جارية السلطان⚜️مكتملة⚜️

⚜️الجزء 22⚜️

جارية سلطان
بقلمي :ليلى روي
البارت: 22
ناض سلطان و هز معاه سيف أخر مدو لنجمة و هز هوا واحد ...وحرك ليها راسو باش تبدا إيما هي شدات سيف بإيد مرجوفة و حركات راسها  كتحاول تجمع قوتها و تبرد من توتر يلي فيها....

تاج دين :(نتابه لإيدها يلي كترعد و هضر)ناويا تقاتلي بإيد مرعودة طلقي فك نفس شوية حيت لبقيتي هاكا فراك غتموتي قبل ما تسالي عدة ثلاتين يوم ...

نجمة:خلينا نحبسو هنا أمولاي جهدي ماهوا من جهدك ...رجال بطولتهم و غتصفيها ليهم وأنا يلي غاولية و صحتي على قد إيديا أش ندير....

تاج دين :يلاه دازت ثمنيام وعييتي ومابقا عندك جهد نتي يلي درتيها لراسك نهار لول...

(هز إيدو وبداو كيتقاتلو وهما كيهدرو ....)

نجمة:أنا قلتها لك أمولاي تسرعة و ندمت و ختاريت طريق لا من مقامي و لا يسلكو منها صحابي....

ضورها بزربة وجابها قدامو عينيها فعينيه ...بدا كيضور عينيه فوجها كامل ...كيشوف فعينيها لكبار و شفرانها لكتار و لمكحلين نيفها صغير و مقاد شفايفها منفوخين و حمرين بقوة ماكتعض فيهم بشرتها ببضا بحال لحليب كولها بحال لبلارة مافيها حتى ديفو ولا حتى صغير...
تنهد وهز إيدو و دوزها على عينيها حتى غمضاتهم و بقا هابط بإيدو حتى لشفايفها و شد شفتها لتحتانية بصبعو و بدا كيلعب فيها وتكلم...

تاج دين :ماشي أنا يلي بغيت هاد شي ..حتى حد مافرضها علك يابنت لوصية نتي لختاريتي طريق وأنا سهلت لك لمأمورية....

نجمة:(بخفوت)وماتقدرش ترجع بنت لوصية لطريق لورد و تبعدها من شوك و لحجر ...هي ماباغا والو باغا غارحمتك ليها وتقدر تفهمك وتفهمها غير بلا ماتسرع وتفقدها...

وهو كيشوف فعينيها..تاج دين:صعيب صعيب بزاف ..وماشي من عوايدي نرجع فحكامي...

دفعها عليه بشوية و رجعو كيتقاتلو ولغريب فلأمر أنو ماقصحش معاها دابا بزاف لدرجة أنو ماقاسها فحتى شي بلاصة ..وهي فاش شافتو دار هاك تبسمات و جمعات راسها وبدات تقاتل من نيتها...داز لوقت وهما كيتقاتلو حتى حبس هوا وتكلم...

تاج دين :مزيان راك سايرا تعلمي ...

نجمة:كولشي بفضلك أمولاي واخا كتصيفتني ما فيا مايتلبقى ولكين دروسك بانو فيا...

تاج دين:(بهضرتها جابت ليه ضحكة بدا كيضحك حتى تسدو ليه عينيه )هههههه ياك ألالة بعدا مامشاتش غير هاكاك بحال لما فرملة...

نجمة:(وهي ساهية فضحكتو وبلا ماتشعر)ضحكتك زوينة أمولاي ماتبقاش ديما غامغوبش أاااه...

طولات ديك تنهيدة حتى خلاتو يجمع ضحكة بزز  داير يديه على نصو وضور راسو كيضحك بشوية ماباغيهاش تشوفو..حتى هز راسو فيها  مصطانع تخنزيرة.وتحنحن....خلات نجمة تحل عينيها و تبدا تاني تهرنن...

