جارية السلطان⚜️مكتملة⚜️

⚜️الجزء 5⚜️

جارية السلطان:                     بقلم:ليلى روي
البارت :5
شامة:إيوا أسيدي عباس ... عاود لينا علا هاد لبلاد...حنا راه ماعندنا لاوالي لاتالي . هادي لالة نجمة مات ليها راجل وهجرنا لهنا وأنا غير خادمة عندها..وسميتي شامة...

عباس:إيوا فيها لخير ...أش غنقول ليكم كل بلاد وناسها كيف كاين لخايب كاين زين ...إيوا من حدكم وحدانيات وأنا وحداني مزال مالقيت لتفهمني ولا تهز بهبالي و نتوما ماعندكم حكام نشرط عليكم شرط ويلا قبلتو راه نعيشكم فوق راسي.

شافت نجمة فشامة وتكلمات:ديالاش هاد شرط..

عباس:(بدا يحك فضقنو وساد عين وحال وحدة)أش غنقول لكم باش حتى حد مايهدر فيكم ولاينعت فعرضكم نشرط نتزوج بلالات لبنات لالة نجمة ونتي يا لالة شامة تبقاي خادمة عندها أش قلتو..
.
نجمة:😱😱شنو تزوج بيا ..

شامة:زعمان أسيدي هيا يلاه أرمالة مزال مافاتت لعدة و لا نسات لمرحوم ونت باغي دخلها عندك عروسة ماجاتش..أولا لا ألالة نجمة(غمزاتها)

نجمة:أه أه أسيدي عباس أنا يالاه دافنا راجل وزواجي غيكون محرم...

عباس:واش غنقول لكم ..عندي حل أخور يلي يسولك قولي لهم نتي مرات تاجر عباس باش مايطمع فك لاصياد و لا طلاب وتبقاي هنا معززة مكرمة .. حتى يحن مولانا...

نجمة:أهاه حتى هادي هضرا..

سي عباس:😍😍يلاه أزينة لبنات هادي دابا دارك وكسيبتي كسيبتك ويلي تقالت علك خفافت عليا ..

شامة:لهلا يخطيك أسيدي عباس..

عباس:(خنزر فيها)يلاه نوضي جيبي طاس للالاك نجمة وحني ليها وطلقي لعود و لخزمة ونتي شتك مربعا حدانا ..نوضي لكشينتك ..

شامة:(بقات غامخرجا عينيها كفاش تقلب بزربة و ولا يأمر فيها )أ أنا..

عباس:يلاه نوضي وخلي لالاك ترتاح...أنا نسالي شي شغل ونرجع ...

شامة:إييه أسيدي عباس نوض من دابا...
ناضت شامة على سعدها و وعدها ..ونجمة غير حابسة ضحكة ..إما شارف عباس خرج يكمل خدمتو...حتى شافتو شامة خرج ورجعات عندا نجمة يلي غير شافتها ماقدرات تشد ضحكة..

نجمة:ههههه صافي هاد شي ليبقا يلاه أشامة كشينتك..هههه

شامة:(بدلت تندب فحناكها)هاويلي ألالة وشمن زبلا درنا أتي شفتيه كيتقلب بحال زمان باينا فيه صايط ليه لبرد فمخو..

نجمة:أودي هوا غامخو ..وماشتيش ديك لفلجا يلي بين سنانو يبنيو فيها ضوار...ولا دوك لخرين ليماعندو...هه وقالك باغي يلي تفهمو وتهز بهبالو...😂😂

شامة:وهانتي تشوفي حتى شرف عاد خرجو رجليه شواري ولكين هانتي ألالة وياك تخليه إيفوت حدو بحال هادو خاص غايلي يبداهم...

نجمة:لا لا ..ومالني ساهلة ليه..أجي نقول لك جيبي ليا شي رزمة ديال ساهلة ماتعرفي لوقت وزمان هادا وهو بلا شيطان بان ليا شاعل....