جارية السلطان⚜️مكتملة⚜️

⚜️الجزء 49⚜️

جارية السلطان
بقلمي: ليلى روي
البارت :49

رجعات شافت فيه ...نجمة:وادابا دخلنا علك بالله ..هاد مولاي يلي ناوي دخل عندو لوصيفات مغايدوكش لحمام يفركوك عاد يلبسوك ا ...ولا نت غااادي كيلحمار....

عبيدة :هز كتافو....انقول ليهم فيا محسوب شهر ومغيقربوش ليا....

نجمة:ويلي ومن زينتك درية فيك محسوب شهر وغدخل مخور فمخك...

عبيدة :خسر صيفتو ....سيد رجالا قالك درية...

نجمة:هاااا هانت قلتيها بفمك سيد رجالا وناوي تدخل عروسة كيدرتي ليها....واعبيدة دير عقلك الله يستر علك ..بلا ماتصطيني الله يرحم لك بيها لواليدين....

برك كيتنهد وكيضور فعينيه ...شاف فيها وتكلم...
عبيدة:(تنهد)إيه ولكين راه كيعجبني طولة وتكضيرة وشوفة راه قلبي كيبغي يخرج....

نجمة:(شدات راسها)عبيدة صافي ماتزيدش فيه ..شفتي هاد لبنات عمرني ضاربت مع شي وحدة قد ماضاربت معاك...وخليني دابا نوض نفك هاد لحريرة نمشي نشوف مولاي...

ناضت نجمة تكعدات وخلات عبيدة يتنهد ويحط يد على يد هز راسو لقا واحد لبنت كتشوف فيه..
عبيدة:(مخسر صيفتو)خرجي عينيك مزيان عندي لقرودة أنا هنا ..تفو كنس كيداير ..هننن ..زهر عند ناس كاملين إلا مشا كيرجع بما حسن إلا زهري عندو واحد  نفس خيبة مايسوا مايصلاح لمشا والله لارجع تفو...

عند نجمة يلي دخلات عند سلطان ..ومالقاتوش بدات ضور وضور حتى بانت ليها واحد سلة ديال لعنب عينيها خرجو مشات تجري ليها حطاتها حداها وبدات تاكل بلاعقل هادي تنفع وهادي تنفع إما ضر ماكاينا كاع ...كملات كاع ديك سلة حتى تنفخات كرشها وبدات تقلب تاني حتى لقات عطر سلطان وبدات ترش وتشم كي لهبيلة ..مادازش بزاف حتى دخل سلطان يلي لقاها كضور كيف نحيلة من جهة لجهة تبسم وزاد لعندها ..هي يلي شافتو مشات تجري عندو تلاحت عليه معنقاه وهو كدلك...

نجمة:توحشتك توحشتك توحشنك...

تاج دين:ههه حتى أنا...

نجمة:(شافت فيه وتعلات باستو فعنقو خلاتو يتبسم بلاعقل وزاد حتى هو خاشي راسو فعنقها)

تاج دين:(تنهد)وديريها من لول أبنت قلبي...

نجمة:كنبغيك...وعمرني نتخيل حياتي بلابيك...

تاج دين :حتى أنا ..غير قولي ليا من قبل فين كنتي علاش ماجيتيش شحال هادا أمم...

نجمة:هه مايهمش لمهيم راني معاك..(بعدات شوية وشافت فيه بحزن)علاش أمولاي درتي هاكدا ا ياك أنا نحيلة ديالك وبنت قلبك...

تاج دين :عقد حجبانو...مالني أش درت لبنت قلبي باش تقلق...
نجمة:قلبات شفايفها بحال دراري صغار ....دابا أنا مابقيتش معمرة لك عينيك ياك ...علاش طلبتي لباتول باش تجي عروسة صافي طلعت لك فراسك....

تاج دين:كان طالق لبشرة غير دكرات لباتول وهو يعقد ديك 11 فحجبانو وشاف فيها بتشكيك....أهاه طلبتها علاش...

نجمة:ولكين علاش طلبتيها ..أنا كنغير علك أمولاي ومانبغي حتى وحدة تشوف فك ولو شوفة عادية...

تاج دين:هز حاجبو...وأنا بغيت غير نتأكد من واحد لحاجة وصافي وماتبقا ماعندي ماندير بيه...

شافت فيه نجمة مخرجا عينيها..معرفاتش علاش كتحس بمولاي عارف شكون لباتول وناوي ليوم إصفيها ليها ...وكتقول تاني كون كان عارف كون قطع ليه راسو ديك ساعة ..شافت حتى عيات وسكتات لهما تجمع فمها قبل ماتولي مزبلاها فمها وعارفاه...خلاتها فإيد الله ياربحة يادبحة...
جراتو من يدو وبركو على مخيدات فلحمر منفوخين ..تكات وحطات راسها على رجليه وهو كيلعب ليها فشعرها ويهرها...

تاج دين:حط يدو على كرشها....هاد لكريشة ماخاصهاش شي حزام ولا وليد أمم...

نجمة:حدرات عينيها وهزاتهم فيه بإبتسامة ...هه وشكون كره ماكرهتش نحمل دابا نيت ونولد لك ديك ساعة هه ولكين لغالب الله ....

تاج دين:ماشي مشكيل ألالة نتسناو حتى يجي.. ولادي باغيهم غير منك...

نجمة:نسات راسها وضربات على كتفو كضحك ...ههه ويلي يشويني فيك وابقينا نتسناو ههه..

شافت فيه لقاتو مخنزر وهي تجمع ضحكة حتى ناضت من على رجليه كتحنحن وهو يرجع جرها عندو كيهر فيها وهي غتموت بضحك...

تاج دين:وهو كيلعب ليها فوجهها ...يلاه أمول سالف وجدي راسك باش  مورا لحرب نمشيو لشمال ...

نجمة:واش بصح ..غير أنا ونت...

تاج دين:جر ليها حنكها....أهاه غير أنا ونتي وإنشاء الله مانرجعو من تم حتى تكوني حملتي وولدتي...

نجمة:شافت فيه وضحكتها بدات كتلاشا شوية بشوية..وإلا ماحملتش وهي كتشوف لهفة ديال لولاد فعينيه وإلا ماولداتش عطا الله شكون يولد طالبين عليها حتى هما...

تاج دين :شاف فيها وفهمها فاش كتفكر ...إنشاء الله غتحملي وغتولدي أنا باغي ولادي غير منك ...

بقاو يهدرو ويضحكو ...دخلو ليهم لغدا طبلة عامرة ومشكلة ..كتشهي غير شمات ريحة لحم ناضت كتجري لحمام كتستفرغ وسلطان تبعها بزربة...شاد ليها شعرها وهي كتقيا ..حتى سالات على خاطرها غسل ليها وججها وخرجها شاد فيها وهي سخفانة...

تاج دين:بخوف ...نجمة مالك ..باش كتحسي...

نجمة:سخفة سخفة كنحس بدوخة ...شافت فطبلة وخسرات صيفتها..أووف اووف بعدني من ديك طبلة عافاك أجي نخرجو لشرفة ...

وداك شي يلي دار خرجها بشوية عليه ..بركها تما وكيسول فيها وهي تبدا تندب وتبكي....

نجمة:هننن مسخوطة لواليدين الله يعطيها ضربة ..ماتهنات حتى سحرات ليا هادا غاتوكال..بقات حتى شبعاتني عمرني نسمح لك فهاد نهار يابنت لحرام.....أهىء أهىء موكليني سحور امولاي سحور باش نخياب ..هننن...

                #يتبع#