حرفٌ يكتبما تحدثه به الظنون، وحرفٌ يكتب من خيالات الشجون، وحرفٌ يرسمُ الحركات قصصا وحكايات، وحرف ثار على ما لايُريد فمات.
هنا بيت القصيد، وبستان يفوح من عطر حروفه، هنا المعاني والسحر والدلال، هنا الشجن ودموع الحنين.
حكي لي صديق عن موقف حدث له شخصيا فقال كنت ذاهبا إلى العمل في احد الايام وكنت اعتاد ان اذهب الى مطعم احضر سندوتشات الفول والطعميه صباحا قبل دخول مكان عملى، لصعوبة الخروج مرة أخرى. إثناء سيري فى الطريق صادفني موقف مؤلم سيده كبيره فى السن من البسطاء من عامة الناس واحد سائقي التوكتوك فى شجار عنيف وخناق متواصل. الجميع من حولهم يمرون دون أن يتحرك لهم ساكنا وكأنهم لم يروا وانا فى بعض الأحيان افعل مثلهم ولكن فى هذه المره استوقفنى الموقف فسالت السائق ايه المشكله يا اسطى قال الست اخدتنى توصيله لحد هنا وبقولها الحساب خمسه جنيه مش راضيه تدفع غير تلاته جنيه وانا مش هسيب حقي الست يابنى دول خطوتين ياخد ليه خمسه جنيه هو انا واخده تاكسي. ثم زاد الشجار حده فاخرجت من جيبي الاتنين جنيه اللى عليهم المشكله واعطيتهم لسائق التوكتوك فركب ومضى فى طريقه فوجئت بأن تلك السيده تدعوا لى بتيسير الحال ثم انصرفت. وللعلم الاتنين جنيه فى وقتنا دا ما يجيبوش الا سندوتش فول ساده من عربية فول ولكن لكل إنسان ظروفه واحتاجاته التي لا يعلمها الآخرون عنه. أحضرت السندوتشات ورجعت إلى مكان عملى حتى لا اتأخر عن ميعاد الحضور. مرت الايام وتوالت وفى يوم من الايام بعد هذا الموقف العابر بحوالى عشرة أيام كنت فى عملى نوبتجيه 24ساعه وانصراف صباح اليوم التالى كان يوما مشهودا هذا اليوم أمطار مستمره تعطلت معها اغلب حركة المواصلات، انا اسكن فى الريف بعيدا عن مكان عملى بحوالى ساعه ونص سفر خرجت بعد انتهاء عملى لاستقل القطار أو اى وسيله لأعود بيتى. القطارات متوقفه المواصلات العامه أيضا اغلب سائقي الميكروباص لم يخرجوا لسوء حالة الطرق والطقس وقفت وزميل معى اكثر من نصف الساعه ننتظر وفجأه توقفت سياره ملاكى يقودها شاب فى الأربعين من عمره وقال اتفضلوا اوصلكم فى طريقي ظننا انه يحدث احد غيرنا لكنه كرر حديثه واخصنا به ركبنا معه ودار الحديث شكرا حضرتك انك وقفت اخذتنا فى طريقك دون سابق معرفه. قال: المفروض انى اللى يقدر يقدم مساعده يقدمها دون النظر لشكر الناس لو كلنا عملنا كدا ربنا هيسخرلنا الأرض ومافيها، لوكلنا وقفنا نساعد اللى محتاج مساعده دون التفكير ان نيته ايه وشكله ايه ربنا هيكون فضله كبير علينا أضعاف مضاعف فضحكت مبتسما وقلت له تعرف حضرتك انت وقفت اخدتنا ليه معاك. قال باستفهام وتعجب!؟ ليه طيب؟ - بسبب اتنين جنيه دفعتهم لسواق توكتوك كان بيتخانق مع سيده كبيره فى السن عليهم انا دفعتهم عشان احل مشكله بس والست مش حمل خناق ولا دموع، شوفت بقا ربنا بعتك لي انا وزميلى فى يوم صعب زي دا عشان توصلنا فى عربيه ملاكى مش توكتوك، لو هناخد تاكسي مش هياخد اقل من 150 جنيه، عطاء ربنا هيكون أضعاف عطائك وكرم ربنا اكبر بكتير من كرمك انت كبشر،وكمخلوق،أوعىٰ تستصغر فعل الخير،او حتى كلمه طيبه،وماتترددش إنك تساعد أي حد طلب مساعده منك، أو حتى من غير ما يطلبها، حاول تفرج عن الناس أي كربه،ارفع عنهم هم بشيء بسيط ممكن يكون،ابتسامه،كلمه طيبه،او صدقه، لأن ربنا هيعوضك كتير جدا فى وقت أنت فى أشد حاجه ليه.
"والله يضاعف لمن يشاء "
"وماتفعلوا من خير فإن اللهبن عليم "
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
