جارية السلطان⚜️مكتملة⚜️

⚜️الجزء 24⚜️

جارية السلطان
بقلمي :ليلى روي
البارت:24

شامة:نتي كبيدتي و حبيبتي و عوينتي ولكين لمشية أوهو..

نجمة:شامة عافاك.
شامة:لا..
نجمة:عافاك
شامة:لا

نجمة:عاااافااااك..(بدات تحرك فيها من كتفها حتى مرضاتها)عفاك عفاك عفاك عفاك ....

شامة:واخا واخا غازكاي أوف ولكين عنداك لاقالو لك شي حاجة دنوبك على راسك...

نجمة:(تلاحت عليها)لا غاكوني هانية نحبك أنا والله..

خضر:دابا شنو شكون يدي سخرة..

نجمة:أنا نديها ..واغاكون هاني راني متبتة و رزينة وماندير غلطة ولا نقول كلمة...

خضر :إيوا لكان على هاد لحساب سيري بدلي وأجي..

جرات نجمة معاها شامة باش تبدل و تزين وتعجب مولاي دخلو لحرم و مشاو لبلاصة تبدال و جرات صندوقها حلاتو وبدات تقلب وتهز وتحط حتى لقات لقفطان يلي بغات ..لونو فلخضر ملكي ومحلول من جناب كيجي مزير من صدر و لخصر و محلول من لتحت لبساتو وطلقات شعرها و زيناتو بخيط ريح من لقدام وعكرات و تقادات كتبان كتحمق بلقفطان خلات شامة غاحالا فمها فيها وهي كتزير ليها لقفطان من لول...

نجمة:زيري مزيان أشامة راه مانبغيهش مرخوف..

شامة:ويلي ألالة غاقولي ليا مالك على هاد زينة كاملة تقولي غادا عندو عروسة..

نجمة:خاصني نبان زينة فعينيه ونتزين ونتقاظ باش نوحز سليطيني عندي قبل مايدورو ليا بيه لفعات...

شامة:وأش غنقول لك كون غابلما تمشي عندو ...

نجمة:(ضارت عندها فاش سلات )الله يكرط لسانك بين سنانك فضيحتيني يالفضيحة زيدي لبسيني خلخالي وبلغتي راني غانتعطل..
حركات شامة راسها بقلة حيلة وبدات تكمل معا نجمة حتى وجداتها و زادت بيها لكشينة هز خضر صينيية ونجمة غادة حداه حتى دازو من قنات لقصر ووصلو لمكان سلطان ممر من كل جيها تلقاي عبد واقف حتى قربو يوصلو وعطا خضر  صينية لنجمة وهو كيوصي خداتها من عندو ..وتنهدات مزيان وزادت حتى لجناحو وحلو ليها لعبد لباب وزادت دخلات لجناحو جناح كبير بزاف مقسم من كل جيهة جناح كيحمق لمن أثاتة ولا فراش بدات تقلب بعينيها حتى لقاتو واقف فشرفة ديال لجناح لابس غير سروال قندريسي ديال لحرير وصدرو عريان ومزينو لوشام ونجمة فاش شافتو حلات فمها حتى مابقا باغي يتسد ..دخل هو وبرك على لفراش كيتسناها تعطيه أتاي...

تاج دين:أجي قربي...

نجمة:أ شكون أنا..

تاج دين:علاش بان لك شيواحد أخر من غيرنا هنا..

حركات نجمة راسها بلا وزادت حتى لحداه فين بارك وهي هازا صينية فإيديها ..إما هوا حلف لهبط عينيه ولا حشم كيشوف ويتبسم حمقاتو وماخلات ليه عقل...