جارية السلطان
بقلمي: ليلى روي
البارت: 19
دارت لحكيمة داك شي يلي قالت ليها سلطانة داوات نجمة بشي عشوب و بدلو ليها حوايجها و خلاوها ناعسة....حتى قربات لحكيمة عند سلطانة...
سلطانة:شحال ديال لوقت باش يمكن ليها تفيق...
لحكيمة:إلا تعطلات شي ثلات سوايع أ سلطانة....
سلطانة:أنا بغيت غانفهم أش جاب نجمة لهنا و سلطانة بلقيس كيفاش حتى خلاتها واش جات وحدها...
لحكيمة:لا ألالة جات معاها واحد لمرة نفسها يلي سيفتي مع سلطانة شحال هادي...
سلطانة:شكون ؟!!..واش واش شامة😱
لحكيمة:يمكن أه ألالة هادي هي سميتها راها دابا مع لخدم ...
سلطانة:كلميها ليا دابا ...يلاه دابا نلقاها عندي...
خرجات لحكيمة و مشات باش تكلم نيت شامة...وخلات سلطانة شادا جبهتها و غادا جايا مرة تبكي مرة تولول وتقول أش طرا و أش جرا حتى كولشي تقلب هاكا ....
ماشي بزاف ديال لوقت حتى تمات داخلا شامة ....يلي غير شافت سلطانة ماقدرات لا تخفي دموعها و نويحها كلا وحدة تلاحت على وحدة يبكيو ويشكيو.....سولات سلطانة شامة على كيف حتى جاو لهنا....وهي تبكي و تعاود حتى قالت كلشي و خلات سلطانة مصدومة و عينيها خارجين....
شامة:هاد شي يلي وقع أسلطانة مابين ليلة ونهار ولينا غربان على أرضنا ...هربنا وجينا وسلطانة ماعرفنا أش صرا ليها ولا إينا طريق سلكات....
سلطانة :أويلي أويلي على ختي أاااه واختي ...(بدات تبكي وتنوح وشامة كتسبر فيها و تحاول تسكت واخا حتى هيا دموعها سابقينها)
شامة:سلطانة عافاك كوني قوية سلطانة غادي يجي نهار ونلقاوها..إلا كانت فسما راه غاتنزل و يلا فلأرض راه غتخرج ...عافاك ياك نتي صبارة شحال صبرتي أ سلطانة...
سلطانة:أش غنصبر أ شامة أش ختي 17 عامة ماشفتها بسبابو ...وليوما راها مودرة ماعرفتها واش عيشة ولا ميتة واكلا ولا جيعانة ناعسة ولا فايقة...راها ختي أشامة ختي راها كبدتي هاديك أنا كنت مها ..باها ..كولشي كنت فحياتها ....ودابا دابا نجمة يلي عمرهم كامل و هما خ
يخبيو فيها هاهيا ليوما جات حتى لبين يديه ...داك شي يلي بداه داك ضالم غادي يكملو ولدو .....فرقنا فرق بين لخواتات على قبل راسو ...وكتقولي نصبر أشامة أش غنصبر أش...
شامة:صافي ألالة كلا حاجة عندها حل وكلا حاجة بوقتها ...من لأحسن مانقولو لنجمة والو راها غانية يالالة ويلي فقلبها على طرف لسانها ..بحالها بحال سلطانة بلقيس...
سلطانة:ألا لا ...مالني حمقة نجمة أمانة عندي دابا و فرقبتي وعمر شي حاجة مغتقيسها و أنا عايشة ....خليك معاها هنا إلا فاقت عطيها تاكل و بقاي حداها ماتخليهاش وحدها ...أنا غنمشي نقضي شي شغل صافي...
شامة:كوني هانية ألالة...
خرجات سلطانة و بقات شامة باركة حدا نجمة ...حتى داز لوقت وبدات كتستاعد باش تفيق مخسرا صيفتها ...حلات عينيها فسقف وبدات كتضور فعينيها بشوية من لهنا للهنا حتى شافتها شامة وجات عندها كتجري...
شامة:لالة نجمة فقتي باش كتحسي....
نجمة:(غير تفكرات سلطان خسرات صيفتها و بدات تهرنن)صافي أشامتي صافي مشيت فيها ما بقا عندي لا شان ولا مرشان ....وليت جيفة بين لعديان..وعلكة فسنان ضرات ..على أخير يامي نتهان...
شامة:صافي ألالة غير صبري كولشي غيفوت ...
نجمة:نصبر؟! ولكين كلشي بسبابك يا لكلبة كون مابقيتي فيا و خرجت نقلب علك كون داعما دابا أنا هنا...كون داعما هربيتي و خليتيني بوحدي فلواد كون داعما تلاقيت بلكافر بالله ...أبلاتي يابنيتي ياشامة لما نخرجو منك بحال زنين راني ماشي نجمة...هنننن ...
(طريقة باش بدات تهضر جابت ضحكة لشامة و نساتها كاع لبكا يلي بكات...ناضت جابت لماكلة لنجمة معاها شي تخليطة.. شامة طلب و نجمة حلفات لبغات تاكل...)
شامة:عافا عوينتي لما كولي ...
نجمة:قلت لك مابيتوش....
شامة:غير معيلقة يا نجمة يالوردة يازينت ليل و سما...لما كولي ...
نجمة:مابيتوش...
شامة:(بدات تساير معاها)عافا لكبيدة لما كولي باش تولي مزيانة....
نجمة:مابيتوش...
شامة:إيوا لهلا أنا يلي بغيتك تولي صحيحة باش توقفي فوجه سلطان وماتكونيش ضعيفة ولكين نتي يلي ماباغاش...
نجمة:(بدات ضور فعينيها) بيتو بيتو ....
شامة:هاااا شتي هانتي بديتي تفهمي يلاه هاكي...
نجمة:مابيتوش هننن..مابيتوش....
شامة:عافا لالة يانجمة يلأميرة....يالكبيدة يالحبيبة ياعوينتي وتاج راسي لما كولي...
نجمة:(هزات كتافها)مااااابيتوش...
شامة:(حطات زلافة)إيوا خليك هاكا حتى لمرة جايا نوليو نوكلكوك بحال لفشلانة ...إيجيبوك لهنا بحال لكوطليتا مايلقاو ما يجمعو فك....
نجمة:صافي أري بيتو...واه واقلت لك بيتو والله حتى بيتو...
#يتبع#
أنت تقرأ
جارية السلطان⚜️مكتملة⚜️
عاطفية💎مكتملة💎 ❌حصرية على الواتباد❌ 🌛قصة- رمضانية 🌛 ⚜️العنوان :جارية السلطان⚜️ 💎بقلم:ليلى روي (jë süis lä)💎 💎الكوفر من تصميم : #Ñöřhãņ Ñöřhãņ 🍃رجعو معايا بزمان..لزمان لحكمة ولحشمة ولحيا... زمان سلاطين ولملوك وجاريات غنعيشو حكاية جامعة فحضانها كل م...
