جارية السلطان
بقلمي: ليلى روي
البارت:15
تلفتات عند واحد لبنت باركة حداها وسولاتها....
نجمة:عفاك واش عارفة لبنات يلي جاو ديك نهارات يلي داعما جاو هنا يلي تعزلو لكبارات فينهم....
جاوبات لبنت وهي معوجة فمها ما حاملة كاع تهدر:هادوك داوهم خدم ...راهم فلكشينة يخدمو فلالياتهم و مخلين زين لسيادهم....
خرجات نجمة عينيها وبدات تهدر بصوت عالي و تسب فدرية تقول بحالا هيا لرداتها خادمة ...نجمة:أويلي على داوها خادمة ...ويلي على شميمتي على أخير يامها تولي تخدم لغربان ...ويوليو ينهضو ليا فيها ...ويلي وعلى هبيلتي أنا سدو عليا عشريام و شامتي تخدم فلعديان....
بداو يشوفو فيها لبنات ويتغامزو ويحلفو عليها حتى غاحمقة ...جمعات نجمة لوقفة و ناضت باغا تخرج من لحرم خلاوها لعبيد تخرج بزز حتى قالت باغا لحكيمة...خرجات وبدات دور فلقصر وتقلب من لهنا أ لهنا لعلا ولا عاسا تلقى حس شامة ...دازت من حدا واحد شرفة وبان ليها باب لقصر تحل و داخلين منهم جنود كيتستفو فجناب و كيديرو طريق لشي حد....زادت طلات مزيان وهما يبانو ليها خادمات واقفات وقالت زعمان شامة من بينهم ..هزات قفطانها و هبطات بزربة تقلب من لهن للهن حتى لقات لمخرج ...دازت وسط دوك لخدم ولوصيفة يلي غير شافوها خرجو عينيهم بغاو يحبسوها ولكين زربات عليهم....حتى تم داخل راكب فوق لعود زاد حتى لعند رجليها ووقف لعود و نزل من فوقو...جسمو عريض لابس جاباضور فلكرونة مخدومة من جناب بطرز دهبي وفوقهم سلهام شفاف فنفس لون طويل لقامة يديه مزينينهم خيط رقيق ديال لعقيق و فصبعو يلي قبل من صغير خاتم موشوم....حروفو كحلين و حجبانو مقادين عندو لحية ماهيا خفيفة ولا كتيرة وشعرو كحل وكتيف..عنقو مزيين بوشام بإسمو "تاج دين"مكتوب بخط عربي عرضي ...تحنحن و جمع حجبانو وهو كيشوف فيها واقفة قدامو وحالا فمها بحالاشافت شي جن و كيقول فين فايت شايفها حتى تفكر وعض على شفيفو....ونجمة بقات ساهية و تقول هاد لخليقة ما غريباش عليا حتى تفكرات نهار كانت كتغسل فلواد ووسط لغابة هربات غا تفكراتو خرجات عينيها و هدرات بزربة....
نجمة:أجي نت هو أه هو يلي دا ليا شربيلي ...نهار رميتي سهمك و بقيتي تفتف بحال دجاجة وماخليتيني لا نهز لك خط ولا نعرف قصتك ...ديك لمرا كنتي بحال صياد طلاب ودابا داير فيها راسك صايك جيوش (بدات ضحك و هزات يدها و ضرباتو لكتفو تقول بحالا باركة معا شامة)ههههه ولكين هربتيه ليا كنتي كدير بحالا كتصيد فلبط هههه...
هزات راسها لقاتو عاقد حجبانو ومخنزر ...شافت وراه بانت ليها لوصيفة و شي خادمات بحالا مخلوعات كيهبطو ريوسهم ويعودو يهزوه حيت كلشي حادر راسو قدام سلطان إلا هي...عاودت شافت فلوصيفة يلي كتدير حركات براسها باش زعمان نجمة تحدر راسها وتنعت وتقول بيلي هادا هو سلطان..ونجمة غير شافتها فهمات هزات راسها فيه مخرجة عينيها ...ورجعات شافت فلوصيفة لقاتها كتحرك فراسها بحالا أه بزربة باش زعمان نجمة تحدر راسها...إوا هبيلتنا غير شافتها بدات تحرك فراسها بأه بزربة...وسلطان غاكيشوف وكيقول أش غدير هاد لهبيلة...عاودات شافت فلوصيفة بانت ليها كدير براسها لا ..وهي تبدا تحرك فراسها بلا حتى هيا بزربة...عاود شافت لوصيفة هزات يدها و دارتها على وجهها وضربات راسها....ونجمة كيف لهبيلة لوخرا تولول ونجمة تقلد وهي ما فاهمة والو تفكرات هدرت لحكيمة و لوصيفة لغالية و تقول دابا يقطع ليا راسي تخلعات وما عرفات أش دير واخا تقولي ليها شطحي فهاد لحضة تشطح...ومولاي عاقد لحجبان و مخنزر بحالا ناوي على خزيت...
#يتبع#
أنت تقرأ
جارية السلطان⚜️مكتملة⚜️
Romance💎مكتملة💎 ❌حصرية على الواتباد❌ 🌛قصة- رمضانية 🌛 ⚜️العنوان :جارية السلطان⚜️ 💎بقلم:ليلى روي (jë süis lä)💎 💎الكوفر من تصميم : #Ñöřhãņ Ñöřhãņ 🍃رجعو معايا بزمان..لزمان لحكمة ولحشمة ولحيا... زمان سلاطين ولملوك وجاريات غنعيشو حكاية جامعة فحضانها كل م...
