ست كبيرة قريبة لي مش بالدم وإنما بالقلب❤️..الله بعث لي إياها ، آخذ فيها أجر ( إن شاء الله) اني أطلطل عليها واحصل على دعوات مجانية تثلج لي صدري 😍.أتفقدها وأشوف أدويتها اللي بتجيبهم من الصحة وأطمنها انهم بدائل لأدويتها..هي عايشة مع زوجها الختيار وطول عمرها كانت مُدرّسة ..شخصيتها قوية(من طريقة الحكي ونبرة الصوت) ..إفعل ولا تفعل! 😬دارت بها الأيام وفضي عليها البيت مع زوجها..أولادها الأربعة مغتربين وكل واحد في بلد..ويا دوب يزوروهم مرة بالسنة..بيبعثوا فلوس! الله يعينهم على غربتهم .. هي راضية عليهم وبتدعي لهم بالتوفيق ..شو بتيجي الفلوس أمام حنان الإبن ؟ 😖 وفنجان القهوة الصبح مع الاهل قبل الدوام؟ 😖 ولا الطلة آخر النهار وسؤال:بدك اشي يا ست الحبايب؟😇..إنما ربنا رحيم ، ما بيترك حدا ولا بينسى حدا .. وبيبعث ناس لناس..عندها صاحبات بياخدوها وين ما بدها.. وأقارب لو قالت :ااااأي! بنص الليل على طوووول عالطوارئ !مزبوط أولادها مش معها، تركوها بارادتهم أو مش بارادتهم بس الله بعث لها اولاااااد كتير! بالعيد الأخير مريت عليها انا وعائلتي ، وشو كانت فرحتها كبيرة فينا؟!!😊في ناس لما تزورهم تحس انك عملت شئ رائع..تحس انه الله من محبته لنا بيبعث لنا ناس مثل هيك ، محتاجين كلمة حلوة وطبطبة عالكتف بين الحين والآخر.. أشياء ما بتكلف اشي ولكنها .. لا تقدر بثمن!😍😍😍😍😍
#يوميات_صيدلانية
#الله_يكون_في_عون_اللي_بعيد_عن_أهله
