جارية السلطان⚜️مكتملة⚜️

⚜️الجزء 48⚜️

جارية السلطان
بقلمي:ليلى روي
البارت: 48
داز شهر من ليام وليالي ..سلطان تعافا فيه ورجع مزيان وحسن من لول ...ونجمة دوزات هاد شهر غير مع سلطان تبات عندو بليل ونهار ..تنعس حداه ومعاه وفصباح تفطر وتغدا معاها مابقات كاع ناويا تخرج من جناحو....عبيدة باقي هوهو مرا مضارب مع نجمة مرة كيلحلاقم ...وعذرا يلي خرجات منها ومطاح كاع فبالها بيلي هادوك عشوب لكرش ضور ضور وتقول لمها كرشي تصفات من تكال وسحور....

كانت باركا كتلعب بشعرها وتشوف فلخاتم يلي عطاها سلطان ...وتحط يدها على كرشها وتقول إمتا نحمل ونهز منو ...ولبنات كاملين غير كيشوفو ويخنزرو حيت من نهار جات عمر شي عروسة مدخلات عندو تدخل نجمة وتخرج نجمة ...شافوها كتبسم غاراسها وتخيل كريشتها عامرة ..هزات وحدة يدها ونغزات صاحبتها نعتات على نجمة وهدرات بجهد ....

***:إيوا من حكلهم كيقولوها نهار ربي كيبغي يعدب نملة كيدير ليها جناح ..ويهز ليها راس...

شافت فيهم نجمة مكفرة وتكلمات غير على سبة:وحتى حد ماشكا علك ولا طلب بريك ..ونتي غتموتي غير بسم حيت مولاي دايرني أميرة ونتوما غير كي شياطة ...

***:قالت لك أميرة هههه..فين عمري شفت لأمراء كينعسو فلحرم ويكالو من مكالت ناسو...

شافت فيها نجمة وهي تجمع فمها عندها شداتها لبكية معرفاتش علاش هي موالفة تعطي لواحد خوجوابو وكتر...ولكين دابا باش غتجاوبها وهي كلامها كل على حق....رجعات لور وحطات مخدة حداها وبدات تبكي فصمت وتعض فيها أش جرا؟ أش وقع؟؟ماعارفاش حاسة براسها باغا تبكي ..خلات لبنات غامعجبين فيها فهاد لمدة طويلة حفضوها وعرفو طبعها ودابا كتبكي جاتهم عجب....بكات حتى شبعات وعبيدة حداها يعنق ويخنزر فدوك لبنات...حتى دخلات شريفة لمختصى بنسا سلطان تكلمات بصوت عالي وهي كتشوف فعبيدة...

شريفة:لباتول وجدي راسك هاد ليلة.....

نجمة:(بإستغراب)علاش مالها فين غادا...

شريفة:مولاي باغيها عروسة وجدي راسك ...

نجمة:(ضربات فخاضها مخرجا عينيها)شنو 😱😱...

لباتول:(بفرحة )الله أقلبي الله واش كنسمع...

نجمة:(ضارت فيه بلغوات )أش كتسمع أش واش عرفتيها أش كتقول ..جمع راسك وسكت هاد شي راه ميمكنش ميمكنش دخلي لعندو فهمتي....

بقاو كيشوفو فيها لبنات ويتهامسو عليها ...
***:ويلي ياختي شوفي صحبة كيف دايرا غارت حتى من صاحبتها باش متدخلش عند مولاي....

بركا مربعا وحاطا يدها على خدها كتفكر فهاد لحريرة...من نهار جات لقصر عمرها بركات ولا زكات موصيبة فصباح وختها فلعشية ...تنهدات تنهيدة من لقلب ...

نجمة :أااه ياربي وأش تابعني مزال.....غاواحد نبغيه ومافيه تيقة دغيا قلب على لبديلة وأنا كاينا..وواحد غير هبيل ناوي يدخل عروسة...

وهي وسط تفكيرها حتى بركات حداها لباتول كتدبل فعينيها وكتهضر ...
لباتول (عبيدة):صباح تفاح ولياسمين إلا فاح 🙂..

💎صباح بلعمان وخدود رمان ....

شافها مجاوباتوش ومنخلاه غا باركة وتنهد زاد قرب وكيهضر بإبتسامة ناوي تجاوبو...

لباتول:💎صباح لبرقوق وزيتون مشقوق ..

💎صباح تفاح كينشوفك نرتاح ...

💎صباح لخوخ نظرا منك ندوخ ...

نجمة:(مقندشة)صباح لعنب كينشوفك نندب...

لباتول:صباح لأناناس لأغلى ناس...

صباح لعنبر وعود شمنضر...

شافت فيها طالعة ليها لقردة..نجمة:أش بغيتي تاني يامجبد لبلا مابانتش لك ها روينة يلي أنا فيها...

لباتول:ندخل عروسة وعمري وجهي باقي تشوفيه 🙂

نجمة:بدات تندب كتقلب باش تضرب..وايدخلو فمك طول وعرض ..راه طالعة ليا لقنديشة خليني فحالي قبل مانوض لك...ياكما متلتي وتيقتي راسك...يحساب لك نيت راك ولية...ويحساب لك مولاي غياخدك فلأحضان راه والله حتى يعاود مك فلختانة ويعلقك قدام لقصر ليداز ياخد لعبرة منك...

رجع لور وهز كتافو :وشتي غير مولاي أوالله حتى ندخل عندو عروسة...وتبخيرة يلي معطيوتونيش منها ديك نهار غديريها ليا ونتي كضحكي ..وتجي وتشوفي صباحي يلاه موتي يالمسمومة ..وأصلا هو يلي طلبني عندو عروسة بغيتي ولا كرهتي غا نوضي عاونيني نوجد راسي...

نجمة:(بنافد صبر )أشتي سلطان أوالله لادخلتي عندو ...هاويلي هاويلي وعلى موصيبتي ناس فناس ولقرع فمشيط راس..لبنات يضاربو مع بعضهم على سلطان وأنا مضاربا مع عزري ضوار 😑😑...

               #يتبع#