لما اقرأ آيه عن الله عز وجل (انه لا يحب المسرفين)..أخاف اكون منهم .!!.. وين أحس حالي مسرفه؟؟ طبعا الإسراف بأشياء كتيره بس اللي انا احكي هلق عنه هو الإسراف في استهلاك المياه،. كلنا عارفين انه بيكون في إسراف اثناء جلي الصحون وشطف الحديقه وتنظيف السياره بالبربيج..حيث انه هذا إسراف واضح.. تستغربوا وين انا بأحس فيه ؟؟ 😳لما اكون اتوضأ واغسل رجل بعدين انزلها عن المغسله وارفع الرجل الثانيه عشان أغسلها !! الحنفية أتركها نازله هالكم ثانيه!! أحس عندها بالإسراف! اوقات اتذكر وأسكر الحنفيه بعدين انزل رجل وارفع الثانيه وارجع افتح الحنفيه.. وأوقات أنسى هالحركه البسيطة أني اعملها😔.. أصير افكر انه لو حد ماسك إبريق الماء وعم بيصب لي اتوضأ رح يوقف صب بين غسل الرجلين ما رح يخللي المي من الإبريق نازله!! عن جد مش كحتوته انا!!😝بس بأفكر بالناس اللي ميتين على بق ماء وانه احنا اذا ما درنا بالنا عالنعمه الله بيحرمنا منها لانه ما منستاهلها !! .. اذا حد بيعمل زيي اوقات وصار يسكر الحنفيه وهو بيتوضأ بين غسل الرجلين بيكون أعطاني حسنات !! هيك بأطلِّع فرقيّه المرات اللي انسى الحنفيه مفتوحه فيها ☺️☺️☺️..مصلحجيه انا😏 واعترف بذلك!!
