جارية السلطان
بقلم:ليلياروي وزينب العلمي
بارت58:
دازت جوج سيمانات من يام الله وباقي مابان حتى خبار على السلطان وجنودو، لي عرفو من المرسول انهم يالاه وصلو لبلاد الحرب.
كانت باركة فجناحها لابسا ومقادا وتاج زادها زينة لحناك ترفعو ولعينين تجبدو بيوضيتها بيوضيت لبيض لمصلوق شوفتها شوفت غزال فجناح صيادها ..حاطا يدها على بطنها وتكلم فولدها وروحها تانية تهدر تسول لمن يشبه ...
نجمة:(تنهدات)اااه مصاب إيمتا تخرج ونهزك بين يديا مولاي توجني اميرة وبفضلك غنولي ملكة ملكة قلبو وروحو وجناحو ولالة نسا ...دابا نت لمن غتشبه ..انا بغيتك تشبهو فلعينين ونويف ولحية ودوك شفايف يلي كيفهم كيف حب ملوك..ايه نيت توحشتو نمشي نجيبو دابا نيت...
وهي فسهوتها مافيقها غير لباب يلي تدفع بجهد ....
نجمة:(ناضت من بلاصتها) اشهاد الدخلة دايرة أميرة القصر ما هي من سهم عبيد ولا خدم
عدرا:(كتغدد بالفقصة) اش هاد فهامة جحا راكب على حمارو ويقلب علييه
نجمة:(بطنز) المرى الفاهمة نقمة واخة تكون كتفتن بالزيين
عدرا:(موجهة كلامها الوصيفات) شدوها
نجمة:(مصدومة) كفاش شدوها زعمتي زعامة الجرو الالاهم عدرا كترت النبيح تعطيه ضربة يتكور ويطيح
عدرا:توجك مولاي اميرة وطوالو رجليك بحال الما لي تعدى مجراه والخبز لي فاضت على جناب الوصلة يحسابلك بداكشي لي هازة فكرشك غتشدي مولاي لعندك وتولي ملكة القصر طمعتي بزززاف انجمة ولكن طماع حتى واد ما كدو والى خمر كيفوت حدو
نجمة:مولاي شديتو من زمان بشطارتي وحلاوة اللسان ولكن كية لي شطارتو من شطارة الغربال يطلق الدقيق ويشد فالنخاال
عدرا:يحساب راسك زينة وهمة وشان ولكن نتي غي كميشة ميزول عليها القيل والقال
نجمة:هاد الكميشة هي لي غتعتري فيها وتجي على عين كفاك
عدرا:مولاي طاح فنوارة كتلمع ومن الداخل كتخلع ولايني قالوها ناس زمان لي خفاك أصلو شوف فعلو
نجمة:(كتنتر من يد الوصيفات) الزين يحشم على زينو والخايب الى هداه الله عيب على الجمل يطلع للصومعة اما بلارج بلاصتو تما
عدرا:سدي فمك ولا يجي مولاي ويطيرلك لسانك مابين سنانك
نجمة:هاكيلي هاكاوة حنات فيا مرت با ومسحاتلي خنونتي بشرييط(جمعات البزقة وطلقاتهالها على وجها) تفووووووووووو
عدرا:(كتمسح وجها وعايفة) وليتي تبزقي على سيادك اشياطة النسا اليوم نطفيلك زينك لي فرحانة بيه
نجمة:سولو السم باش كتقتل قاليهم بتقالة ونتي زاربة على روحك من زمان
عدرا:منين جبتي هاد الفهامة ديال النعامة لي خاشية راسها فالتراب وكتقول ما فيا مايتعاب
نجمة:قلبتي عليا وانا عاطياك الوقار باغية توريني شطارتك وبينتي على نيابك ونسيتي بلي شطارتك من شطارت المعلم زاكلو لي باغي يدير من البرشمان دلو
عدرا:اليوم نصفيها ليك وميجيب حد خبارك
(شيرات عدرا بالقنديل على وجه نجمة)
نجمة:(تحرقلها وجهها كولو وبالصدمة دارت يد على وجهها ويد على كرشها وطاحت لأرض مغيبة)
#يتبع#....
أنت تقرأ
جارية السلطان⚜️مكتملة⚜️
Roman d'amour💎مكتملة💎 ❌حصرية على الواتباد❌ 🌛قصة- رمضانية 🌛 ⚜️العنوان :جارية السلطان⚜️ 💎بقلم:ليلى روي (jë süis lä)💎 💎الكوفر من تصميم : #Ñöřhãņ Ñöřhãņ 🍃رجعو معايا بزمان..لزمان لحكمة ولحشمة ولحيا... زمان سلاطين ولملوك وجاريات غنعيشو حكاية جامعة فحضانها كل م...
