جارية السلطان
بقلمي: ليلى روي
البارت :18
بقا حاط سيف وكيورك عليه شوية بشوية و هي مزيرة على فمها و كتعصر فعينيها ما باغاش تبكي ...و هو عايق بيها شوية و هو يبدا كيدي ويجيب فسيف على رقبتها حتى خرجات عينيها و غوتات بلهلا يطريه ليها كتحس براسها كتدبح بموس حافي....
نجمة: صافي صافي أهىء أهىء عافاك صافي😭😭...
تاج دين :سولتك و مجوبتيش....أش داك توشمي سميتك أمم وشكون نتيا ....ماناوياش تهدري...
نجمة:لا لا عافاك غنهدر غنهدر...(بدات تفكر فشي كدبة واخا هيا راها حاسا براسها كتموت و لكين عارفة أيي حاجة غتقولها دابا تقدر تشهد فيها من بعد..)ك ..كنت شفت واحد لولد وشم سميتو غير بحبر و عجباتني لفكرة و فاش قلت ليه يوشمها ليا دارها و ما بغاتش تمسح... وسميتي سميتي نجمة ..نجمة بنت تاجر ثواب(شافتو سكت و زكا و هي تبدا)عافاك أمولاي لما سمح ليا ...
طلقها تاج دين بزربة حتى ضارت و مع ضورا دوز سيف داز من وسط كرشها حتى طوش دم و غوتات بجهد غوتا سمعها كل من فلقصر...وهو هبط سيف و لاحو حداها وساس حوايجو وزاد هبط عندها هز ليها راسها و هدر مع إبتسامة...
تاج دين:أول درس عندك عمرك ماتخلي عدوك يعرفك وماتبقايش تسهاي حيت هاد شي غيخرج علك....
طلق ليها راسها حتى تخبط مع لأرض و عيط على لخدم جاو هزوها هاكاك سخفانة و داخلين بيها لقصر ...زادو بيها و يلي شافها كيسول مالها ...وكين يلي جاتو على لكانة ولقا فاش يتشفا...دخلو بها لقصر حتى دازو من حدا سلطانة ..هادي سلطانة لياقوت أم تاج دين مرا حنينة و ضريفة و هادية بزاف عكس ولدها...فزين أية من لجمال و مباينش عليها لكبر عندها 45 فعمرها...شافتهم جارين نجمة و هي توقفهم...
لياقوت:شكون هادي و فين غادين بيها...
لخادم:(وهو حادر راسو)هادي جارية ألالة ...
لياقوت:جارية؟! وأش داها لهاد لحالة...
لخادم:كانت محاربا مع مولاي سلطان أسلطانة..
بقات كتشوف فيها و نجمة راسها طايح لقدام و مضركو شعرها...كلاها لفضول سلطانة و بغات تعرف أش وقع وسلطان ليعمر لمرى حتى دات و جابت فلهدرة معاه ولا معا رجال خرين هاهوا دابا ولا يتحارب بسيف ....
لياقوت:جيبوها عندي لجناحي و كلمو ليا لحكيمة...
دارو لخدم داك شي يلي قالت داو ليها نجمة لجناحها هي قدامهم و هما و رها...دخلو لجناح و حطوها على سرير و خرجاتهم سلطانة كاملين بقات غا هي و نجمة ...قربات حتى لعند وجهها هزات ليها راسها و حيدات شعر يلي مضرق ملامحها ...بقات كتشوف فيها و كتعجب كتقول ماغريباش عليا ...عجباتها واخا حالتها حالة ولكين باقا كتبان بحال لبلارة هزات ليها عنقها وهي تبان ليها دبحا خسرات صيفتها وبقات فيها نجمة و كتقول أش سباب هاد لحالة ...حتى قشعات عقد لألماس يلي فعنقها . عقدات حجبانها و هزاتو بإيدها كتشوف فيه طلقات من لعقد و حطات يدها على عنقها و جبدات نفس سنسلة يلي عند نجمة ...خرجات عينيها و هنا دخلها شك هزات لنجمة راسها و دوراتو ليها و هي تبان ليها سميتها موشومة و عامرة دم....خرجات عينيها و بدات تمتم مامتيقاش أش كتشوف...
لياقوت:م..ميمكنش ميمكنش....(بدات كتخبط فوجه نجمة لعلا ولا عاسا تفيق)نجمة نجمة بنتي حلي عينيك ...(بداو دموعها كينزلو وهي كتشوف يلي من لحمها و دمها فهاد لحالة وعلى يد من يد ولدها سلطان لبلاد و حاكم لعباد...)
وهي كتحرك فنجمة و كتبكي دخلات لحكيمة يلي غير شافتها جمد ليها لما فركابي و عرفات أش تابعها....
هزات سلطانة راسها و عينيها حمرين توجهات عند لحكيمة و هدرات بصوت عالي وهي كتنعت فنجمة...
سلطانة:كنتي عارفة ياك دوي تكلمي كنتي عارفة حبيبتي نجمة كاينا و ماقلتيهاش...
لحكيمة:والله ألالة حتى كنت غنقولها يحساب ليا شريفة لغالية قالتها لك ألالة...
لياقوت:أش غتقول أش....(قربات عند لحكيمة و شداتها من كتافها و بدات تحرك فيها)واش عرفتي دابا فين كانت هيا ولا لا ...أ ما عارفاش كانت عند سلطان ...أاااه عند سلطان كون دابا قتلها أ كون عرفها و دبحها هاد لحالة غير ماعارفهاش إما كون كشفها كون ماعرت أش كان غيدير...دوزي دوزي دابا داويها و منبعد سيري جيبي ليا حجر لقماري خاصني نخفيها قبل ما يحس بها ...سمهتي قبل لمغرب خاصها تخفى ولا ليجاي ماغنقدرو نحبسوه ولا نبدلوه لا أنا ولا نتي....
#يتبع#
دابا غا بيني و بينكم هاد لحالة كاملة يلي دارت سلطانة أشمن علاقة غتكون جامعاها معاها و وأش عاداوت نجمة مع سلطان ..خليو ليا توقعات دياولكم ضاروري #
أنت تقرأ
جارية السلطان⚜️مكتملة⚜️
Roman d'amour💎مكتملة💎 ❌حصرية على الواتباد❌ 🌛قصة- رمضانية 🌛 ⚜️العنوان :جارية السلطان⚜️ 💎بقلم:ليلى روي (jë süis lä)💎 💎الكوفر من تصميم : #Ñöřhãņ Ñöřhãņ 🍃رجعو معايا بزمان..لزمان لحكمة ولحشمة ولحيا... زمان سلاطين ولملوك وجاريات غنعيشو حكاية جامعة فحضانها كل م...
