جارية السلطان
بقلمي ليلى روي
بارت 11
هو يدفع وهي دفع ولبنات يضحكو عليها ..أول مرة تبان ليهم شيوحدا غادا بزز منها وهما يلي لكبيرة وصغيرة تحلم باش دخل لقصر وتولي جارية ...وسلطانة كاع علاش لا....دخلها لعربة و زاد عليها حتى شامة يلي غير كتولول وتقول لهم لغولة ولا حية مدفونة...زادو عليهم دوك لبنات ...ونجمة فيما تبغي تهدر يضور فيها لخادم ويسكتها غا بلمعيور ...داز نص نهار ...ضهر فاتت بشوية عاد وصلات لعربة لقصر مولاي سلطان ....دخلات من لباب لكبير ووقفات فساحتو ..هبطوهم كاملين ونجمة غادفع مكرهاتش تقتلهم كاملين ...إما شامة هاديك خلاص غاشافت لقصر حلات فمها من صدمة ورجعات بها داكرة لور و بدات تربط وتحط....بداو كيدخلو فيهم كاملين وحدة ورا وحدة حتى لباب لقصر دخلاني لقاو شي وصيفات وخادمات تما دخلو لبنات معاهم نجمة وشامة ...لواحد لقاعة كبير مفرشة من حقها وطريقها فيها شلا بنات وعزبات لابسات و مزينات و باركات...هادا لحرم حرم سلطان نسا سلطان...وقفوهم وحدة حدا وحدة وبدا يسولو شحال فلعمر ويلي كبر من سلطان ومتصلاحش تكون جارية كيدوزوها باش تكون خادمة بحال شامة و شحال من وحدة تختارو كاملين ...بقاو 3 لبنات و نجمة يلي هما قل من28 سنة وحدة فعمرها 24 سنة لبنت تاع قبيلا نيت ووحدة عندها 25 و لخرا 22و نجمة صغيرة فيهم 16....وصغيرة غير بسن إما لفورمة فايتاهم....جات واحد لخادمة بدات كتقلب فيهم تقلب ليهم شعرهم و جههم ودنيهم وصلات لنجمة و نفس لعملية ...وهي كارهة راسها كيقلبو فيها بحالا شي حاولي ديال لعيد...حتى سالاو و بدات لوصيفة وحدة سمرة و غليضة و لخرين كاملين بحالها...بدات لوصيفة كتصيفت لبنات عند لحكيمة باش تقلبهم و يلي لقاتها ماشي بنت تخرج و يلي راها بنت كتقبها لحكيمة و تبقى سيمانة و منبعد تقدم لسلطان...شحال هادا كان حكام فشكل و عادات غراب بزاف يلي غتعرفهم معايا....وصلات عند نجمة و صيفتوها لعند لحكيمة وهي كارها رسها...غير عرفاتها غاتقلبها هنا شعلات لعافية كولشي إلا تقيسها...هي نجمة لأميرة بنت سلطان وسلطانة تقلب على يد حكيمة باش تباع لسلطانهم ولله لاكانت ولا حلم بها....
نجمة:بعدي مني بلا ماتقرب ليا ...راني بنت غير بعدو...
لوصيفة لغليضة نيت:أجي لهنا ونقصي من لهدرا سربي...
نجمة:واش حمقين بعدي مني...
خرجات فيها عينيها لوصيفة:أش هاد قلت لحيا زيدي بحال خوتك ولا ليوم راسك مايبات بين ضلوعك...(جرات نجمة من دراعها حتى تنطرات ليها نجمة ودفعاتها..وبدات كضور فراسها مالقات غاخنجر هزاتو بيد مرجوفة)
نجمة:ولله شي وحدة تقرب ليا حتى نحرها واش عارفين أنا شكون ولا لا شكون نتوما باش ديرو إيديكوم فيا أ...
جرات ليها لوصيفة لخنجر من يدها و صرفقاتها حتى طاحت و هبطات عندها جراتها من شعرها :أنا نوريك شكون أنا يالملقطة...عابد هبط ليا هادي لتحت حتى تعرف سيادها عاد جيبها...
