جارية السلطان
بقلمي :ليلى روي
البارت :47
بقات كتشوف فهاداك أتاي يلي هز سلطان ..وهي تنهد ماعندها مادير ولا كيف تنفعو وتمنعو يهز لكاس...غيقول باش عرفات وغتجبد لبلا لراسها لهما تسكت..ياك كانت باغا تنتاقم منو واخا تبغيه ضقتها ماتخليها فيه ....هز أتاي كيشرب بشوي عليه وكيضحك ويهدر ..وهي تسكت حتى تسكت وتنهد تنهيدة من لقلب ديال شي وحدة هازا جبال فوق كتافها ....وعلاش لا وحدة كبيرة ومغتقد على حمل نجمة مزال غير هي يلي بنت فعمرها 16 ماشافت ماتشوفات ...
نجمة يلي نهار حلات عينيها حلاتهم فقصر وفوق لخدم ودابا ولات هي من لخدم ...كانت لكبيرة وصغيرة ديالها دابا حتى حوايجها مابقاو ليها....تضحك وتفرح ولكين شكون كيكون معاه فاش كتبغي تنعس ...تبكي كل ليلة وتقول سلطان راح وسلطانة يلي واخا كانت كتحس ب راسها بعيدة عليها إلا أنها كتبقا مها ..يلي توحمات وولداتها وتبغيها وتموت على تراب رجليها ...تنهدات وهي كتشوف فسلطان كيهدر ويضحك وتسول راسها أش علاقتها بيه..هي ماشي حمقة ولا هبيلة باش متحس بوالو وحركات سلطانة معاها كانو كافيين باش يخليوها تشك...فشنو علاقتها بهم ...وهي من دابا موجدة راسها لصدمة حيت عارفة مور كل نتيجة سبب ...ومانساوش فكرها فيه حتى هو ماغنقولش كتبغيه ...هي إيه قلبها برد من جيهتو حيت كان غير إعجاب وكانت وحدها فلقصر ونهار تخرج تخرج تطلاقاه ....نهار شافت سلطان عاد عرفات لحب لحقيقي لحب يلي واخا يدير يلي دار لك غتبقا تبغيه حيت سميتو حب ماشي باش ترضي راسها وتلقا يلي بغات وترمي يلي كرهات ...نهار بغات سلطان بغاتو بعنفو بقلبو لكبير يلي يبغي ومايرحم ....كيقولو لبغيتي تاني عرف راسك مكتبغيش لول ...وهاد شي يلي وقع لنجمة عرفات راسهابلي براهيم إنما غير ولف وإعجاب كان ومبقاش ...ويلي خايفا منو هي غير شي نهار تقول كلشي تقاد ويبان هو ويرجع يفسد كاع داك شي يلي بنات ..وعارفا حبل لكذوب قصير بزاف وقتما تجبد غيجي نهار غيتقطع فيه ويبان كلشي ....
داز داك نهار ووصل ليل ...دوزات نجمة ليلة تانية ليها مع سلطان ..ليلة جمعات بزاف ديال لأحاسيس ولمشاعير يلي ميمكنش للقلب يعبر عليهم ....
داز ليل وسالا وجا نهار يلي نجمة حتى فطرات مع سلطان عاد مشات لحرم لقات عبيدة بارك ومركن ومرة مرة يضور شعرو من جهة للجهة ..دخلات بركات وتركنات حداه مرة يضحكو مرة يتناكرو....
مدازش لوقت بزاف حتى دخلات عندهم لوصيفة ومعاها لخدم ..وقفات لوسط وحاطا يديها ورا ضهرها وهازا راسها لفوق بصوت غليض وصارم...
لوصيفة:ليوما كاملين غادي دخلو ...لمطبخ كل وحدة فكم غادير حاجة وتبين لينا حداكتها ..ليوما غطيبو لناس لقصر كاملين يلاه سربيو....
ناضت نجمة وهي كتنهد مابقا عندها جهد باش تهدر ولا تناقش زادت مع لبنات وعبيدة حداها ..دخلو لقاو كاع لخدم مستفين حدا لحيط وخاوين طريق ومنهم شامة باش يدخلو لبنات ...زادو دخلو لبنات ونجمة حتى هي عطاو كل وحدة أش دير ..وصلات عند نجمة وعطاوها لعجينة حتى بدات تغبن....
