امبارح ..كانت مفاجأه كتير حلوه بانتظاري عالفيسبوك .. وحده بريطانيه بتقول لي (هل انت غاده صلاح اللي كانت صديقتي بالمراسله penpals)في اواخر السبعينيات ؟؟ اسمي جولي جست من بريطانيا)... 😳😳😳.. بتذكر كان عمري ١٥ سنه لما حطيت عنواني للمراسله في مجله اجنبيه عالميه .. وصار عندي اصدقاء بالمراسله..من كل انحاء العالم .. استمريت سنتين وانقطعت سنه التوجيهي ☺️..رحت عالكرتونه اللي احتفظ فيها بالاوراق والرسائل القديمه .. ولقيت جولي!! هي نفسها .. لسه متذكرتني ودوّرت علي عالفيسبوك؟؟؟ ❤️اكتر من عشره (غاده صلاح) بالاردن ويمكن اكون هاجرت ☺️.ويمكن توفاني الله !.. وبعدين انا تحجبت😳 ..أكيد تغير شكلي !!مش معقول بس وصلت لي بعد ٣٥ سنه !!! ☺️☺️☺️ تكنولوجيا رااااائعه!! يمكن لقيتني لاني من وقتها كنت كاتبه لها وللكل : بس اكبر رح اكون صيدلانيه 😂...جولي هذه بالذات متذكرتها لانها في اول رساله بعثت تقول لي : انتو ساكنين في خيمه ؟؟ والجمل واقف عالباب !!😂😂😂.. قلت لها لا ..وفهمتها انه احنا كتير متطورين .. وانا ساكنه في شقه بعماره .. وبأروح عالمدرسه بسياره ابوي .. وعندنا تلفزيون ملون وثلاجه وغاز .. اه ولا شو ؟؟ وبأعرف اعمل ليزي كيك!! وأخوي بياكل سيريلاك!!😂؟ وسمّعت لها الاغاني الانكليزيه المعروفه وقتها ..(كنت مراهقه رسمي 😂) وبرامج التلفزيون عالقناه الثانيه ..بمدرستي من صف اول بأتعلم انكليزي وفرنسي!.. المهم هي احترمتني بعدين وتصاحبنا☺️ ..كنت ماخذه موضوع المراسله جد ومن ناحيه وطنيه تثقيفيه ! أبوي (الله يرحمه) كان يراجع معظم رسائلي اللي كان فيها حكي عن القضيه الفلسطينيه .. كانت القصص ممتعه☺️ .. المهم انا وجولي رجعنا صديقات بس هلق .. عالفيسبوك☺️..#جولي
