جارية السلطان⚜️مكتملة⚜️

⚜️الجزء 35⚜️

جارية السلطان
البارت :35
بقلمي:ليلى روي

باقا حالا عينيها بحال لمصدومة وتقول واش هادا مولاي حتى هدر وخرجها من سهوتها..
تاج دين:أش داك شي درتي..أممم..

نجمة:مالي أش درت..

تاج دين:(خرج راسو من عنقها وكيدوز يدو على شعرها ووجها)منين كتعرفيه ...ماجاش وقال راك مرتو أمم...

نجمة:(بدات دور فعينيها)مكنعرفوش.(شافتو مخنزر)هننن لا كنعرفو ولكين كيما قلت لك راه عتابرتو جدي ولكين هو طغا وطمع فزيادة ولكرش لكبيرة لما قنعات تفركع...

تاج دين:أحي علك ياجنية...إيوا أش درتي ليوما..

نجمة:والو ..اااه كنت كنعزل فثواب ولكين جا هادا وضيع ليا كلشي ..غيكونو دابا ثواب تعزلو ومابقا ليا والو غير شياطة..

تاج دين:معزلتي والو (حركات بنفي)واخاا ..

حرك راسو وعيط على لخادم مشا جاب بزاف ديال ثواب غير لحرير على خوه حل خمسة صنادق عامرين بكاع لألوان ..ناضت بزربة وعينيها كيبريو وبدات تختار وتعزل وتهز وتحط عليها..ودور عند سلطان تسولو وهو ساهي فيها وعاجباه كادور من حداه بحال نحيلة ..حتى هزات واحد فلحمر دم غزال ودارت عندو..

نجمة:مولاي شوف هادا كيف جا ناخدو..

تاج دين:(بإبتسامة)خوديها ...باش تلبسيه ليا ليوم😉

نجمة:(عينيها كيلمعو)واش ليوما أمولاي ناخد هادا..ونجي عندك..

تاج دين:اااه يلاه سربي باش توجدي راسك لعشية ..

حركات نجمة راسها وهي غتسخف..كلم مولاي لوصيفة وقاليها توجد ليه نجمة باش دخل عندو عروسة ليوما ..وهيا قلبها غيسكت لمن فرحة ولا خلعة ..ختارت أش بغات يلاه جات خارجة هي ولوصيفة حتى شافو سلطانة لياقوت جايا وقفات حدا لباب ..ضحكات ليها نجمة ولقات تحية..إما سلطانة خنزرات فيها بواحد شوفة ودخلات منخلاها خلات نجمة غير كتعجب وتقول أش درت...تقدمات سلطانة عند تاج دين من بعد ماسدو لعبد لباب لقات تحية ليه وبركات حداه حاطا يدها على رجلو..
لياقوت:ولدي..

تاج دين:لباس علك ...

لياقوت:لباس أولدي...نت يلي تبدلتي عليا ومابقيتيش كتهدر معايا ...

تاج دين:(حك جبهتو)لا بلعكس ..متبدلتش غير مشطون شوية كنوجدو لحرب كيفما كتعرفي مابقا ليها والو...

لياقوت:أمم الله يسهل أولدي....(بتردد)سلطان..ش شنو علاقتك بهاد لبنت حتى درتيها فصندوق...

تاج دين:(هز حاجبو)ونتي باش عرفتيها..

لياقوت:ا قالتها ليا عذرا ..بيلي شي وحدة من لخدم علماتها..

تاج دين:أمم ااه والو بحالها بحال كاع جواري ..كانت دارت دنب وتعاقبات عليه..

لياقوت:ااه صافي..فلحقيقة أنا هاد لبنت رتاحيت ليها بزاف باقا صغيرة وعقلها خفيف ويلي فقلبها على طرف لسانها...واخا شي مرات كتزبلها ولكين راها حسن من كرانها...وزيد عليها زييينة وشوفا فيها تريح لقلب ونت عارفني مكنرتاحش لأي وحدة وأنا دابا جايا نطلبها من عندك باش تنفيها من لحرم وتخرجها من بين جواري وترجع صديقتي ووصيفتي ...

تاج دين:(عقد حجبانو)نعطيها لك ؟؟وأنا شنو هنايا معجبتكش أسلطانة ولا شنو؟؟..

لياقوت:(بتردد)ا لا ماشي هاكاك نت هو سلطان مول لحكام وشوار ولكبيرة كبيرتك ولمخيرة ديالك ..غير هوا نت عندك بزاف ديال لجواري يحملو لواد ويقولو عليه قليل ..عندك جنان ليمون من نسا...ونجمة ماغاتزيد ماتنقص عطيها ليا..

تاج دين:وإلا قلت لك بيلي هاد نجمة هي يلي مسيرة لواد وهي ليمونة لحلوة وسط جنان ..وأنا ناوي ليوما نرجعها تحت جناحي ودمها يسيل ففراشي...

لياقوت:(خرجات عينيها)شنو..ولكين..

تاج دين:(حبسها بإيدو وهوا مخنزر)ماكاين ماولكين ..لهدرة ماتنقي خضرا أسلطانة وهنا سالا لكلام عرفي مقامك من مقامي وإلا ساليتي يمكن لك تمشي..

لياقوت:(حدرات راسها)كلامك هو لكبير أمولاي ..

ناضت خرجات ولوصيفات تابعينها غادة وهي مزيرة على إيدها حاسا براسها غتنفاجر ..هي يلي دارت كولشي باش نجمة تبعد هاهيا دابا عاد مازادت قربات ..دخلات لجناحها وهدرات بصوت مرتفع مع نبرت غضب...

لياقوت:سيرو كلمو ليا دابا لجارية نجمة ..يلاه ...

مشاو لوصيفا يكلموها وخلاو سلطانة شادا جبهتها وغادة جايا فجناحها وكتهدر غير معا راسها...

لياقوت:لا لا لا ماخاسهاش تدخل عندو ميمكنش ..أوووف كان عليا نجيبها عندي قبل اوف أنجمة أوف منك كيف غاندير دابا حتى نمنعك دوخلي عندو أوف ...

             #يتبع#