إكتشفت اليوم انه مندوبي لأحد المستودعات المهمة .. كان زمااان هو نفسه اللي بيوصّل الطلبيات من هذا المستودع لمدة ثلاث سنوات ..😳.. هو أصلاً دارس دبلوم كمبيوتر ..بس لما صح له يشتغل عالباص بهالمستودع ما قال لأ .. لانه الشغل مش عيب .. 👍 كتير أعجبني طموح الشاب ..وإيمانه بقدراته .. لانه لما نفس المستودع كان بحاجة لمندوب ينزل عالصيدليات .. تقدم لهذه المهنة ..رغم استغراب اللي حواليه .. بس هو كان واثق من نفسه .. وإستعد يتعب على حاله ويدرس الاصناف اللي بده يشتغل عليها .. وأقنع المسؤول عنه بجملة : ليش لأ؟؟ .😳. كان بحكم اللف والدوران صار عنده خبرة مع الصيدليات وطبيعة العمل .. عنده شخصية وحضور ..وأهم من هيك ..حُسن الخُلق.. ☺️ فاهم الصيدلي شو بده .. بده شغل واضح وصريح ونظيف وسريع !! بس 😂😂😂.. !! المهم .. أعطوه فترة تجربة ثلاث أشهر .. أثبت جدارته فيها .. وهلأ بعد ثلاث سنوات عمل كمندوب مبيعات يعتبر من الشباب الكفوئين وكتير اوقات الموظف المثالي. 👍...الحقيقة قد ما انا فرحانة عشان هو كان مؤمن بنفسه وبإمكانياته .. وكان قد التحدي .. على قد ما انا مقدرة تشجيع المستودع له .. وإعطاؤه فرصة حياته .. مش كل يوم الواحد بيصح له فرصة يطور نفسه ويحسن ظروفه .. الشاطر اللي بيشوف الفرصة لما تكون قدامه .. وبيغتنمها ..☺️☺️☺️..#حلو_الطموح .. وطعم النجاح أحلى ☺️
#يوميات_صيدلانية
