جارية السلطان⚜️مكتملة⚜️

⚜️الجزء 33⚜️

جارية السلطان
بقلمي :ليلى روي
البارت:33
شامة وهي كترعد مابقا ليها والو وتلقها فحويجها وهي يلي قالت صافي تهنينا منو هاهو رجع وبحلة جديدة😂..

شامة:هننن هانتا غنشرحو لك ...

عباس:ماتشرحي ليا مانشرح لك ليوما نشرح مكم غير حتى نلقا ديك لكافرة بالله لخرة زيدي زيدي وريها ليا ولا بربي ياحتى ندير لك شوهة هنايا ونفضحك قدام كاع نسا...

شامة:هانتا عافا سيدي نهدرو غير بلعقل ويلي مشا لك يرجع لمن فلوس ولا دهب...

عباس: (بدا يترعد ويتفتف)أشمن عقل غيبقى أ ..باغا ترجعي ليا...واخا رجعي ليا مراتي عرفتك نتي يلي حرشتيها باش تمشي وتخليني ولكين غابلاتي ودابا فين هيا مراتي...

شامة:أهيا الله يهديك إنا مرة عندك...

عباس:إينا مرة هانا غنوريك زيدي قدامي بعدا..

شد فشامة وزاد جارها معاه كيقلب بعينيه على نجمة زاد وسط لبنات ويلي شافت فيه يضحك ليها فوجهها لا هوا ولا شامة ديك ضحكة ديال بزز باش ميتفرشوش حتى بانت ليه نجمة شادا واحد لقنتية وكتعزل فثواب وتحط فجر لباتول ...غير شافها خرج عينيه وشد واحد ضحكة ماتعرفها واش ديال زعطة ولا تحليفة ..زاد وقف وراها وهي يحساب ليها شامة ضارت هازا ثوب حاطاه عليها وهدرات بضحكة..

نجمة:(وهي ضايرة)شامة هاد ثوب غيعجب مولاي شوفي كي(غير شافتو تقول شافت جن خرجات عينيها وبدات تفتف حتى هربات ليها لهدرة)كي كيجا.هنننن..

عباس:(يلي غير شافها شنق عليها ودار ليها شدة لعما فضلمة إما هيا كحلات بلعمى) ...نجيمتي ها أنا جيت لتقولي ماجيت..

نجمة:هنن تجيك فراس أش بغيتي عندي...

عباس:تجيني أنا وياك ياقرت لعيان ...أري نشوف هاد ثوب جاك زين فحالك..

نجمة:هننن وابعد مني ولا والله يا عباس حتى ندير صبعاني فودنيا ونجمع علك أمة لا إله إلا الله..

عباس:(خرج عينيه)ياك ياشلاهبية إيوا أنا نعاونك نيت نقول ليهم سرقاتني وهربات ...

يلاه بغات تهدر نجمة وهي تما جايا واحد لوصيفة مخنزرة وقفات عليهم بحال قباض روح إما نجمة بدات تفتف وتشوف فعباس وطلب غير بعينيها إيما هوا هز حجبانو ودار واحد ضحكة مفهومها ليوما ليلتك يا لالة نجمة...

لوصيفة:أش هاد شي هنا ونت أش كدير معاها وباشمن حق كتقيصها ..جمع يدك عندك هادي راها من نسى سلطان..

نجمة:(بزربة)هدا هدا أااه جدي مسكين جا يشوفني هه شفتي جاب ثواب وصدقت ملاقيا معاه ياك أجدي..

عباس:(مخصر صيفتو)يجددو علك لموت نشاءلله ..أنا راجلها وبشرع وبحكم لقاضي...وهادي راها مرتي وغنديها معايا..

لوصيفة:أش هاد شي كتقول وزن كلامك عاد خرجو من فمك ..هادي راها جارية ووحدا من نسى ونت كتقول عليها مرتك كيف درتي ليها ....

عباس:أااه مرتي هربات وتودرات ودابا لقيتها وغانديها معايا....

اوصيفة:جمع فمك راها ماشي مرتك على فين عمر مولاي دخل على وحدة ماشي من حرمو ولا تحت جناحو ..وهاد شي ماغيعرف ليه غير مولاي وليوما يقول لينا واش خبارك صح ولا غلاط...

عباس:(بدا يضور فعينيه ولكين دغيا فهم أصلا يقدر يربح نجمة ويديها معاه وهادا بفضل أنها كانت قدام كاع ناس لقبيلة راها مرتو..)أهاه حتى هادا كلام نمشيو عند مولاي سلطان ونشوفو حكامو..

نجمة:(حلات فمها وعينيها وحسات بلخلعة ديال بصح إما شامة هاديك خلاص تخشات لور وغير تشوف وتقول أش كيتسنا)هننن لا لا إلا مولاي نفوكها هنا ومانوصلوها لسلطان...

لوصيفة:(بشك)ياك قلتي هادا جدك إيوا ماعندك مناش تخافي وليوما لحق يبان..زيدي قدامي..

جرات لوصيفة نجمة وزادت بيها وتابعهم عباس غادي ويضحك وشاد فشامة شدة وحدة وعند بالو غيوصل ليها ويرجع نجمة...

وحصلا زينا هادي🤦🏽‍♀️🤦🏽‍♀️
#يتبع#