جارية السلطان
بقلم:ليليا روي وزينب العلمي
بارت70:
👑دازت 5 شهور👑
كالسة وكرشها لفمها لابسة قفطان دالحرير لونو لون الريحان لي ريحتو تزرع الروح فالشبان ضايرين بيها وصيفاتها والنقاشة كتنقش عليها ايييه نعام اسيدي نجمة ولاو عندها الوصيفات حيت مولاي السلطان علنها مراتو وبسميتو و ولات ملكة القصر، كتحني ومزال فشوشها فشوش الوحد واخا هي فشهرها التاسع علاش لا وهي فعرس صاحبتها وختها شامة لي تزوجات بالخضر
نجمة:(حمقات النقاشة) عمري هاد البلاصة راك خليتيها خاوية وبدليلي هاد الزواقة معجباتنيش، زيديني رشمة فهاد اليد وكتبي سمية مولاي فاليد لوخرى.
الحاصول ماسالاتلها ديك النقاشة حتى ندماتها على النهار لي بدات تحني فيه لنسا وتتقن ديك الحرفة.
كالسين النسا بيناتهم يغنيو ويشطحو حتى طلقاتهالهم بغوتة تسمعات فالقصر كولو
نجمة:(بالغوات) واااااااااااااميييييييي وااااا كنولد اعباااد الله
كلهم تلفو وبداو يتجاراو شي كيدخل فشي هزوها داوها لجناحها وهي حامياها الغواات دخلوها ودخلات عندها الحكيمة هي ولالة الياقوت ولالة بلقيس،اما مولاي السلطان وصلاتو الخبار وجاي كيجري غادي جاي عند الباب تقول هو لي غيولد كيسمع غواتها ويقول انا السباب اش داني بقا على داك الحال حتى تقطع لحس شوية وهو يسمع غوات ولد صغيير بدا يفرنس غي بوحدو ويضور يضور ويعنق فالعبد لي عند الباب😂 حتى خرجات عندو وحدة فالوصيفات هازة الترابي فيدها ملوي فيزار بيض وحاميها الغوات لي بداتو مو كملو هو😂
الحكيمة: ( مداتلو الولد) على سلامتكم امولاي
تاج الدين:(شدو من عندها وماقاداه فرحة تحنالو حدا ودنو وبدا يأذن) الله وأكبر الله وأكبر أشهد أن لا إله إلا الله وأشهد أن محمدا رسول الله حي على الصلاة حي على الفلاااح الله أكبر الله أكبر لااا إله إلا الله سميتك سيف الدين نتا سميتك سيف الدين
خرجات لالة الياقوت من الجناح
الياقوت:ولدي دخل تشوف مرتك
تاج الدين:(حركلها راسو بأه ودخل لقى نجمة ملبسينها قفطان لونو لون السما الصافية لي مافيها نجوم ما مغطياها غيوم تحنى باسلها راسها وهو هاز الولد) على سلامتك الالة البنات
نجمة:(بابتسامة) الله يسلمك امولاي
تاج الدين:(شاف فولدو) سميتو سيف الدين عجباتك
نجمة: اه امولاي زوينة بحال سميتك
الياقوت: ولدي عطي سيف الدين لنجمة ترضعو
تاج الدين:واخا
نجمة: (خدات لولد رضعاتو وماقاداها فؤحة شحال وهي تسنى فهاد اللحضة)
🥀بلسان نجمة🥀
👑دازت سيمانة وتقام سبوع ولي العهد سيف الدين لي بقات سيرتو على كل لسان وكانت هادي هي حكايت نجمة لي دخلات لقلب مولااي السلطاان و ولدات وليد وعاشو هانيين ومرتاحين ومشات حجايتي من بلاد لبلاد يحكيها الجدود للصبية والحفااد👑
عبيدة: حجايتك ما مشات فين حنا مزال كنحاجيو و ولد مولاي كاعما بغى يطيب نعاسو سكت اوليدي سكت متكملناشاي داكشي لي بدات مك
الخضر: عبيييدة سكت ران الحيوط ليها ودان
عبيدة: واخليني نفوج على قلبي راه باين ليا نجمة محرشة علينا ولدها
سيف الدين:(كيبكي)
الخضر: سكت اعبيدة هانتا قلقتي ولد مولاي
عبيدة: صافي اوليدي صافي مك خبز ربي فطبكو وباك كلى منو ولي ما خرج من الدنيا ما خرج من عقايبها
الخضر: عبييدة هنينا
عبييدة: وامنين غيجي الهنا منين الخضر منييييين
👑👑{النهاااااااااااااااااااااااااااية}👑👑
أنت تقرأ
جارية السلطان⚜️مكتملة⚜️
Romance💎مكتملة💎 ❌حصرية على الواتباد❌ 🌛قصة- رمضانية 🌛 ⚜️العنوان :جارية السلطان⚜️ 💎بقلم:ليلى روي (jë süis lä)💎 💎الكوفر من تصميم : #Ñöřhãņ Ñöřhãņ 🍃رجعو معايا بزمان..لزمان لحكمة ولحشمة ولحيا... زمان سلاطين ولملوك وجاريات غنعيشو حكاية جامعة فحضانها كل م...
