جارية السلطان⚜️مكتملة⚜️

⚜️الجزء 55⚜️

جارية السلطان
بقلم:ليلى روي وزينب العلمي
بارت:55
فالكشينة عند شامة كالسة فبيت الخزين كتمعشق هي والخضر
الخضر:شويمتي
شامة:ويلي يا الخضر غيسمعك شي حد
الخضر:هااحح عل. سميتي كيف خارجة من فمك بحال السمن مع العسل
شامة:الخضر
الخضر:نوارت الخضر
شامة:كنبغيك
نجمة:(دخلات كيف الرعدة) يا تبغيكم لفعة يا الكافرين بالله
الخضر وشامة:(تخلعو وبقاو غي كيدورو فعينيهم)
نجمة: عليا بليمين وكان دخلات وحدة فالوصيفات الليلة راسكم لا بات بين كتافكم
(الخضر شدات القفقافة وخرج من الكشينة)
شامة: صلاة والسلام على رسول الله لا جاه الى جاه سيدنا محمد الله معاك الجاه العاالي يويويويويوويوويويويوويويووييوي لالة زينة وزادها نور الوحم يا نجمة يا قطيب اللوز
نجمة:(كدور فبلاصتها وتشالي بقفطانها) خليوني ندوز
شامة:يا نجمة يا قطيب البنان
نجمة:خليوني نباان
شامة: نجمة صافية منورة سما مولاي السلطان
(نجمة كلسات على خنشة دزرع)

نجمة:شامة طوقي ليا داك زيتون واش مالح يعطيك ستر..
شامة:والله مابغيت نردها فوجهك ولكين ليوما صايمة رمضان مابقا ليه والو وباقي تابعني دين...
نجمة:امم صافي فيها خير ..اجي ديك لحريرة واجدة..
شامة:ايه هاهيا واجدة ..
نجمة:وعنداك تكوني ملحتيها..
شامة:(ميقات )وعلى مالني دايقاها...
نجمة:(بطنز)لا لا غادوقيها نيت وعصي الله ،صلقتي لبيض؟
شامة:ايه هاهوا واجد ومصلوق..
نجمة:(بإنفعال)وعلى شكون قالك صلقيه...
شامة:هاويلي وعلى كيفاش بغيتيه ياك قلتي لمقلي مكتحمليهش...
نجمة:(هزات كتافها)وانا الالة كنت بغيت نديرو كواري ونتي شغلك...
شامة:هاويلي على كواري واتي فعار الله ابنيتي ...
نجمة:ونتي مالك اشتي انا غتشوفي معايا لبيض مصلوق ولبيض كواري ولبيض يلي يالله كيخرج من لبياضا...
شامة:(حركات راسها)لا حولة ولا قوة إلا بالله ...
نجمة:وابقاي تكمكمي عليا تما ..اجي عاونيني نوض راني هازا والي لعهد ..احح غا بشوية عليا...
شامة:شنو تشهات خاطر حبيبتي داب نحضرو
نجمة:مشهية حب الملوك واللوز المدكوك
شامة:هي اللولة دابا يحضر عند نجيمتي
نجمة:جيبيهلي دابا بغيت نمشي ناكلو فجناح مولاي
شامة: واخا يا لالة
جابتلها شامة لي طلبات
شامة:هانا يا زينة البنات
نجمة: واش بغيتيني نهزو وانا حاملة بولي العهد
شامة: لا يا نجيمتي انا نهز الصينية ونوصل لالة نجمة حتى لعند مولاي