جارية السلطان
بقلمي:ليلى روي
البارت:43
بدات نجمة تندب...نجمة:هاويلي وحدي واش بعقلك..لا لا نت بزاف والله مانساليو حتى دخلني لحبس...
عبيدة :ومالني أنا يلي قلت ليها فيقي ..واهيا يلي دايرا كيف سحت ليل...
نجمة:هز هز الله يهزك عليا ياوجه لبلا...ماتنفع فهدرة ولا فتنقية خضرا كيفك كيف لبعرة ...
عبيدة:عطيني نهز رجلين....
نجمة:(بدات تندب)وات هزها من يديها قالك رجلين ..مابقيتيش تحشم....
عبيدة:يانهز رجلين ..لا والله لا هزيتها..وارا وجهها كيخلع ....
نجمة:ياك غارجلين....أوالله لاهزيتيهم ..هز أعبيدة لمرا من يديها ولا والله ليوما حتى نخليك كيف دودة غادي وتزحف...
هز كتافو وربع يديه غير شافها..جايا ليه وهو يهزها من يديها....وهز زيف دارو ليها على وجهها مخسر صيفتو...هزاتها نجمة من رجليها وتمو غادين...وهما كيتلفتو ليشوفهم شي حد ووجهتهم بيت لخزين....
تمو غادين ..حتى مال زيف من وجه سحارة ...ومع بلمقلوب كتبان مغوبشة وديك لوشمة ووجها كل مكمش كتبان بحال شي جنية..غوت عبيدة ومحس براسو غير طالقها جات على ضهرها مرضوخة ..خلا نجمة مخرجا عينيها...
نجمة:(بدات تندب ..وتخبط فجنابها ..وتلفت)أجي أجي لهنا يامسخوط لواليدين ..أدوي وعلاش طلقتي لمرة ..قبيلا مفلقها زوجت لمرات بمهراز و دابا طالقها على ضس وتكون تعوقات دابا من ضهرها...
عبيدة:وا والله ماقصدت ..را وجها كيخلع كيف جنية ...وزايدون قلت لك عطيني رجلين ومابغيتيش....
نجمة:هاويلي وحدي وياربي أش درت فحياتي يلي مصلط عليا نتا...زيد زيد هز من رجلين الله يهزك وجه زلط ..مانجيو فين نساليو حتى نقتلوها غير نجيو نقلبو ليها على قبر ..موحال تزيد تعيش ....
زاد هزها من رجلين ونجمة من ليدين ....
عبيدة:(كيطل على رجلين لمرة ويهدر) لالا هادو كيف لمشاش ماكيموتوش غا هرس ومادير حساب ...ياااه رجليها كيشبهو لكرعين لبكر ...ولماعز ...(بدا غادين بيها وكيزعللها كيف لهبيل....ومع غادين من دخيلات ...جاو لوسط يرضخها من حيط لحيط كاع جنابها ....هرسهم ليها ونجمة غاتاكل راسها فقصها فقصة وحدة.....
زادو حتى وصلو لبيت لخزين ...حطوها حتى حلاتو نجمة بلا ميشوفها حد ودخلو كاملين ورجعات سدات....
نجمة:(حاطا يديها على نصها)دابا أش غنديرو ومنين نبداو....
عبيدة:بداي من رجلين...
نجمة:عبيدة...مرضتيني الله يعطيك لقوة ليمنيا وليسرية...لما سكت وماكاتقاداش....
هزات واحد لقنبة تما ..ربوطو ليها يديها ورجليها وسدو ليها فمها...
عاد جبدات نجمة واحد رزمة فيها شي حوايج ..كان قفطان فلكحل كيبان قديم ..وواحد أخر فلبيض ومعاهم لحيل (زيف كبير بحال لملحفة)عطات لعبيدة لقفطان لبيض ..زاد لجنب لبسو ودار عليه داك لحيل وكدلك نجمة عاد مشات لعند لمرا وحيدات ليها خلخالها ...وعقد ديال لعقيق لغليض دارتهم ودارت لخواتم تقاسمات هي وعبيدة...عاد هزات كدرة فيها لفاخر وشي تخليطة مخلطين ومعجونين...هزات وبدات طلي فلحمها يديها ورجليها ووجها وعنقها وكدللك عبيدة حتى تمحاو ملامحها وكتبان سمرة مستحيل يعرفها شي حد...لا هي لا عبيدة..وهزات من لخلطة دارت فسنانها خلات غا ستة يلي كيبانو وعطات لعبيدة يلي طلا سنانو كاملين وحتى لسانو ...غاهبيلة وقالو ليها زغرتي....جمعات نجمة شعرها لفوق ودارت عليهم لحيل كاملة وهزات لعكاز ديال سحارة ..
وتحدرات ضهرها كتبان بحال شي مرا كبيرة...وعبيدة جمع شي لعيبات كانت جايباهم لمرا فسلة هزها وخروجو بزوج من تم ..ونجمة يد حاطاها على لعكاز ويد على ضهرها...وعبيدة لاصق فيها ويضور فعينيه ويتعوج فلمشية ...
#يتبع#
أنت تقرأ
جارية السلطان⚜️مكتملة⚜️
Romance💎مكتملة💎 ❌حصرية على الواتباد❌ 🌛قصة- رمضانية 🌛 ⚜️العنوان :جارية السلطان⚜️ 💎بقلم:ليلى روي (jë süis lä)💎 💎الكوفر من تصميم : #Ñöřhãņ Ñöřhãņ 🍃رجعو معايا بزمان..لزمان لحكمة ولحشمة ولحيا... زمان سلاطين ولملوك وجاريات غنعيشو حكاية جامعة فحضانها كل م...
