جارية السلطان⚜️مكتملة⚜️

⚜️الجزء 1⚜️

⚜️..جارية السلطان..⚜️
   
                   ✨ بقلمي:ليلى روي✨

🌙البارت :1 🌙

كان يامكان فقديم الزمان فعصر الحشمة ولحياولمرة تخرج منقبة وما يشوف وجها غير تاج راسها ...فوجها يبانو غير عينيها و مكتخرج لزنقة كاشفا لتامها غير لمرا الهجالة ولا لمطلقة..إما لعزبة عمرها كانت ولاكانت أنها خرجات بلا  لتام فيوم  من لأيام....

  فقصر صورو كبير وعالي وبيبانو من لحديد كيشالي...فجناح من هاد لقصر باركة شابة لابسا قفطان فلخضر ومن صم لحر منسوج ....فعنقها عقيق كولوحجاري وألماس ...طالقا شعرها لكحل بحال ضلام ليل وطويل حتى ولا يتجرجر مع لخطاوي ....مزينو تاج حجارو خضرين وبلبيض منبتين ...بشرتها بيضا بحال ثلج  عيونها كبار و كحلين شوفا فيهم تلف راعي على ماشيتو  ...كدندن بشفايفها وصوتها لمنغم يألف قصايد و لحنها يروي لعطشان فلبحر عايف ...ماسكة فإيديها عود لكحل و ليد لخرا مرايا وكتكحل ...شوية حتى دخل عندها شاب فنفس عمرها جاي كيجري و بحروفو كينادي ...
عبيدة:نجمة نجمة نجمة .

نجمة:(شهقات)ناري شي نهار غتخرجلي لقلب بهاد زربا ديالك أش باغي.

عبيدة:واش سمعتي داك شي ليسمعت ولا لا.

نجمة:وعلا نت أش سمعتي باش أنا نسمع.

عبيدة:وا ..وا صافي مانقولش لك حتى تعطيني شربيل صم لحر ديالك.

نجمة :شنو ولله وماتمشي حتى نقولها لشامة تعلقك.

عبيدة:ومالكي كتحكري عليا نتي وشامة ..وأنا كنت غانقول لك بيلي نغام غدا جاي وأنا وصفية كنا غنمشيو ...ونتي لا يالاه.

نجمة:(بفرحة وقفات):حلف حلف غدا جاي هههه واقول.

عبيدة:أه جاي وجايب معاه سكيطا.

نجمة:هه ولا هيلا ولكن أنا خاصني نمشي غدا وبغيت نشوفو وهو كيطرب ليا ..هانتا عبيدة كلم ليا شامة قوليها توجد ليا لحمام و لورد ولحنا خاصني نوجد لغدا ونبان فعينو بحال لعروسة ولكن قبل خاص مولاي لملك حتى يمشي لحرب و يسوك جيشو.

عبيدة:ومشتيش إلا حصلنا راه غيصوط فينا .

نجمة:لا لا ماتخافش ...نغام شهور هادي ماجا وغدا جاي وبغيتيني نفلتو ..لا ميمكنش.

عبيدة:ولكن دابا مولاي لملك غادي غدا معا لفجر إيسوك لجيش وغيمشي لحرب..وهو لحرب لقصيرة كياخد فيها 4شهور ...وهادي ماشي حرب ساهلة يعني مولاي غيتعطل.

نجمة:(ضارت عندو بضحكة )يعني قصر لحرية غيولي لينا ....

عبيدة:يعني غنخرجو كيما بغينا .....ههههه صافي هي هاديك.

  تدق لباب ودخلات وحدة من لوصيفات هادي شامة رفيقة و لمتكلفة بلأميرة نجمة شابة فعمرها 30عام ببشرة سمراء...وغليضة شوية...
شامة:نجمة أش كديري....تكلمي لمولاي لملك بان ليا معصب أش درتي يالمصيبة.

نجمة:(خرجات عينها)أنا..أنا والو ياكما إيكون صاق لخبار للمتمورة.

شامة:(بتعجب)إنا متمورة..

نجمة:(شدات ليها فإيديها كتوسل فيها)عافاك لما عونيني ...راه راه خناتة درتها فلمتمورة وسديت ...

شامة:أويلي وعلاش😱

نجمة:وراه (بدات تغبن)أهىء أهىء شافتني فاش كنت خارجة ولبارح وخفتها تقولها لسلطانة وأنا نديرها فلمتمورة..وفخبارك خليتها بلا ماكلة بلا شراب باش تعلم تصنت على سيادها.

شامة:أويلي ودابا درتيها مزيانة أ درقتي لحيط بلخيط واش حماقيتي ..لا لا لا موحال توبي نتي تكلمي لمولاي ليوما إدفنك..

نجمة:(زفرات بقوةوحلات واحد لكموسة جبدات منها طرف ديال لبصلة مجففة وحكاتو على إيديها )أوف أوف يلاه دابا.

  صبقات نجمة خارجة وتابعها شامة وعبيدة يلي غادي و يولو بحال لولية....وقفات حدا لجناح ديال مولاي لملك وحل ليها لخدم يلي عند لجناح دخلات وسدو لباب..لقاتو عاطيها بضهر وداير إديه مورا ضهرو..

نجمة:مولاي طلبتيني.

مولاي لملك:(دار عندها ..راجل كبير فسين هادا سلطان مولاي دريس ولأب ديال نجمة)أش داك شي درتي لخناتة أش داك ديريها فلمتمورة.

نجمة:(دوزات إيدها على عينيها وبداو دموع إيخرجو)ولله أمولاي حتى هي يلي كتجبدني تزادت معايا ونسات أصلها و فصلها وبيلي هيا غير خادمة و أنا لأميرة هنا ... وهي يلي دار دنب إستهل لعقوبة ..(شافتو باقي مخنزر)أهىء أهىء وهي يلي كتبقى تهدر فضهري معا لوصيفات و  لخادمات حيت أنا باقا صغيرة.

مولاي لملك:أخير مرة سمعتي لمرة جايا نعاقبك كنواعدك راك كبرتي مابقيتيش صغيرة فعمرك16 ديري عقلك أنا غدا مسافر إنشاءلله نسمعك خرجتي ولا درتي شي موصيبة كنحلف لك ماغندوزهاش لك كتفهمي.

نجمة:فهمت فهمت طريق سلامة ولله إينصرك على لعدو وترجع لينا سالم غالم ..

مولاي دريس:أجي قربي ...(غير قربات تلاحت عليه عنقاتو)شو صافي علاش لبكا.

نجمة:أهىء أهىء خايفة بزاف علك كون غير مامشيتيش نت عطا لله لجنود.

مولاي دريس:هه ويالحمقة و علا هادوك لجنود ماشي بنادم أمم و لملك كيتصبق هو لول وهانا مزال غنرجع ونت ديري لفعايل و أنا تابعك ولكين لمرة جايا نعاقبك ولله مانفلتك صافي هه وصافي.

نجمة:(بعدات عليه)صافي واخا.

مولاي :يلاه سيري لجناحك وقولي ليهم إكلمو ليا سلطانة بلقيس.

نجمة:واخا أمولاي .

#يتبع...ارئكم  البنات 💎