جارية السلطان⚜️مكتملة⚜️

⚜️الجزء 27⚜️

جارية سلطان
بقلمي :ليلى روي
البارت:27
طلقو لوصيفات نجمة يلي هبطات على رجليها وشدا فعنقها وهي كتبكي وتكحب بلعاني زعمان راه خنقاتها خلات عذرا غامخرجا عينيها صدقات ماكاتعرفش نجمة....ضارت شافت فمولاي يلي كان كيشوف فنجمة و تحنحنات و حدرات راسها...

عذرا:س سمح ليا أمولاي ولكين هيا تعدات حدودها وكان لابودا نوريها مقامها..

تاج دين:ولات عندي سويقة أنا هنايا أش باغة نتي أعذرا...

عذرا:أنا جيت نشوفك أمولاي ونطمن علك ساعا لقيت هادي يلي جايا بلا حكام و لا شوار مالقات مادير ...

تاج دين:لزمي حدك وعرفي هدرتك نجمة أنا يلي كلمتها بغيتها ..يلاه رجعي لجناحك ولا لمرة جايا نعاقبك عمرك تخلفي بحكامي ولا غتكوني نتي لخاسرة...

عذرا:😱ولاش طلبتيها أمولاي ..زعمان أش عندك ماتستافد من وحدة ملقطة بحالها طير مع طيور ولسانها سليط مايتربط ما يرجع لفمها يرتاح...

تاج دين :(وهو مخنزر)من إمتى ولا خاصني نتشاور معاك عرفي حدودك ووزني كلامك سيري غبري عليا دابا ولا كنواعدك غندمك عمرك كامل..
حدرات عذرا راسها وعينيها عامرين دموع ماتسرطاتش ليها تعاير وتهان قدام نجمة زادت لقدام و وصيفاتها تابعينها ..حدر سلطان راسو لنجمة وتكلم وهو داخل لجناحو...

تاج دين:تبعيني نتيا..

ناضت نجمة بزربة وهي ضحكة شادة ليها من لودن لودن وعلاش لا وهي برد ليها سلطان غدايدها   فعذرا قادات حوايجها وزادت من وره حتى وقف وضار عندها ...

تاج دين:  مالك نتيا واش ماناوياش تحشمي كل مرة كنسمح لك ونتي تزيدي فلخطية أش قربك دابا لعذرا..

نجمة:،والله يا مولاي حتى هيا يلي نقصات مني وقالت ليا أنا غاملقطة ..إما أنا ماهدرت ماتكلمت...
شاف فيها بواحد نظرة ديال منيتك ..

تاج دين : وأش حكاية سالف ليتقطع ..زعمان جاك عادي ما حسيتي بوالو...

خرجات نجمة عينيها وتلاحت على رجلين سلطان بدات تبكي وتنوح قالت صافي عرف...

نجمة:هنن والله يامولاي ماكنت قاصدا راه غاشيطان لعب بيا ..إما أنا والله مانقرب لإسطابل ولانشوفو ..وكيت سالفي و حرقت شعري بقات فيا قداش وماعقلتش حتى قرعت لعودة أمولاي ..هىء هىء عافاك لما سمح ليا هادي و ثوبة ...

بعد تاج دين مخرج عينيه ومامتيقش أش كيسمع ...

تاج دين:شنو كيفاش مال لعودة..

نجمة:علا مافخباركش أمولاي 😱😱

تاج دبن :هدري وتكلمي ...أش وقع...

بقات نجمة تشوف وتمتم زهي كترعد حتى تم داخل عبد هاز لخنشة يلي كانت دارت فيها شعر مع لمقص خرجات عينيها و مابقا ليها والو وطلقها فحوايجها...