جارية السلطان
بقلمي :ليلى روي
البارت:23
كملات نجمة مشيتها و دخلات لقصر و يلي داز من حداها كيبقى يشوف ويتعجب تقول بحالا شايفين جن ...وعلاش لا و هي نجمة داخلا على رجليها صحة سلام و ضحكة شادة ليها من لودن لودن .. زادت بزربة وغادة وضوبل فلخطاوي قصدات لكشينة فين كين لخدم ..لقاتها عامرة خدم و طباخين بقات تقلب حتى طاحت عينها عليها مشات بزربة لعندها تلاحت عليها عنقاتها من ضهرها حتى قفزات شامة و بدات نجمة ضحك...
شامة:بسم الله رحمان الرحيم ....أتي مالكي على هاد لفعلة واديري غالحس....
نجمة:ههه بلا ماتدي عليا هادي غير لفرحة...
مسحات شامة يديها وبركات على كورسي وحطات لنجمة واحد حداها و جمعات عندها يديها تسنا نجمة تعاود...
شامة:إيوا أش سر هاد ضحكة ضحكينا معاك ماتعرفي لعلا و لا عاسا نفرحو شوية...
بدات نجمة تعاود وضحك و تقول أش داز معاها من لول حتى لخر خلات شامة غاكتعجب و تحرك فراسها....
شامة:الله الله مولاي غرق حتى لودنيه و تسدو عينيه و رطابو يديه أااه ياليام..
نجمة:(تكات براسها على لحيط و سرحات رجليها وبدات تنهد و ضحك)أاااه ياشامة وأش غانقول لك واخا مابقا مايتقال ولا يتعاد...
شامة:إيوا هيا طحتي وعتارفتي بيلي مولاي واخد لعقل و لقليب...
نجمة:(ضارت عندها مخسرة صيفتها)شنو نطيح فيه غير قولي ليا أش غيعجبني فيه بسلامة...
شامة:زعمان والو غا كري يالعفيريتة راني نعرفك...
نجمة: (رجعات تكات على لحيط و سهات قدامها)دابا غير بيني وبينك أش غيعجبني فيه مثالا أ عينيه لكحلين يلي فاش كيضحك كيتسدو ونويفو لمقاد ولا شعرو لكتيف ولكحل بحال ضلام ليل ولا ضحكتو يلي طير لحمام وتلف لغربان أ ولا صدرو لعريض وطولتو وتكضيرتو أاااه ياله غاقولي ليا أش غيعجبني فيه....
شامة:(وهي حابسة ضحكة)إيوا على هاد شي مولاي مافيه مايتعجب خايب وبزاف..
نجمة:(ضارت عندها) شناهوا عينيك يلي خايبين إيما مولاي زييين وزينو ماتديه غير نجمة و عقلي على هاد لهدرة...
يلاه بغات تجاوبها شامة حتى تم جاي راجل ماكبيرش باقي فلأربعين رقيق شوية ولابس فوقية بسلهامها وعلى راسو عمامة وباينا عليه غير نية وهبيل ..وقف قدام شامة ونجمة و بدا يحرك فيديه بحال لولية وسول شامة و هو كيشوف فنجمة...
****:شويمتي شكون هاد لبلارة...
نجمة:(تفركعات بضحك) شويمتي؟؟!هههه قولي ضبرتي على راسك أشامة من حكلك مكتخرجيش من لكشينة ههه وجاوبيه أشويمة...
شامة:(بدات تندب )خضر !!شحال من مرة قلت لك ماتبقاش تعيط عليا بها ...وهادي نجمة من جواري وصاحبتي...
خضر: إيوا راه كنسا ...متشرفين أنجمة أنا خضر وزير لخدم و رايسهم...يلاه أشامة كنت بغيتك تمشي تدي لمولاي أتاي راه كيتسناه...
نجمة غير سمعات سخرة عند مولاي خرجات عينيه بلفرحة وضارت عند شامة و بدات تشوف فيها يلي لخرة دغيان فهماتها...
شامة:ألا لا أنجمة غادي يعايرك..
نجمة:(بتوسل)عافاك أشامة عافاك ياك أنا حبيبتك نجمة وكبيدتك عافاك...
#يتبع#
أنت تقرأ
جارية السلطان⚜️مكتملة⚜️
Romantizm💎مكتملة💎 ❌حصرية على الواتباد❌ 🌛قصة- رمضانية 🌛 ⚜️العنوان :جارية السلطان⚜️ 💎بقلم:ليلى روي (jë süis lä)💎 💎الكوفر من تصميم : #Ñöřhãņ Ñöřhãņ 🍃رجعو معايا بزمان..لزمان لحكمة ولحشمة ولحيا... زمان سلاطين ولملوك وجاريات غنعيشو حكاية جامعة فحضانها كل م...
