جارية السلطان⚜️مكتملة⚜️

⚜️الجزء 7⚜️

جارية السلطان
بقلمي ليلى روي
البارت 7
عطاها بضهر وزاد وخلاهامن وراه تعيط ..كلاها لفضول وبغات تعرف كمالت لحكاية ولا شكون هوا بعدا....رجعات براكت حدى شجرة وهزات عود كتخطط به فلأرض حتى بانت ليها شامة جايا..

شامة:لالة لالة نجمة نتي هنا...

نجمة:(غير شافتها جمعات لوقفة وهزات حجرة هي ضرب وشامة تغوة وتهرب)لا أنا لهيه يابنت لحرام زيدي لهنا زيدي يالكافرة بالله..عاد جايا تقلبي عليا أ قبيلا فاش هربتي وخليتيني وسط رجال ماعارفا راسي من رجليا ..أدوي ...كون دابا مت هادي هي لالة نجمة ونتي مشيتي وماعقلتي عليا بحالا عمرك شفتي كمارتي...

شامة:والله يا لالة ماهاكاك راه خفت وماعقلتش حتى هربت أي عافاك لما حيدي لحجر...

نجمة:زيدي لهنا أجي..

شامة:😭😭وحيدي لحجر بعدا..

نجمة:ولله يعطيك لحجر فلباسر يابنت لحرام مايخليوك تعرفي تزيدي ولا تكلسي...هانا غالوح غازيدي...

زادت حداها شامة وهيا خايفة مع قربات تلاحت لييها نجمة على دراعها تعض وتضرب وشامة تغوت حتى بردات سمها..

شامة:ولله ألالة مانعاود غاتلقيني عافاك ألالة...
نجمة:مشيت نموت وكان غيفوت فيا لفوت ..ودابا كالسا عيا بتبوحيط و  لبهوت....ها ..خليتيني غير أنا ويدي وريح كيسوط فيا كون دا مول لأمانة أمانة كون باركة ضربي فكسكسو بتفاية وتقولي الله يرحم لاللة نجمة....ولكين طول ليا ربي فلعمر باش نبيتك تحلبي فلبكر ...يابنت لحرام الله يعطيك موصيبة تصيبك قبل ماتوصلي لزريبتك ..هزي ليا شعري الله يخليك بلخلا...وكمل عليا داك لمتفتف مايعرف لاينيش ماخلانا نهزو خط...

شامة:لعار ألالة نجمة لما سمحي ليا..

نجمة:هي سماحة غنسمح لك ولكين بلاصتك مضمونة حدا لبكر غير حتى نوصل ونوريك...

      أودي غتبقى فيا غا شامة لمصيبة😂😌

             #يتبع#