جارية السلطان⚜️مكتملة⚜️

⚜️الجزء 34⚜️

جارية السلطان
بقلمي:ليلى روي
البارت:34
زادو بها هيا وشامة وهما غادين ويتهامسو عارفين هاد ليلة ماغتخرج على خير...هما غادين ونجمة طلب غير تولي طريق طويلة ومايوصلو هما كاع ولكين مجرد مافكرات وصلو ....
ضقات لوصيفة لباب وحل ليها لعبد لباب دخلات وعاد تبعها عباس وبقات نجمة هي لخرة حتى رجع جارها عباس من إيدها ....

لوصيفة:(وهي حادرة راسها)مولاي سلطان عندي لك شي خبار إلا كنتي مسالي...

هز فيها تاج دين راسو ومشاو عينيه نيشان لنجمة يلي باين عليها لخوف وتقفقيقة ...

تاج دين:أش كاين وشكون هاد راجل...

لوصيفة:هادا أمولاي ثاجر ثواب وكيقول على راسو راه راجل جاريتك نجمة نعم أمولاي...

تاج دين:(وقف ودار يديه من ورا ضهرو وهو عاقد حجبانو)أش كتخرفي نتا ...ولكين ماعليش سيري وخلينا لوحدنا...

خرجات لوصيفة ونجمة غير كتولول لعي ولا شامة يشوفو ويتهامسو ..حرك تاج دين راسو لعباس يلي قرب بزربة وقبل يد سلطان ورجع لور وهو كيشوف فنجمة بجنب عيين..

عباس:أنا جيت ليوما أمولاي طالب راغب باش نرجع مرتي فيدي وتحت جناحي..

تاج دين:(بإستفهام)شكون هاد مرتك يلي عندنا...

عباس:(دور راسو لنجمة ورجع شاف قدامو )هادي أمولاي نجمة مراتي ....

هز تاج دين عينيه مخنزر واحد مولاتي تخنزيرة شاف فنجمة يلي حادرة راسها و فعباس يلي واخا خايف كيقول معا راسو نجمة بسميتو ومعندهم كيف يحيدوها ليه...

تاج دين:واش عارف راسك أش كتخرج من فمك..

عباس:أاه أمولاي عارف مزيان ..هاد لفعة ..بغيت نقول نجمة خرجات بلا شوار وتلفات فلغابة ودابا أمولاي هيا بينكم هنايا وأنا بغيت نرجع مرتي لابغيتي أمولاي...

تاج دين:(شاف فنجمة لقاها ساكتا حس بيها مخبية شي حاجة وهي يلي متسكوتش)أش هاد شي أنجمة ياك قلتي نتيا غير يتيمة يعني كدبتي عليا و ولكادب لخاين جزاؤ معروف..

نجمة:(بدات ضور فعينيها وتشوف فشامة حتى حطاتها فإيد الله أصلا ماعندو مايشد عليها ياك غير تقبتها فراها باقا مسدودة)والله ماعرفت أش غنقول لك أمولاي ..(شافت فعباس وحولات عينيها مدبلاهم فسلاطن)هو هدر فمكاني ومكانك ..وعطا قرار يحسم فعمري وحياتي ونت عارفني أمولاي راني غير ولية ونية ويحسابني حيط قصير ويلي جا ينقزو...

تاج دين:(برك على واحد لكرسي ودار يديه قدامو وشاف بشك فيهم بزوج) كلها يقدم خبارو باش نعرفك نت واش راجلها ونتيا واش يتيمة ومقطوعة من شجرة...

نقز عباس مشارجي ناوي يبدا ويكحل ضواسا..

عباس:هادي أمولاي مرتي بشرع وحكم لقاضي وكاع ناس لقبيلة شاهدين عليا ومن دابا نجيب لك 40شاهد..

نجمة:(ببراءة مصطنعة)إيوا أمولاي مابقات حشمة ولا حيا فهاد لوقت أنا قدي قد بنتو ويقول عليا مرتو...هاد راجل أمولاي من بعد ماماتو ليا واليديا جيت عندو طالبة ضيف الله أنا وصاحبتي شامة وعتابرتو جدي من دمي ولحمي ولكين هو نوا فيا لغدر وبغاني لزينة وأنا نهرب وتلفت فلغابة حتى تلاو بيا رجليا عندكم..

عباس :(مخرج عينيه)كدابة كدابة أمولاي ...هادي راها مرتي وفاش جات عندي لقيتها كان ميت ليها راجل يعني أرملة وأنا تسنيت تفوت لعدة وراني ديتها...

نجمة:ههههه والله إلا ضحكتيني وعلا فين عمرك شفتي بنت 16 عام مزوجة بشارف هارف...

عباس :ياك يابنت لهم ..ياك جيتي لعندي وتزوجتك...

تاج دين:(مخنزر)بشوية وخفض صوتك ولا نحيدو لك فمرة ..عطيني شي دليل أنها مراتك ...

عباس:إيه إيه أمولاي ناس لقبيلة كاملين يشهدو راها مرتي...

نجمة:ويلي ستغفيرت الله لعضيم ياك جيت طلبتك وقلتي ليا تكوني بنتي يلي ماعندي وكل مرة كنتي تلصق فيا وتبغيني ليك وفاش هربت جيتي تابعني..( شافت فتاج )ونزيدك أمولاي فين عمرك شفتي وحدة مزوجة زوج لمرات وباقا عزبة...

تاج دين :يلاه جاوب ...

عباس:(بدا يصفار ويخضار)أ لا أمولاي..

نجمة:لا شنو أدوي ياشلاهبي كنتي كضحك على لبنات وهما مسكينات كيكونو باغين غير شكون يعاونهم ونت كنتي كتعدا عليهم هادا أمولاي حتى صاحبتي مخلاها فخاطرها لقيتو ديك نهارات كيتبسل عليها(خرجات عينيها فشامة باش تقول أه)ها هانت شفتي أمولاي راه غدار وواحد ديب منو مكاين وبيني وبينك أمولاي خاصو يتعاقب على فعايلو...

حرك تاج دين راسو وشاف فعباس بواحد شوفة ديال مشيتي فيها خلا عباس غير كيتفتف معرف مايقدم ولا يوخر ..

تاج دين :(عيط على لخدم)ديوه عليا هبطوه وعطيوه ميات جلدة وسدو ليه محال ثواب وخودو ليه أرضو عاد طلقوه وخليه يكون عبرة لكل زاني..

بدا عباس يتفتف ويطلب ويزاوك وكيشوف فنجمة ويطلب باش تسامح ليه يلي هزات راسها حابسة ضحكة ...داو عباس وخرجات حتى شامة وبقات نجمة يلي كضحك غير بشوية هز فيها تاج دين راسو وحركو حتى هو بلاحولة ..

تاج دين:غاطلقيها..

نجمة:هههههههه والله يامولاي ههه حتى عبرتي عليه باش يتعلم يضحك على بنات ناس..

حرك راسو بأه وعيط ليها تجي حداه  حتى وصلات و جرها من إيدها جابها فوق رجليه ودور عليها إيديه خاشي راسو فعنقها..وهي يلي تحلات كاملة من لفوق حتى لتحت مخرجة عينيها وحالا فمها مقادا لا تستوعب ولا تيق أن سلطان هادا...

هاح هاد شي غادي ويزان 😂😋
             #يتبع#

---