نجمة:والله حتى كنسى أمولاي أصلا أنا غادا ...
زادت نجمة مع طريق حتى تفكرات لحبس يلي تابعها وهي ترجع عندو...

نجمة:مولاي واخا نطلبك ....

تاج دين :أش كاين تاني...

نجمة:(بدات ضور فعينيها و دارتها فإيد الله يادبحة يا ربحة)واخا تأمر لوصيفة لمتكلفة بلحرم باش مادخلنيش لحبس عافا مولاي...

تاج دين :(ربع إيديه و هز حاجبو فيها)أشمن موصيبة درتي تاني علاش غتحبسك...

نجمة:و ..وا دابا واحد صفريطة بدات تشمت فيا و كتقول بيلي نتيا عبرتي عليا ومن حكلكل فيا..

تاج دين :(حرك راسو بقلة حيلة )لا حول يلاه سيري و أخير مرة لمرة جايا ديري شي حاجة تعاقبي يلاه سيري...

نجمة:هيا يلي ماتعاودش أمولاي 😍😍..

مشات نجمة بزربة وهي غطير بلفرحة كتقول غاتسرعت و حكمت على مولاي طلع ظريف...خلاتو من وراها كيحرك فراسو و كيضحك...

تاج دين:حمقة و هبيلة ..و لكين بريءة و فتانة...

تجبد و تمعكس تما عاد زاد داخل لقصر...وكولشي داز على عينيها واقفة فشرفة ديال جناحها و هي كتشوف بعينين حمرين كون كانو سهوم كون صفوها لنجمة شحال هادي ...عزبة... شوية طويلة و رقيقة شعرها مصبوغ بلحمر مجموع ومزينو تاج فلبيض حروفها بحالا شهبين عينيها صغار و نيفها شوية منفوخ و عندها واحد لخالة ملاصقا مع جنبو ....بقات واقفة تما وهي مزيرة على إيديها حتى دخلات رفيقتها (لمرافقة ديالها بحال لوصيفة)وقفات حداها و حدرات راسها وتكلمات...

****:شكون هاد لملقطة أخنتة...

خنتة(رفيقة):هادي يلي كانت مع مولاي ؟!..هادي بنت جديدة أ لالة عذرا من نسا سلطان ..مولاي كيدرب فيها على حرب سيف  وسميتها نجمة...

عذرا:(بإستهزاء)فين عمر مولاي خلا نسا يهزو سيف ولا يجربوه باش هادي تدخل لساحتو و درب عل إيدو أنا و عمرو خلاني نهز سيف..ولا نعرف وزنو...

خنتة:ماعرفتش ألالة و لكين أنا نجيب لك خبارها شكون هيا و منين جات و فين تلات...

عذرا:(شافت فخنتة بعينين حمرين)حتى كنقول ما بقات عروس تدخل لخلوتو وهاهيا هادي دابا كتدرب على إيدو و تشوف فيه ويشوف فيها ويدوز يدو على حروفها ..وغدا ولا بعدو نسمعوها حاملا منو و تولي سلطانة كاع علاش لا ..وأنا لأميرة عذرا بنت لأمير قاسم خو سلطان علاء دين الله يرحمو نبقا نشوف و نتفرج حتى تديه من يديا....(زيرات على إيديها)ولكين عقلي أخنتة إلا ما شوهت ليها وجهها وخليتها عبرة لكل يلي سوا ويلي ما يسوا راني ماشي عذرا...
(رجعات شافت فساحة فين كانت نجمة و سلطان..وهدرات وهيا كارزة على سنانها...)غير صبري عليا ألالاهم نجمة طوال زمان ولا قصار أخرتك على يديا و ليام بيناتنا توريك...

      👑وفسموها نتوما هاد نجمة يلي جات باغا تصفيها ليها غالله يستر من يلي جاي وصافي🤦‍♀️🤦‍♀️👑