نجمة:هننن لا لا مابغيتش لعجينة عطيني شي حاجة أخرا عافاك...
لوصيفة:وعلى ليمتعرفي تعجني أش تعرفي ديري غالهدرة بلا فايدة....دوزي دوزي ديري لحريرة ولا حتى هيا متعرفيش ليها...
نجمة:نعرف نعرف ...اللهم هي بعدا يلي كتشبه لحريرتي ...
بدات دير فلحريرة وعبيدة حداها يقطع ويعاونها ...حتى شافت خنتة داخلا كتطبخ فزعتر ...شافتها نجمة وسولتها...
نجمة:أش جابك لهنا ولمن داك زعتر ...
خنتة:(قلبات عينيها)هاد لأميرة عذرا مسكينة مريضة شوية...
نجمة:(بإستهزاء)أهه مسكينة مايكون عندها باس...
خلاتها حتى مشات وبدات تهدر وتحرك فراسها :بنت لهم تكون خوات لحجاب كامل ..ليوما تخرج مسارنها إيوا يلي دارها بإيديه يفكها بسنيه....
كملات على شغلها ولخدم وطباخين واقفين حداهم يوريوهم هادي أه وهادي لا ..سلات وبركات هي وعبيدة حدى شامة يلي توحشاتها يهدرو ويعاود ويشدو فلخضر يلي حلف لبعد من شامة نهار ومطال لاصق فيها ...وهم يضحكو حتى تمو جايين لخدم يجريو شي يدخل وشي يخرج وكلمة وحدة يلي كاينة مولاي تسمم ...
دخلو لخدم يجمعو لعشوب يلي وصاتهم لحكيمة عليهم وهي غير شافتهم يجريو فهمات لبلان وعرفات عذرا غتكون عطات لحجاب كامل لسلطان ...تنهدات وزادت خرجات من تما غادا لجناحو ..غير وصلات منعوها دخل من غير لحكيمة وقفات فلباب تشوف وتحسر تقولو بحالا ماشي هي سبابو ..طالعا ليه سخانة يعني كترو ليه من لعشوب ..ولكين يلي مبردها هو أنها تقول لهما عشوب لكرش ولا سحور يطرش تخليه عمرو كامل كيف لهبيل...
رجعات لكشينة ..وبركات حدا عبيدة وشامة يلي كتسول أش كاين ...قالت ليه أش كاين وحطات يدها على خدها تنهد وضور فراسها...
نجمة:الله يا عبيبيس الله ...شحال كنتي تضرب ديال لعشوب عمرك هدرتي ولا تحنحنتي كنتي تنعس ليل بنهارو وهادا غير عشبة وحدة وطلعات ليه سخانة كون درت لكموسة كاملة كون دفنوه شحال هاد...(بدات تلعب بشعرها )احح وعلى تاجو ديالي حتى فمرضو قلبو هشيش يلي عطيتها ليه تكر فيها ...
شامة:(بإستغراب)أتي أش سايرة تكولي أهياناري تسطيتي ..وليتي غاتهترتي...
نجمة:لا لا والو غير كنهدر مع راسي ونقول أش وصل سلطان لهاد لحالة وأنا غاصباح خليتو صحة سلام...
شامة:اااه إيوا يكون مسكين كلا شي حاجة...
نجمة:داك شي ليكاين نيت...
#يتبع#
أنت تقرأ
جارية السلطان⚜️مكتملة⚜️
Romance💎مكتملة💎 ❌حصرية على الواتباد❌ 🌛قصة- رمضانية 🌛 ⚜️العنوان :جارية السلطان⚜️ 💎بقلم:ليلى روي (jë süis lä)💎 💎الكوفر من تصميم : #Ñöřhãņ Ñöřhãņ 🍃رجعو معايا بزمان..لزمان لحكمة ولحشمة ولحيا... زمان سلاطين ولملوك وجاريات غنعيشو حكاية جامعة فحضانها كل م...
