جارية السلطان⚜️مكتملة⚜️

⚜️الجزء 25⚜️

جارية السلطان
بقلمي:ليلى روي
البارت:25
صبح صباح جديد يلي غيوقعو فيه بزاف ديال لحوايج...فاقت نجمة بحال لعادة جمعات بلاصتها ولبسات وتقادات كتسنا فلوصيفة تجي تديها تبدل على قبل تدراب..وهي فرحانة بزاف عكس لأيام كاع يلي فاتو بلعكس ليوما متحمسا وكتقول غنخلي سلطان يفتاخر بيا...بقات هاكاك حتى جات لوصيفة جهزاتها وضفرات ليها شعرها وصيفطاتها مع لخادم ..وصلها لساحة وتم راجع خطاويه...وقفات تما راسها لقات سيف هزاتو وبدات تضرب بيه فلأرض وفسما حتى سمعات تصفاق جاي من وراها ضارت وهو يبان ليها شاب لابس جابادور رقيق شوية وماهوا من طوال ولا لقصار وزينو على قدو وقف قدامها و هو مزال كيصفق إما هيا هبطات سيف وعقدات حجبانها وكتقول منين جا هادا ...تقدم وهضر هواماد ليها يدو..

عدنان:سلام أنا عدنان ونتيا..
شافها ماجاوباتوش غامخنزرة وجمع يدو عندو وحاول يهدر معاها وهو كيضور عينيه فوجهها كامل..

عدنان:فخبارك هادي أول مرة تبان ليا شي ولية كتهز سيف وكتدرب..واش مكتهدريش ولا ماكتسمعينيش..

بقات ساكتة ماهدرات ماتكلمات بغات تعرف بعدا شكون معاها لتصدق مزبلاها وهي فمها مكيزكاش طيارة...

حرك ليها راسو بأه وقال يحاول يدير شي حركة (راني كنشوفكم👀😂)باش تقدر تهدر ولا تنطق يلاه هز يدو و مدها لوجهها حتى سمع صوت يلي قفزو وخلاه يوقف مرعود وكاع ديك زعامة باح مشات...
تاج دين:أش كدير نتا هنايا...

عدنان:والو غير كنت هابط لجنان وسمعت صوت سيف وكلاني لفضول..

تاج دين:هادي أخرة مرة نلقاك مقربة لوحدة من نسا ولا غاياكلك دود ماشي لفضول...

حرك عدنان فكو وزير على يدو وهضر..عدنان:هادي أخر مرة أمولاي..

تاج دين:مانبغيش لهدرة لمرة جايا راسك يتقطع يلاه سير وعمرك ماترجع لهنا..

حدر راسو وزاد وهوا كاره تاج دين ..ولي بدورو شاف فنجمة و هز سيفو بلا كلمة بلازوج وبداو بدا عادي معاها ولكين حساتو غادي وكيزرب وكيقصح معاها طرح دوز سيف وجاتها ضقا فكتفها ومعا دلك صبرات مابغاتش تبان ضعيفة بقاو وقت طويل وهما هاكاك حتى غفلها سلطان فواحد لحظة و ضرب ليها من شعرها من لتحت غير شوية شي ربع شبر ماكاينش و هي معا حسات بيه رمات سيف بزربة وحبطات ضورات عندها شعرها تقلب فيه وتبكي عليه...

تاج دين:(بإبتسامة إستهزاء)لواحد هوا يلي يحضي جنابو ماشي غير قدامو هادي نبغيها تكون عندك درس ولا لمرة جايا غيمشي راسك فمرة..

زاد وخلاها وراه تولوى وبركات فلأرض تبكي وتنوح وتقول صاغي قراعيت ...جمعات قشها وزادت بدلات حوايجها ومشات عند شامة وبدات تبكي وحلفات لهدرات شامة تسول وهي غير تبكي وتشكي...

شامة:أويلي مالك قولي ليا..

نجمة:صافي أشامة صافي أنا ضعت قراعيت غيبداو يضحكو عليا لعديان على أخير يامي شعري يتقطع بين يديا أويلي أويلي 😭😭😪😭😭

شامة:كتشوف مافاهما والو كتقول قراعيت وهيا شعرها هابط حتى لرجليها وباركة عليه...

شامة:أويلي هاهوا شعرك وتي شكون قرعك..

نجمة:(وهي كتنوح)قطع ليا مولاي من شعري ظا ليا ولادي نموت وماتمس شعر منو ...

بكات ونوحات حتى خرجات مافقلبها ولكين لحرقة باقا ..جمعات لوقفة ورجعات لحرم بركات بين نسا وكل مرة تفكر شعرها تبكي تقول بحالا قتلو ليها راجلها دوزات نهار كامل وهيا باركة متشي غير هاكاك لا باركة تخطط وتبلاني كيفاش تىجع حقها وتبرد خرقتها ما كيهمها لا سلطان ولا خادمة طقتها تفديها تفديها واخا تجلد ميات جلدة..لقات تخمم حتى خىجات عينيها على لفكرة يلي طاحت عليها وكتسنا غاليل وتنفدها..وصل ليل وتسد كلشي كلشي ناعس وجامد نتضت نجمة كتسلت وجربات تخرج من لحرم يلاه حلات لباب بدات طل فجنابو ليكون شي حد صدق حتى حد زادت تخلف وتجري وفيما يبان ليها شي عبد ولا جندي تخشا فشي قنت حتى خرجات من جيهة لقصر جيهة لخرا بدات تقلب على لإسطبل حتى لقاتو وبدات تقلب بين لخيول على عودة مولاي سلطان عقلات عليها ديك لمرة فاش شافتها..قلبات كلشي حتى طاحت فيها دخلات وسدات عليها وبدات تبرد فراسها...

نجمة:يلاه أنجمة يلاه تشجعي أصلا حتى حد ماعايعرفك رجعي حق شعرك يلي شحال وهو كابر معاك فلخر ضاع هننن بلاه أنجمة يلاه...

بدات تشجع فراسها حتى زادت قتانعات شظات ديل ديال لخيل وقطعات ليها سالفها لوراني ومشات لشعرها لفدام وقطعاتو حتى هوا حتى خلاتها قىعة بكل معنى لكليمة وتنهدات دابا عاد رتاحت هزات خنشة وجمعات فيها كاع داك شعر وخباتو مع لمقص ورماتهم فبلاصة بعيدة وزادت راجعة لنفس طريقة باش خرجات عاد رجعات لبلاصتها وتنهدات وحلات ليها نعسة ماهازا لاهم سلطان ولاهم أش غيوقع ليها...
👑مشات فليل تسلتات ولبلاصة لخيل تخشات ومن سالف عودت مولاي سلطان قصات👑
#يتبع#