جارية السلطان⚜️مكتملة⚜️

⚜️الجزء 28⚜️

جارية السلطان
بقلمي:ليلى روي
البارت:28
رجع مولاي سلطان ومن وراه زوج لعبيد هدر معا نجمة بصوت عالي وقاصح وهي قدامو بحال نملة...
تاج دين :ليوما لخر ليك و غير عفو من عندي (بتاسمات قالت صافي غيبدل رأيو حتى كمل هدرتو وهي تبدا تبكي) غتختارب واش يتقطع لك راس...ولا يتقرع لك شعرك ...ولا نسد علك فصندوق ويتالاح فقلب لبحر حتى تعفني وتموتي...

هزات فيه نجمة  راسها وبدات تغبن..

نجمة:عافاك لما سمح ليا أمولاي راه غير غرني شيطان إما أنا والله مانديرها ولا حتى نفكر فيها..

تاج دين :فكري ولا ماتفكريش دابا مايهمنشي ..ختاري نتي قبل مانختار أنا....

هبطات نجمة راسها وبدات تخدم فداك سطل يلي عندها كيفكر غا فتحراميات ...بدات تبلاني وتخطط وتولو...

نجمة:(فخاطرها)دابا أنا لقطع ليا راسي صافي راني مت بلا مانحاول نفلت وأصلا ما نقدرش علا دبيح لا لا هادا ممسلكش...وإلا قرع ليا نموت ومايتقاص شعري أصلا أنا هاد لحالة كاملة حيث طير ليا منو هنننن لا لا ...وإلا سد عليا فصندوق نخرج منو نخرج واخا نعرف نهرب...)
هزات راسها فيه وهدرات وفيا كتشهق...

نجمة:قابلا قابلا أمولاي سد عليا فصندوق ورميني فلبحر خير ليا مانشوف سالفي كيضيع بين يديا وأنا ماقادرا لا نعتقو ولا نقوم بيه...وحتى تقطاع راس نخاف ومانقد عليه...

تاج دين :حتى هادي هدرا ...(تكلم مع لعبد وهو كيشوف فنجمة)ديوها وسدو عليها فصندوق و روموه مزيان ورميوها فقاع لبحر حتى تجيف ولحمها ياكلو دود...
حرك لعبد راسو متوجه عند نجمة شدها كل واحد من يد غادين بيها حتى وقفاتهم نجمة كطلب وترغب فمول لحكام...
نجمة:عافا مولاي ياك أنا غادا نموت ..وخليني نزور لحرم واخا غير أخر مرة ونتوادع مع صحابي راه دنيا فانية وغدارة...

تاج دين:من حدها لمرة لخر يلي غنشوف فيها خليقتك غنسمح لك تشوفيهم وتودعيهم...

حركات نجمة راسها وزادو بيها لخدم حتى لباب لحرم و عطاوها لوصيفة لقبيحة وبدا كيعاود ليها وكيقول باش تودعهم حيت غتموت...زادت بيها وهي كتولول ...
لوصيفة:صافي طرتي حتى طرتي وجاب لك الله لي يبردك..زيدي زيدي ياهاد لخطية متيكر فك لعصا ولا هدرا...
نجمة:وراني غير مظلومة...
لوصيفة:هاد شي كامل ومظلومة والله يمسخك أش قربك لخيلة مولاي ولكين حتى دابا جنيتيها وقاديتيها...زيدي شوفي أش باغا راه لخدم يتسناو فك..
زادت بنجمة حتى دخلات لبيت تبدال وبدلات وتقادات ولوصيفة غامتشوف فيها تقول ماغادتش لموت حتى تمات راجعا بيها وهي توقفها نجمة ووقفات قدام نسا و بدات تنعت فيهم..
نجمة:وفرحو دابا يالفعات ولكين غابلاتي هانا راجعا لكم وغابيا ولابيكم...أجي نتيا ياديك صفريطة ياعود سبسي ماتصلاحي تكوني عصا ولا بالة مايعرفو قدامك من وراك...

نجمة:ولا نتي يالكحلة ناس يبياضو ونتي تزراكي...ولا نتيا يالعاوجة نهار ومطال ونتي دهني فبريمت لبكر لعلا ولاعاس يرجع يبان داك صدر يلي منهار تزاديتي وهو هارب منك ...

لوصيفة:هاد شي علاش جايا أدوي يالخطية الله يتبعك لبلا زيدي قدامي...

نجمة:واتي غابلاتي ياك أنا غادا غادا إيوا غاخليني نكمل حديثي....أجي ونتيا يا لمهاوجة واخا تبقاي لاصقا فمولاي شهر مورا شهر والله لاشاف فك ولا حس بك ولا هز بهمك...

جراتها لوصيفة وهي حلفات لسكتات ..حتى خرجاتها وعطاتها لخدم يلي ركبوها فلعربة وزادو بيها ونجمة ىجعات لخوف ديالها وكاع داك تصنطيح مشا منها وولات دابا غايديها وريح...
بقاو غادين بيها طريق ماشي طويلة حيت أصلا لبحر قريب من لقصر هبطو وهبطوها وهي كيف لمشة غاكتشوف وتنين ..حلو داك صنظوق و رماوها فيه وسدوه ورماوه فلبحر.....

👑أااه يانجمة وشحال دوزتي معانا لمن لحلوة ولا لمرة وشحال فوجتي علينا بفعايلك وشحال نصحناك ولكين يلي فك فك😭😔 ..ودابا نبغي نقول لكم حكايتي مشات من واد لواد وأنا بفيت معا ناس لجواد👑
👑أكنضحك معاكم شفتكم تيقتوني بحالا ماكاتعرفوش نجمة هادا راه غافاصيل إشهاري لمصايب يلي جايين لقدام🤦‍♀️🤦‍♀️👑

                #يتبع#