جارية السلطان⚜️مكتملة⚜️

⚜️الجزء 36⚜️

جارية السلطان
البارت :36
بقلمي :ليلى روي

عند نجمة يلي كتخيط عليها لخياطة داك توب ..باش ديرو قفطان ..وواقفة حداها لوصيفة كتعوج وتهدر..

لوصيفة:واهنتي يالالة عندك سبعة رواح لبارح راجعا من لموت وليوما داخلا عروسة عند مولاي رجالا بشلاغمهم وعمرهم مافلتو من لموت بحالك...

نجمة:ههه وراه عادي راني نجمة هادي وأجر على الله ..ناري يكون مولاي طاح فيا وولا يبغيني..
لوصيفة:إيوا هاد شي يلي بان ..مولاي عمرك ماطيحي على نيتو ..راه يقول حاجة وينوي حاجة ويدير حاجة خرا ..مايتيق فحد واخا تكون سلطانة لياقوت ..

نجمة:وعلاش مالو..

لوصيفة:(تنهدات)إيوا أش غنقول لك ..مولاي من نهار مات باه سلطان وهوا قاسي مايرحم ما يغفر ولا يتيق ولا يعطي راس لخييط..كيشتي سلطان الله يرحمو مات مقتول ..سمموه فقصرو ووسط فراشو ..كلا شي حاجة كان فيها سم إيوا راه مات وقبل مايموت عيا يوصي فسلطان تاج دين باش يرجع ليها قيمتو وسلطتو قدام لعدايان..ومولاي عيا يقلب على لعدو حيت هوا سلطان أرض أخرى وماعندو جهد لقتيل إيوا مشا لحل ساهل ومولاي حلفها فيه قلب وقلب ونهار لقاه ونوا يهجم عليه سبقوه ناس خرين وقتلوه وتشتت ليه شمل وقالو عندو وريثة وحدة كولشي كيقلب عليها وخايفينها تزوج من شي راجل أخر حيت كيما كتعرفي لتزوجات راه راجلها غيولي هوا سلطان حيت هيا أميرة وغتولي سلطانة ودابا راه كيقولو عليها مودرة...ومولاي ناوي يلقاها وراه كيقلب عليها..

نجمة:(مخرجا عينيها وهدرات بصدمة)أويلي ناوي يتزوج بيها وأنا ؟؟

لوصيفة:هاويلي على يتزوج بيها..راه قالب عليها دنيا ..ناوي يقتلها ويرجع قيمة دم باه سلطان وراه محلف عليها نهار طيح بين إيديه والله لا رحمها..

نجمة:(بدات تلعب بشعرها وضحك)هه سرها نيت ..باها يقتل إيوا هوا فلت وهي تخلص لخطية سرها..خلعتيني يحساب ليا غاتدي ليا تاجو ديالي...

وهما فحديثهم تمات داخلا لوصيفة ديال سلطانة لياقوت..كلمات نجمة ليها ..حطات نجمة لقفطان من بعد ماقاداتو لخياطة و لبسات عليها وهيا تابعا لوصيفة فإتجاه جناح سلطانة وهيا كترعد حيت غير من شوفة ديال قبايلا عرفات لقضية حامضة... وصلو لجناح ودخلات هيا ومشات لوصيفة ..بدات كتلعب بإيديها وتلف فلوقت حتى قفزاتها سلطانة بصوت مرتفع...

لياقوت:أش قلت لك أ نجمة ..أمم قلت لك سيري هربي غبري ماترجعيش...

نجمة:ولكين علاش غنهرب مالني أش دايرا..

سلطانة:سكتي فاش نهدر قطعي حسك ..أنا مابغيتكش لسلطان قلت لك مابغيتكش وعمرك تحلمي أنك غتحملي منو ولا تولدي ليه بلاصتك برا ماشي حدانا..

نجمة:(تغرغرو عينيها بدموع وهدرات بواحد البحة)وعلاش أسلطانة علاش كاديري ليا هاك ..علاش مكتحملينيش أش درت لك ياك أنا كنت عزيزة علك أولا لا أمم علاش قولي ليا..

سلطانة:حيت خايفة علك ..خايفة علك من كلشي من ولدي من راسي حتى من راسك خايفا لتأديه....

نجمة:علاش غتخافي علاش شكون نتيا وشكون أنا باش تخافي عليا...

سلطانة:علاش وكيفاش ..هاد شي بعيد علك نتيا غير سمعي كلامي ..(قربات شدات ليها وجها بين يديها)نتيا مكتعرفيش أش كاديري دابا أنجمة أنا متأكدة راك غتندمي...

نجمة:(بعدات عليها )لا أنا عارفا أش كندير ولا نتيا ولا غيرك أسلطانة ماغايبعدني على مولاي ..وليوما غندخل عندو عروسة...وإلا منعتيني غتشوفي مولاي أش غيدير لك...

لياقوت:أش هاد قلت لحيا يلي فك ..كيفاش تهدري معايا هاك..

نجمة:سمحي ليا أسلطانة ولكين نتيا يلي كتجبريني ندير هكدا...

لياقوت:واخا باغا دخلي عندو ..صافي..ولكين قبل خاسك تحيدي لوشم يلي عندك فلحمك...

نجمة:(عقدات حجبانها)وعلاش ؟..

لياقوت:ياك باغا دخلي عند مولاي لعرفك من سلالة ملكية عمرو يقبلك جارية ولا مراتو بلاصتك غتكون برا لقصر ..إيوا نتيا تعرفي واش تمشي عند سلطان ولا تبقاي بوشمتك وبصحتك.😏

هدرات لياقوت وقالت أش عندها وعند بالها نجمة غتخاف من لوشام حيت باش تحيدو راه لموت بعينيها ..وهكدا غتختار لحمها وماغتمشي عندو ولكين معامن نتيا حلفات لزكات ومن سلطان راه تخلقات...

نجمة:أهاه واخا حتى هادا نضار ..عيطي على لحكيمة نحيد بوه أنا هاد لوشام لكان غيوقف بيني وبين مولاي نحيدو...

خرجات لياقوت عينيها وماعرفات باش تجاوبها ..حركات راسها وكلمات لحكيمة يلي جات وشافت نجمة..نعسوها وهيا قلبها غيسكت ولكين كلشي يفوت على قبل مولاي ...عراتها لوصيفة وحطات حداها واحد لمشعالة شاعلة فيها لعافية ..وهزات موس وحديدة رقيقة..وحماتهم مزيان وبدات كتشرط بيه ديك سمية سمية سلطان وسلطانة بحكم مكتوبة صغيرة دغيان غتقادها..هيا كتشرط ونجمة كتغوت وتبكي وتزير على لفراش..إما سلطانة حتى هيا بقات فيها وتصدمات فيها نيت وعرفات بيلي حبها لولداها ولا كبير بزاف كتر من حب سلطان علاء دين لسلطانة بلقيس وعرفات بيلي حب وجنون أخر غيبدا ويقد يأدي للهلاك🔥

🙂قنبلة أخرى من لأسرار على وشك الإنفجار 🙂

        #يتبع#