جارية السلطان⚜️مكتملة⚜️

⚜️الجزء 20⚜️

جارية السلطان
بقلمي ليلى روي
البارت :20
دازت سيمانة من ليالي وليام ونجمة بحال كل نهار تمشي صحى سلام و ترجع مافيها مايتلبق  حالتها حالة..وسلطانة كولشي كيدوز على عينيها و أش عندها مادير هوا سلطان إلا حكم باش إقطعو ليها راسها إيقطعوه ماكيهمهم لا مو ولا خالتو يكفي سميت هوا سلطان يلي تنطقات كتنفد....فصباح من صباحات ناضت نجمة بحال لعادة بدات تولف بعدا شوية جمعات فراشها و للسات و تزينات و بركات ...بركات تفكر و تخمم تاني عارفا مابقا ليها والو و غيجيو يديوها لعند سلطان ..وبيني و بينكم ماحاملا لامشية ولا مجية حتى كيبرا ليها لحم و كيرجع يتحل ..كرهات نهار يلي هدرات فيه ولا شافتو....ضورات راسها وهي تبان ليها وحدة زعرة ماطويلة ماقصيرةوزينها على قدها ...شافت فنجمة بجنب عين و ضحكات و بدات ضور وتخنزر فيها بحالا كتشفا....ضربات ليها ضن فراسها ومشات عند ها ... بدات لبنت طلع و تهبط و تنفخ ....

نجمة:أجي نقول لك بغيت نسولك...

لبنت:أش بغيتي تاني ماكاتساليش كولا نهار حكاية..

نجمة:دابا أنا إلا غوت على شي جارية هنا وعيرتها أش غيطرا...

لبنت :غادي يسدو علك مورا لقطبان لمدة ثلثيام...

نجمة:أااه لا ثلتيام قليلة بزاف ...وإيلا نوضت صداع بينهم...

لبنت:سبعيام ...

نجمة:(بدات تفكر تاني) لا لا لا حتى سبعيام دغيان غدوز ..هانتي وإيلا جمعتهم بزوج و زدت عليهم ضربتها و نتفتها و ماخليت مايترقع فيها شحال غيحبسوني...

لبنت:إيوااا إلا وقع هاد شي كامل لقليل هوا شهر باش لواحد يترب و مايبقاش يطير بحال دراة...
نجمة:أااااه مزيان وأجي نوريك درة كيف كتقلا...

تلاحت نجمة على شعر لبنت تنتف وتجر ولقات فيمن تبرد لحر ....بركات فوق منها كلاتها ماكلة لخدم يفوك وهي حلفات لطلقات حتى جات لوصيفة ديال لحر مرى غليضة و شوية بيضا وباينا عليها قبيحة...جرات نجمة فجيها ولبنت فجيها وهي سخفانة..خرجات لوصيفة عينيها فنجمة...
لوصيفة:ماناوياش تحشمي نتيا من حكول مولاي فك كولا مرة جايبينك فحالة ولكين لحمك ولف على طق خاسك شي ميات جلدة يلاه يرجع لك لعقل....
نجمة:وراه هيا يلي بداتني بدات تشفا وتعاير فيا....
سولات لوصيفة لبنات على شكون يلي بدات و كولشي شهد فنجمة يلي دايرا راسها خايفا وهي غاطير بلفرحة من لداخل ...

لوصيفة:زيدي قدامي خاصك شهر من ليام وليالي ويالاه تروداي منوضا ليا لحرل هنايا أش يحساب لك راسك....
جرات لوصيفة نجمة يلي غاطير بلفرحة كتقول أخيرا واحد شهر يرتاح فيه لحمي من لعصا وضق وهي بابا كتحلم حتى وقف عيهم واحد من لخدم سول لوصيفة....
لخادم :فين غاديين بيها مولاي قالي نعلمكم باش توجدوها....
نقزات نجمة جوبات بزربة:غاديين بيا لحبس تحت لأرض ودتبا أنا غنكون فلعقوبة يعني مايمكنش نمشي عند مولاي...
لوصيفة:(خرجات عينيها فيها)سكتي واش ماناوياش تحشمي....هانا غادا بهاد لخطية...
لخادم:ماعليش واخا غادا بها لحبس جهزيها وخليها تمشي درب عند مولاي وفاش إيساليو رجعيها لحبسها و هاكدا غاديرس كول ليلة...
نجمة:(حلات فمها و خرجات عينيها)أ..شنو... 

🍇هادا هوا لمعنى ديال بغيت نكحلها عميتها🤦‍♀️🍇

    #يتبع#