سلطانة:(جبدات درة وجمعات فيها شي حوايج و جرات عندها نجمة ركبات ليها عقد من لألماس)وياك تحيديه واخا نتي لأميرة نجمة بنت سلطانة بلقيس و مولاي سلطان دريس الله إرحمو صافي أهىء أهىء واخا..
نجمة:ش..شنو مولاي الله إرحمو كيفاش مافهمتش مال مولاي سلطان ..(غوتات) ...مالو أهىء أهىء ..سلطانة قولي ليا عافاك . سلطانة:مولاي سلطان مات فلحرب ..ولعدو هاجم علينا كيقلب عليك خورجي أبنتي خورجي.(جرات نجمة بإيد و عبيدة بإيد وغادا وكتجري بهم خرجاتهم من نفق يلي تحت لأرض و خرجو فجردة ..شافت عبيدة)هانتا ولدي واياك تخليها صافي راها أمانا سمح فراسك وماتسمح فيها الله يرضي علك...نجمة بنتي رضي لبال لراسك أهىء أهىء و عمرك ماتنساي نتي بنت شكون و دم شكون كيجري فعروقك واخا..نتي نجمة لأميرة بقاي هاكا و ماتنساينيش واخا أبنتي ..😭😭😭 سلكو طريق لغابة ..رضو بالكم غير إيطيح ضلام دخللو لشي متمورة وتخباو فيها يلاه جري أبنتي جري ...يلاه أعبيدة يلاه😭😭😭.
مشات نجمة تجري و تقول ماجريت ومن يد عبيدة ماطلقات...تجري وتجاري وتقول دابا نسالي....نص نهار و هما يركضوا ووسط لغابة تلفو ...ماعرفو شمالها من جنوبها وشمس ماعرفو شروقها من غروبها....تبكي وتمسح وصدمت موت مولاي سلطان باقا ماتيقاتها ...جوايه لعصر عياو و بركو وتحت الشجرة تظللو...
عبيدة:فخبارك باقي مصدوم مولاي سلطان دريس مات و لأمير نور دين حتى هوا و سلطانة بلقيس ماعرفنا أش تلا بها ..منقدرش نتيق 😪😪
نجمة:(مسحات عينيها من دموع ونظرة لكره )كنحلف لك غندمهم واحد واحد ...عمر دم سلطان ما غايمشي هاكداك....نوض خلينا نكملو إلا بقينا هنا غتمسي علينا لعشية وظلم دنيا....خليك نت هنا أنا راجعا..
مشات نجمة وسط لغابة تقلب على شي خيمة قريبة و لا قصبة ..حيت عبيدة عيا وماقادر يزيد حتى خطوة....تعمقات لوسط شجر سمعات صوت لخيل قريب ويجري ..ومن صوتو ماهوما زوج ولا ثلاتة شي خمسة ولا ست...تخشات وسط شجر ...وقفو رجال وهبطو من على لخيول و منهم 4لابسين لباس فلحمر بحال لخدم ..و2 بلباس لملوك ...حزمو لخيول وبداو كيتمشاو ويدورو فلغابة...نجمة غير شافتهم بعدو هزات جلايلها و رزمتها فلإيد لخرا وعطات رجليها لريح وعند عبيدة ناويا ترجع...رجعات حدا شجرة فين خلاتو ومالقات حد... تقلب من لهن ومن لهن وحس عبيدة حالف لبان...قرب إيطيح ظلام ونجمة مزال تقلب و تولو ووالو مالقاتوش....فقدات لأمل ومع طريق زادت بدات تجري بجهد حتى حسات براسها خرجات من لغابة وماغتهز راسها حتى غتلقا قدامها خيمة كبيرة فيها شلا بنات و عزبات...غادا وتقرب دفعات لباب ودخلات لواحد لبيت مصايب من تراب و حيوطو مزينين بزربية حمرة ...حتى سمعات صوت من وراها..
***:لالة نجمة نتي هنا😦😦...
نجمة:(دارت )شامة😮
نجمة بحالا كانت باغا غير سبة ..كيف شافت شامة تلاحت عليها وعلى كتفها فرغات قلبها...تبكي وتعاود ....حتى بعدات عليها شامة.. شامة:نجمة ..لالة نجمة شو صافي ..😭😭
