#يوميات_صيدلانيه إلا البخل !! الا البخل!! 😖😩😤.. ست كبيره داخله عالصيدليه تاخذ ادويتها الشهريه.. بتستنى اولادها يبعثوا الفلوس وبتمر علي كالعاده.. أول ما دخلَت .. ييييي ما أحلى الدفا يا ام حكم ☺️☺️ شوي وصارت تفضفض .. زوجها رجال ختيار فوق ال٨٠ إنما بقوته .😳مشكلتها معه انه بخيل 😖..ما بيرضى يضوي التدفئه الا ثلاث ساعات باليوم 😳من ال٩ لل ١٢ بالليل!! والسولار معبى عالاخر .. الاولاد بيبعثوا فلوس!! بس هو بخيييل! .😩.مووووت برد هالايام 😱أوقات بيخليها تضوي الصوبه .. بس برضه ساعات محدده!! .. بتقول لي انا قلت لابني .. اذا ابوك عمل هيك سنه الجاي وإن الله أحيانا وأعطانا عمر.. مش رح اقعد له بالبيت !!! 😡 له له يا خالتي .. بعد هالعمر ؟؟😢 .. والله بأدعي عليهم !! 😤..مين هم ؟؟ 😳 خالي وعمي اللي زوجوني! 😩 عشان ابوي كان متوفي بدهم يخلصوا مني!! عرفته بخيل من الخطبه!! من خمسين سنه !! 😤 وقلت بديش اياااااه !! .. أصرّوا أتزوجه! وهاي نتيجتها ! رح اموت من البرد!! .😖. ما عرفت شو بدي احكي لها 😔.. الله يعينها .. قلت لها : حاولي تعملي معاه مفاوضات يعمل shifting .. يخلي الثلاث ساعات من السته للتسعه مثلا .. عشان بعد التسعه مساء بتكونوا بالتخت وتحت الحرامات !!! .. 😂😂😂.. طيب نحكي جد شوي؟؟ البخل طبع ولا بيصير هيك الواحد بخيل نتيجه ظروفه؟؟ كيف نميز البخيل من الحريص ؟؟ ولا يمكن (ضيق ذات اليد: يعني فقير)؟؟ طبعا عم احكي بشكل عام مش عن هذه الحاله..وهل البخل صفه متنحيه تظهر فقط عند الغنى؟؟؟.. في مجال الواحد يتغيير ؟؟ في طريقه تعامل معينه ممكن تساعد اهل بيته بالتعايش معه ؟؟ ولا البخل حاله ميؤوووس منها ؟؟؟؟؟😳😳😳
