جارية السلطان⚜️مكتملة⚜️

⚜️الجزء 2⚜️

⚜️..جارية السلطان..⚜️
   
                   ✨ بقلمي:ليلى روي✨

🌙البارت : 2🌙

. خرجات نجمة لقات شامة كتسناها عند لباب مع عبيدة..

شامة:أش قالك .

نجمة:والو بحا ديما هانا حداكم.

عبيدة:ناري كيكاديري ليها أنا نعيا مانتبوحط فلخر نتكشف..

نجمة:(رجعات شعرها بغرور)أنا نجمة ...ونجمة منها غير وحيدة...أه شامة صيفتي شي خادمة تكلم سلطانة بلقيس لمولاي .

شامة :واخا.

  مشات شامة عند سلطانة بلقيس يلي هي لأم ديال نجمة ..وكمل عبيدة طريق لجناحو ومشات نجمة لجناحها لقاتهم موجدين ليها لحمام من كولشي ريحة لعود فايحة و لورد ولخزامة ..دوزات حمامها بشوية عليها حتى سلات وخرجات بيضا كتلمع و لحمها كيبري مافيه حتى خبشة و فصالتها مقادة و كتعطيها كبر من سنها بزاف ..

حيت بنات زمان ماشي بحال ديال دابا كانت لبنت فعمرها 16 وكتبان بحالا فعمرها24 كبيرة ....نجمة يا نجمة ..نجمة هي لبنت لوحيدة لمولاي سلطان و سلطانة بلقيس كان أمنية إجيه ولد ولكين الله قدر عليه بنت ..نجمة ماتخرج ماضرج قليل يلي عارف بلي مولاي دريس عندو بنت ما فخبارهمش حيت أعداؤ كتار و كبار وإلا خرجات إقدرو إقتلوها باش إنتاقمو ..وهي دمها هاز من دم مولاي دريس يعني موتها غيدمر بزاف ديال لحوايج خصوصا أنهم كيموتو عليها و علاش لا وهي بنتهم لوحيدة و لوريثة لوحيدة هاد شي علاش كيبغيو  لأعداء إيتخلصو منها باش إياخدو كلشي....

من بعد ماكملات لباسها بقفطان فلحمر و سرحات شعرها ودارت تاج فيه حجر بلحمر ولبسات بلغة بصم لصفر لحر ..وكحلات عينيها و سوكات وتقادات وتزينات ....حتى وصل وقت لعشا  وخرجات تجمعات معاهم على طبلة لملوك كان مترأسها مولاي دريس و فجيهتو ليمنا خوه الأمير  نور دين لأب ديال عبيدةو حداه  عبيدة وهو يتيم لأم....وفجيها ليسرة ديال مولاي كينا سلطانة بلقايس حداها نجمة .. تعشاو و سلاو فصمت و ممنوع إنساحب شي واحد عن طبلة حتى إينوض سلطان و هادو هما لقوانين...سلاو و طلعات نجمة لجناحها وليل كامل وهي كتخيل أنها طلاقات مع نغام و هي غنات وهو لحن تفصل و تخيط وتقول هادا هو لقياس..

صبح صباح جديد معا لفجر كاع ناس لقصر واقفين مستفين من كبير لمقام لأصغر مقام باش إودعو مولاي ويدعو معاه...من بعد ماودعوه توجد لفطور و فطرات نجمة و عبيدة و هما غير كيتغامزو ...حتى سالاو لفطور و ناضو بزربة تخشاو فجناح نجمة..

نجمة :دابا خاصني نبدل حويجي بعدا (لبسات نجمة قميص وعادي ودارت عليهم سلهام كتبان بحال كاع لبنات لعاديين).

عبيدة:ناري ولكين مولاي محرم علك تفوتي لعتبة... ويلي فتيها يدوز علك بخنجر حافي.

نجمة :يلاه أعبيدة لابغيتي تمشي ..ليوم نخرج من هاد لقصر بحالي بحال كاع لعزبات....نمشط شعري فلواد وندهن رجلي بداد..ياك مولاي دريس سافر إيسيك لحراب ...إيوا عفا عليا الله أنا باش نخرج نشوف دنيا وندير جيران ولصحاب
.
وداك شي يلي كاين خرجات نجمة وهي معولاة غتبعد من هاد سجن يلي عايشة فيه...ماكرهاتش تغوت وتقول ليهم أنا بنت أنا عزبة أنا هي بنت مولاي سلطان لأميرة نجمة .....إستغلات لمشغلة ديال سلطانة بلقيس وتسلتات هيا وعبيدة من واحد نفق تحت لأرض كيخرج فجردة ديال لقصر تسلتو وتخباو حتى خرجو و بعدو من لقصر ببزاف ...وصلات لواحد لقصبة(هما ديور لكبار بحال رياضات)كانو مجموعين شلا بنات وولاد كيتسناو و صول نغام ..

وعلاش لا وهما لكبير و صغير إيموت عليه....داز شوية لوقت ووصل لنغام بألة لبسيطة يلي كيصنع منها لحان ..كيف وصل طاحت عينو على. نجمة تبسم بلاإرادي ..وعلاش لا بنت كتفتن بزين ماكاينش يلي شافها ومحماقش عليها لامن نسا لامن رجال...بدات حلقتو بالألحان وبدات معاه نجمة بتنغام .....داز نص نهار وهما غير تما حتى أدن لمغرب ورجعو كيجريو ويتخطاو فخطاويهم رجعو من نفق يلي دخلو منو مشات نجمة لجناحها هي لولة بدلات و عادخدات حمام أخر و قادات تاجها...هاكدا داز شهر من ليالي و ليام ونجمة غير بين جناحها ولا معا سلطانة بلقيس إيدو ويجيبو فلهدرا ..ويضربو لمعاني بلحكمة ..حتى غايجي نهار يلي غيتقلب فيه كولشي..

#يتبع