في فحمة الليل

بارت 1

بقلم NabaaAlZubaydi

# في فحمة الليل

بارت _1_

مشتهيلي احجايه حلوه
وكهوه مره
وكعدة الربضه العصر مرشوشه ماي
وغبشت الصيف الحنينه
وطابك امي ❤ وحس ابويه الجنه ناي

نبدي بسم الله يوم 2023_ 2 _ 17

في إحدى محافظات الجنوب

_ كصري حسج يا حلام لون يسمع جدي الشيخ يكضي التوبه بينا

احلام _ بسج عاد فهمت الكعده وياج تكصر العمر

اديبه _ شو متعرفين تسولفين انا الكعده ويايا تكصر العمر فوك مارايده مصلحتج واكلج كصري حسج وانتِ ولا يمج تغنين

رويدا _ بسجن عاد يبنيات امشنا نرد للدار غوربت الدنيا وكرب يجلجل اليل وانتن تتمالخن

احلام _ كولي لبت عمج تتمالخ ويايا شمالها

رويدا _ تتغشمر وياج يبت عمي

رادت تحجي اديبه ورويدا سكتتهن أخذن الماي من الساكيه وشدن عبيهن زين ومشن يسولفن ويضحكن ولا جنهن جانن يتعاركن

كمره _ مو هذا حازم بن عمي راضي لو انا غلطانه

اديبه _ هوو ايي والله بس شعنده اليوم كريب الساكيه

رويدا _ بسجن عاد سويتنها سالفه هذا هوَ جاي لعدنه وهسه نشوف سالفته

حازم _ كواجن الله يبنيات عمي

ردن عليه بالمكوا حيلك

حازم _ الله يسلمجن الا جيت انشد عليجن يدي ودا عليكم

رويدا _ يخويه جنه بالبستان نتمشا وهل اجينا وجبنا الماي ويانا

حازم _ جااا انا ارد للصيد يم الولد

كمره _ جلجل ليل صيدش هساع

حازم _ يم حمود عسى ما نص ليل تلاكي يصيد عاد حمود صياد لأسود يلاا مسلم عليجن

ردن بسلامه

احلام _ يعني هم ننطر ليما يشرف الشيخ حمود يلااا نتشعا انا طاكني الجوع

اديبه _ وانا بعد طاكني الجوع

رويدا _ ولجن ماظل وكت وهساع امهاتنا وجده سعوده يكضن بينا التوبه

احلام _ وهيه تهز ايديها مراضيه على كلامها

كمره _ شمالج رويدا طلعتي الكعده من عيونا اليوم

رويدا _ انا امشي عنجن غاد انتن مامنجن فايده

تركتهن ومشت وهنا صارن يتراكضن وراها

يعرفن رويدا كلمتها مسموعه وكل البيت يحبها عبنها الجبيره بيهن والواعيه الفاهمه

احلام _ شمالج رويدا تتراكضين