Diaries (ဒိုင္ယာရီမ်ား)
အခန္း ၁၁။ အဲ့ဒီ့အခ်ိန္ေလးမွာပဲဒီၿမိဳ႕ႀကီးကိုခ်စ္မိသြားပါေတာ့သည္။
ဇီေက်ာင္းကေနျပန္လာတဲ့ တညေနမွာ ေမေမကဆိုင္မွာမ႐ွိဘူး။ ဆိုင္ကအမကိုေမးေတာ့ ေန႕လည္တည္းက ေမေမအိမ္ကိုျပန္သြားသည္ဟုဆိုသည္။ ေမေမက ဇီ့ကိုဘာမွမေျပာပဲ ဒီလိုေပ်ာက္မသြားတတ္ဘူး။ ေမေမကဆိုင္ကိုပစ္ထားၿပီးေတာ့လည္း ေလ်ွာက္မသြားတတ္ဘူး။
ဇီေမေမ့ကိုစိတ္ပူလို႔ တြမ္နဲ႕စာလုပ္မယ့္ကိစၥကို ဖ်က္လိုက္ၿပီး အိမ္ကိုျပန္လာခဲ့သည္ ။ အိမ္တံခါးဖြင့္ဖြင့္ခ်င္းတည္းက ေမေမရဲ႕ရွိုက္ငိုသံကို ၾကားလိုက္ရသည္ ။ ဇီ့ေခါင္းေတြပူထူသြားၿပီး အိမ္ထဲကိုေျပးဝင္သြားေတာ့ ေမေမကအိမ္ေရွ႕က ဆိုဖာေပၚမွာထိုင္ရင္း ႐ိႈက္ႀကီးတငင္ ငိုေနသည္ ။
"ေမေမ..ဘာျဖစ္လို႔လဲ"
"ဇီရယ္...ႀကီးႀကီးဆုံးသြားၿပီတဲ့..."
"သူဆံုးၿပီလား..."
"အိုး...သူတို႔ေမ့ဆီက ထြက္သြားၾကျပန္ၿပီ.."
ဇီေမေမ့ကိုဖတ္ထားၿပီး ႏွစ္သိမ့္လိုက္သည္။ အမွန္တိုင္းဝန္ခံရရင္ ေမေမငိုေနတာျမင္ေတာ့ ဇီ မိုးမီးေလာင္သလို ခံစားလိုက္ရတာအမွန္ပဲ။ ေနာက္မွ ႀကီးႀကီးဆံုးသြားၿပီလို႔ေမေမေျပာေတာ့ ဇီနည္းနည္းစိတ္ေအးသြားသည္။ နဂိုတည္းက ေရာဂါအႀကီးႀကီးကို သယ္ထားတဲ့အဖြားႀကီးတစ္ေယာက္က အသက္႐ွည္ႀကီးေနရမယ္လို႔ ဇီမတြက္ထားပါဘူး။ တစ္ေန႔ေတာ့သူေသမွာပဲ။
ႀကီးႀကီးကိုမခ်စ္တဲ့အတြက္ သူဆံုးသြားတဲ့အေပၚ ဇီ့မွာဘာခံစားခ်က္မ႐ွိဘူး။ ခ်စ္တာမခ်စ္တာအျပင္ ဇီကိုယ္တိုင္က ေသဆံုးျခင္းရဲ႕အဓိပၸါယ္ကို နားမလည္ခဲ့လို႔ျဖစ္ပါလိမ့္မည္။ မ႐ွိေတာ့ဘူး ဆိုတဲ့စကားလံုးက ဇီ့အတြက္ႀကီးမားတဲ့ ေျခာက္လန္႔မႈႀကီးတစ္ခု မဟုတ္ပါဘူး။ ျဖစ္ႏိုင္ရင္ မရင့္က်က္တဲ့လူတစ္ေယာက္အျဖစ္သာေနသြားခ်င္ပါသည္။ ေသျခင္းတရားကိုဘယ္ေတာ့မွ နားမလည္ခ်င္ပါဘူး။ မႂကံဳပါခ်င္ပါဘူး။ မ႐ွိေတာ့ဘူးဆိုတဲ့အျဖစ္ကို ဘယ္ေတာ့မွ မသိပါရေစနဲ႕လို႔သာ ဆုေတာင္းမိပါသည္ ။
YOU ARE READING
DIARIES
Romanceအထက်တန်းကျောင်းသူလေးတစ်ယောက် နာမည်ကြီးကျောင်းတော်ကြီးတစ်ခုကိုပြောင်းလာခဲ့တယ်။ ကျောင်းတတ်တဲ့နေ့မှာပဲ ရန်ပွဲတစ်ခုထဲမှာဝင်ပါမိပြီး သူ့ရဲ့ဒိုင်ယာရီလေးထဲမှာ ကောင်လေးတစ်ယောက် ရောက်လာခဲ့ရာက....
