جارية السلطان⚜️مكتملة⚜️

⚜️الجزء 10⚜️

جارية السلطان        
البارت:10
رجعات بلور و هيا كتغوت ...نجمة:وشامة عتقي..

كتشوف فيها باركة فوق شجرة ..شعرها قصير و كولو مخبل عمر لمشطة ماجات فيه..ووجها كحل بحالا عمرها غسلاتو من نهار خرجات من كرش مها..ضفرانها طوال و مسخين ...لابسة قميص قصير فوقو بطانة ديال لحولي وجيها خرا ديال بقرة...لمنضر ديالها كيخلع بزاف ..هادي غولة لا هادي غير بنت بحال لغولة صافي....بدات هابطة بشوية عليها و مادا يدها لنجمة كتعيط عليها...
**: (بصوت بحال  فحيح لأفعة)أجيييي ..أجيييي نقول لك زيدي زيدي...

نجمة:(راجعا بلور و كتحرك وجهها بسرعة بلا)هننن غير بقاي حجارك إيشدوك أش باغا أ ..وشامة و لمصيبة فينك...هننن شااااامة..

زادت هابطة كتعيط..***:أجي زيدي مالك ماباغاش....(خنزرات فيها)قلت لك زيدي..
دارت نجمة يلاه باغا تجري حتى نقزات من على شجرة بزربة و بدات كضور على نجمة و كتصفق ..و كضحك بجهد...

***:ههههه خايفا خايفا هههه ياك ياك خايفا بوع كنخلع ههههه كنخلع (بدات كتحرك فنجمة ضربها من هاد جيهة و ضور لجهة لخر و تصفق)أنا هنا...لا أنا دابا هنا ههه لا أنا لهيه هههه...

نجمة مابقا ليها والو و تسخف بدات تبكي و ضاما يديها لصدرها ..حتى بانت ليها شامة جايا كتجري و هي دفع لخرا بزربة ومشات عند شامة شدات فيها...

نجمة:شامة يلاه 😭عافاك...

شامة:أويلي ألالة شكون هادي 😨

نجمة:ماعرفتش ماعرفتش واش إنس ولا جن يلاه أشامة...

شامة باقا بحال لمصدومة غابانت  ليها جايا قاصداها و هي تعطي رجليها لريح هي و نجمة يجريو و يجاريو ويقولو إمتى غنساليو ...ولخرا تابعاهم تجري و تغوت ومرا مرا تهز شي حجرة تضرب بها نجمة و لاشامة...بقاو إجريو حتى خرجو من لغابة جيهت طريق بانو ليهم شلا بنات يكونو شي 9 ولا10 ملتمات و منهم لمتشردات قصدوهم بزربة و لخرا تابعاهم حلفات لزكات ...غير وصلت نجمة تخشات هي وشامة وسط دوك لبنات هزات راسها مابانتش ليها والو بحالا عمرها كانت تابعاهم ...

نجمة:(شدات فشامة كتنهج)ناري بسم الله رحمان رحيم أش هاد شي واش شي مسطية و لا غولة معلية...

شامة:ولله ماعرفت ألالة باينا عليها غولة مسطية...

نجمة:(يلاه بغات تهدر حتى كتبان ليها واحد لعربة وقفات و هبطو منها ثلاثة رجال لابسين لبسة حمرا ديال لخدم و كيجرو فدوك لبنات كيطلعوهم للعربة ..سولات نجمة واحد لبنت كانت حداها)عافاك أختي هادو فين غادين بكم ؟؟

(دارت عندها لبنت و بقات تطلع وتهبط فيها كتبان كبيرة شي 24 سنة ..عوجات فمها و جوبات)هادو غادين بينا لقصر مولاي سلطان..
نجمة:شنو ولاش...

لبنت:غادين بينا شي جواري وشي خدم ..أوف بعدي ماتبقايش تسوليني...

نجمة:أويلي شامة زيدي نتحركو من لهنا ليوليو جامعينا معاهم...

شامة:معامن ألالة كيفاش...

نجمة:وراه هادو غادين لقصر سلطان زيدي نخرجو قبل مايغلطو فينا ونوليو مخلصين خطية ماهيا من سهمنا ولا مقامنا...

شامة:أااه واخا ألالة زيدي..

يلاه تقدمات نجمة و شامة وهو إشوفهم واحد من لخدم وجا قاصدهم...

لخادم:أش كديري نتيا رجعي لبلاصتك فين سلتانا...

نجمة:لا لا أسيدي راك غالط ماهربانة ما سلتانا حنا أصلا ماشي معا هاد لوليات راه غاجينا بلغالاط وهاحنا غادين دير بحالا ماشتيناش الله إعون...

لخادم:(شدها من دراعها رجعها مخرج فيها عينيه)فين يحساب لك راسك ...منهم ولا ماشي منهم ماشغليش ...بقاي فمكانك...

نجمة:(دفعات ليه إيدو محمرا شوفا)وشكون نت باش تأمرني جمع إيدك عندك و عرف سيادك راني ماشي عبدة عندك...

لخادم:أنا نوريك سيادي ...زعبول (خادم أخر)هاكا دخل هادي هيا لولة صدعاتني هنا...
جا لخادم تاني شدها من إيدها جارها..وهي كتنطر ليه...

نجمة:أويلي على دخلها وابعد مني واش عارفني أنا شكون بعد ...أنا راه نجمة بنت سلطانة ....

       #يتبع#