جارية السلطان⚜️مكتملة⚜️

⚜️الجزء 37⚜️

جارية السلطان
بقلمي :ليلى روي
البارت :37
داتها لوصيفة لبلاست تبدال حيدات ليها حوايجها لقات شحال من خادمة تما...دخلوها لحمام يلي واجد من كلشي غسلو ليها وفركوها حتى ولات حمرة..وخدودها ورديين ...نشفو ليها ودهنو ليها لحمها بزويوت ديال لعنبر ولورد ..وحتى جرحة مبقاتش بحالا عمرها كانت هي وتخلعات لدرجة أناها ولات غير لحم عادي ...لبسوها قفطانها فدم لغزال محلول من جناب و سماطي بحزامو ..وقادو ليها شعرها جمعوه على طولو وزينوه حتى سالاو ورشو عليها لعود وزهر..جات شهوة منها كاع لوصيفات حلو فمهم وماسخاوش من شوفة فيها ..وهي كدور من لهنا للهنا عاجبها حويجها حيت فعلا جات بحال أميرات ديزني...

سالاو وداوها معاهم وريحتها فايحة فأي بلاصة منها دازت ..ويلي داز من حداها يبقا حتى يتلفت ويعواج عاد يمشي ..ومنهم نيت خنتة يلي حلات فمها كامل ومشات تجري توصل لخبار سخونة ل لالاها...

وصلوها ودخلوها ..دخلات حانية راس كتلعب بأيديها..دورات عينيها مالقاتش سلطان ..بدات دور فجناحو من بلاصة لبلاصة ..حلات واحد لمجر لقات فيه وراق كتيرة ..سداتو وحلات لاخور وهي تلقا شربيلها يلي كان خدا ليها ..تبسمات وهي كتشوف فيه ..لعبات ودارت من جهة لجهة وسلطان حلف باقي لجا ..طاح ظلام فلقصر وجناح مزيين بلقنديل وشمع جو أكثر من رومنسي ..زادت حدا شرفة بقات كطل ويضرب فيها لبرد ..حتى داز عدنان وباه عاد جاي سلطان بشوية عليه هز راسو فشرفة ديال جناحو ..لقاها واقفا مثل حرية لبحر بطول ديال شعرها وبحويجها يلي جاوها كيفتنو ..بتاسم ودار يديه فجيوب سروالو مقابل مع شرفة..وهي يلي شافتو وتحلات يحساب ليها وهم ونسات وهدرات بصوت نوعا ما عالي..

نجمة:أااه مولاي سلطان ياعود لقماري..شوفة منك دوب حجاري...

حدر راسو وحركو كيلعب برجلو ويضحك ..عاود هز وهي تكمل كتبتاسم...

نجمة:(تنهدات)ضحكتك زييينة ...يغير منها لغراب و لغزال ..تشفي لغليل وتزيد فلقليل وتقنع مول لكتير..

شاف فيها بدا كيضحك ..وتكلم..

تاج دين:هه واخا يلاه خليك هانا جاي لك عنداك تهربي...

نجمة:ا ويلي نهرب غير أجي ولا نجي نخطفك..

بقات ساهية وحالا فمها كيلهبيلة حتى شافتو زاد ومشا عاد فاقت وحسات على راسها ..خرجات عينيها وزادت داخلا كتجري ..تكمشات وبركات فوق سرير ...

.......

ماشي بزاف حتى تم داخل حلو لعبد ليه لباب ودخل بعد ماوصى بيلي حتى حد مايبرزطتو ولا يهدرو باغي يبقى وحدو ..زاد دخل وهو كيشوف فيها ساكتا وباركة وطايح عليها واحد سر كتبان ملكة صافي ..دخل وبرك حداها وهو كيتفحص فيها بعينيه ويبتاسم غير راسو ...هز ليها راسها وقربها ليه ..كيشوف ويهدر..

تاج دين :علاش هربتي أممم قلت لك بقاي تما...

نجمة:(بتوتر)ا جاني لبرد ودخلت..

تاج دين:واخاا ..كليتي ولا فك جوع..

نجمة:(بدات دور فعينيها)لا ماكليت والو ..

تاج دين :حتى أنا باقي..صافي نتعشاو أنا وياك...

أمرهم باش يجيبو ليه لعشا جابوه وبرك هو وياها ..وكلسو كياكلو وكل مرة يوكلها هو ولا هيا توكلو ويضحكو ويهدرو ..حتى شافها حبسات من لماكلة..
تاج دين:(عقد حجبانو)علاش حبستي كملي..

نجمة:أ لا مكنبغيش ناكل بزاف غنسخف..

تاج دين:هه ليلة مزالا طويلة وإلا مكليتيش عاد غتسخفي ونتي مزال تابعك لخدمة 😉..

حدرات نجمة راسها وهي غطرطق من لحشمة ..زادت غير شوية وصافي وأمر سلطان باش يجمعو طبلة داوها ورجع هو تشغل بيها ...حط راسو على ركابيها وبدات تلعب ليه فشعرو..

تاج دين :غني ليا أنجمة...

بدات نجمة تغني وتحرك ليه فشعرو وهو حاضيها وماساخيش من شوفة فيها..

#يتبع#