ما عرفتش إنك كنت بتكتم فيك الأه
لاجل يبان فى ملامحك شيء من قوه
بيبان على وشك شيء م الجد وقلبك ابيض من جوه
مكسور من جوا فى قلبك جرح بينزف فيك
م الحب
مظلوم القلب
فى يوم لو ساب إحساسه أسير
كان فاضل لسه ما بينا معاني كتير
كان فاضل لسه حكاوي هنسرد تفاصيلها
ونعيد ونزيد،
ونفكر برضوا نراضيها او نأسرها
ورحلت أواام، كان فاضل لسه مابينا كلام
أنا فاكر أول يوم لما قابلت الوجه جديد
كان لسه ملامح وشي حديد
محتاج تجديد مفهوم الدنيا على الاوزان
محتاج لبيان
محتاج تتعلم قبل ماتحكم بالإحساس
محتاج تتعلم شوف أعذار الناس
وقبل مايطلع فيهم صوتك شد وجذب
محتاج تتواضع، شوفت الأرض
خليك فى مكان إنسان تعبان وبيصرخ بيه إنسان شقيان
طب حالك إيه
كان دايما فيك إن العيان وبرغم الصوره المرسومه ع الوش يبان؛ بيقول غلبان والغلب كاويه
خليك على طول بتفكر فيه أو حاسس بيه
كان ليك افكار بتصد الموجه العاليه ساعات
وتوقف سيل بعديه هجمات
والله حبيب وفى قلبي قريب
والود اللى مابينا هيزرع فى مكانك خير
ماتخافش مافيش أخماس فى اسداس
الوش خلاص بقى شكل مداس
ولأجل ما تفرح لينا وبيك هيفضل ليك فى قلوبنا مكان
من فعل الخير
مش هنسى دعاك
ولا هنسى فى يوم إنسان وصديق
كان نفسي أراضيك عن زعلة يوم من غير أسباب
وبلاها عتاب، من خوفي عليك والله ياصاحبي وحبي أنا ليك
أتاريك بتدارى الحزن فى قلبك علشان القوة تبان على وشك فيك
كان أخر إيد بتوسد ليك، متمسك بيك
لكن الدنيا أها سابت ليك فى قلوبنا مكان
فاكر لنصيحة قلبك ليا ازاي هتحافظ على عينك فوق الناس مرفوعه، إياك والمال السايب،
وإياك والعين لا تميل
مووايل هتروح وتجيب مووايل
وتلاقي عيون الكل تدوسك فيك وتميل
وحال العيان، بتعامل بيه مع كل الناس
الصرف أساس الخير
واشيل الهم مكان الغير
كان فيك الخير والله ياصاحبي وقلبك خير
أهو راح الطير
أنت تقرأ
أحاديث المساء(قصص،خواطر،مقالات، قصائد)
Acakحرفٌ يكتبما تحدثه به الظنون، وحرفٌ يكتب من خيالات الشجون، وحرفٌ يرسمُ الحركات قصصا وحكايات، وحرف ثار على ما لايُريد فمات. هنا بيت القصيد، وبستان يفوح من عطر حروفه، هنا المعاني والسحر والدلال، هنا الشجن ودموع الحنين.