نجمة:(خرجات عينيها)أويلي أش غيهبط أهىء أهىء بعدو مني واش عارفا أنا شكون ..أنا نجمة بنت سلطان ..أنا لأمير ة نجمة..
لوصيفة:(مخرجا عينيها حمرين)قطعي حسك...قالت لك بنت سلطان ...ونت حتى بنت حطاب ماتجي معاك كدابة...أري بعدا هاد لتام و هاد لقفطان...
بدات كتجر فنجمة حتى حيدات ليها لتامها و بقات غا بقفطان فلخضر مخدوم بسم لصفر..عاد عيطات على لخادمة لخرى وحدة بحالها سمرة و عامرة.. شدات نجمة من إيديها و لوصيفة كتحيد ليها فلقفطان...إما نجمة قلبها غايسكت بلبكى و حلفات لزكات تنطر و تخبط...وبزز حتى حيداتو ليها و خلاتها بقميص قصير فلبيض منو للحم ورماتها فلأرض...
نجمة(وهي طايح فلأرض و شعرها مغطيها):أهىء أهىءو الله حتى ندمك ماعارفاش راسك معامن ..(غوتات)ماعارفاش معامن لعبتي أنا نجمة و نجمة لقالت شي حاجة تموت وتنفدها...
لوصيفة(وهي كتشوف فنجمة):هبطها عليا و ماتعطيها نعمة غير مرة فليلة ..خليها حتى تعلم كيف تشوف فسيادها....وتنعت فمقام ماهوا من مقامها...(بإستهزاء)قالت لك لأميرة ونتي حتى سميت خادمة وكبر منك...وإلا خرجتي من حبسك ونتي حية أجي قطعي ليا راسي ديك ساعة...هبطها أعابد هبط...
جا لخادم جر نجمة وهي سخفانة وقفها وزاد بيها خرجو من داك لبيت من غير لحرم و هبط بها فواحد دروج مضلمين و مضوين غير بلقنديل ....حتى هبط لتحت لأرض حل واحد زلزانة وورماها فيها حتى طاحت على ركاليها وبدا كيسد فلباب وكيهدر معاها بصوت حرش وكيخلع...
لخادم:بداك لسان سليط موحال راسك إبقى ...هانتي دابا هنا فكري وخلي عقلك يرجع ولا غتخرجي غير على راسك...
عطاها بضهر وزاد...وخلاها بوحدها تما..ناضت على رجليها و تقلبات لجهة لخرة جيهت لحيط و تكات عليه وضمات رجليها عندها و راسها عليهم حطات و بداو دموعها يخرجو بحال دم تبكي وتشهق وشكون غيسمع ولا يحس بهاد لولية...
تكمشات فلقنت تبكي وتعاود وكارهة نهار يلي فكرات فيه تخرج و لا على عبيدة تقلب...فينك يا نجمة يا وردة لقصر ....فينك يا لقصر لعالي يلي كانت عيشا فيه بحال نخلة وكتسقى من يدين شامة و لخدم بحال دالية وماكاين غير يالالة يا بنت مولاي...فينك يا قصبة تاجر عباس ولات تندب و تعاود وتقول لهما عباس ولا هاد لحالة...أجي طلو عليها فين تلات بها ليام وفين وصلات...حالتها حالة و حياتها مشات وبين لقطبان بقات ...بكات نجمة حتى شبعات وطابو عينيها وعيات ..وسخفة ديال جوع حلفات منها لطلقات ...تكمشات هاكاك فلأرض حتى لقات واحد لحاف بارد كتر من لأرض هي وسخونة ..تكات ورجليها عندها جمعات و بلحاف تغطات و فنعاس مشات..
#يتبع#
أنت تقرأ
جارية السلطان⚜️مكتملة⚜️
Romansa💎مكتملة💎 ❌حصرية على الواتباد❌ 🌛قصة- رمضانية 🌛 ⚜️العنوان :جارية السلطان⚜️ 💎بقلم:ليلى روي (jë süis lä)💎 💎الكوفر من تصميم : #Ñöřhãņ Ñöřhãņ 🍃رجعو معايا بزمان..لزمان لحكمة ولحشمة ولحيا... زمان سلاطين ولملوك وجاريات غنعيشو حكاية جامعة فحضانها كل م...
