثعبان بيكون كبير ..اما الافعى فهي السامة .. في قصة سيدنا موسى عليه السلام ذكرت الحية والثعبان .. اول اشي لما تحولت العصا الى حية {فإذا هي حية تسعى}ما كان القصد انه موسى عليه السلام يخاف انما انه تبين له المعجزة ..ومع هيك هو خاف وهرب ! الله سبحانه وتعالى لطف فيه وما تحولت لثعبان .. بس لما راح عند فرعون وبده يثبت له انه نبي ومعاه معجزات .. ألقى العصا تحولت الى ثعبان ! {فألقى عصاه فإذا هي ثعبان مبين }..عشان فرعون يخاف ويستوعب !! .. لما اجى دور السحرة وألقوا هم العصي تبعتهم .. سحروا اعين الناس وصاروا يشوفوا العصي حيات عم تتحرك! كيف ؟؟ كانت العصي مجوفة وحاطين فيها زئبق ..وشو عاملين كمان ؟؟ حاطينها على رمل في تحته مواسير مخفية عشان لما يولعوا نار تسخن المواسير تأثر عالزئبق اللي بالعصي يصير يتمدد فتبين العصاية كإنها عم تتحرك مثل الحية!! طبعا السحرة فاهمين شو عم يعملوا وانهم عم يضحكوا عالناس .. لما ألقى موسى عصاه {فإذا هي تلقف ما يأفكون }.. لم يذكر الله تعالى لا حية ولا ثعبان .. لانه المهم هون انه يثبت للسحرة انه العصا اللي معه عصا معجزة مش سحر هذا ! حقيقة ! بلعت كل العصي تبعتهم ! وفي دقيقة آمن السحرة !! تحولوا من عبدة لفرعون الى عباد الله المكرمين .. اللهم اجعلنا منهم
