جارية السلطان
بقلمي ليلى روي
البارت9
نجمة:أويلي على جنية بسم الله الرحمان رحيم هنننن...
ناضت تبعاتها شامة كتغوت....شامة:لالة لالة فين هيا جنية....
نجمة:ونتي لفين هيا جنية..
شامة:وراه يلاه طلات عليا..كانت هازا قنديل ...
ضرباتها نجمة لراسها:هاديك غير أنا يالهبيلة..زيدي زيدي دخلي..خلعتيني..
دخلات نجمة وشامة لواحد لبيت ..وشامة سخفانة بركات...
نجمة:هاد لمرا سمحت لك والله لمرة جايا وتعاوديها ياحتى نسد عللك فلمتمورة...
شامة:ولله يا لالة مانعاود راه غير خفت و تخلعت...فين هوا داك شارف ياكما نعس...
نجمة:هيهاي على نعس كون مالعشوب كوراه مقرد حدايا بحال سحت ليل...
شامة:باز لك ألالة معاه كون غا خليناه و زدنا أرض الله كبيرة وواسعا ..جينا عندو فلول حيت يلاه جينا و ماعرفين يدينا من رجلينا إما دابا راه حنا نودره فأرضوا يلاه ألالة نهجرو و نخليوه هنا..
نجمة:(بدات تخمم و تفكر و تدورها فبالها حتى لين قدها تبقا معا شارف لهارف وهي لأميرة يلي كلشي كيدير ليها لحساب ولا شارف قد جدها يتحكم فيها...سكتات و سهات)
شامة:لالة وا لالة أش قلتي راه شي نهار غيقتلنا ومايجيب لينا حد لخبار راه غامسطي و عقلو سرطو شحال هادا....
نجمة:ولله ماعرفت كلامك كولو على حق أنا لأميرة نجمة ندفن راسي حدا شارف باش نعيش فأمان ولله لكانت ..أصلا مابقات لينا بركة هنايا حتى زغبي ديال عبيدة ماعرفت أش صاري به و هو غير هبيل....وكيما قلتي أرض الله واسعا يلاه نمشيو نيت...
شامة:خاصنا نمشيو قبل ماينوض ويحرمها علينا و مع ليوما حصلنا باينا غدا غيسد علينا....يلاه ألالة نشدو طريق دابا نيت...
نجمة:لا مايمكنش ليل دابا مزال حتى لغدا قبل من لفجر نشدو طريق لشي بلاصة أخرا...إيما هاد شارف موحال إيخلينا فخاطرنا..
شامة:إيه ألالة حتى هادي هدرا ...قبل من لفجر نزيدو واخا نقطعو غير على رجلينا حتى نلقاو شي دويرة ...ليتسترنا ومنها نيت نقلبو على عبيدة...
نجمة:إيوا نوضي من دابا يلاه نجمعو و إلا كاينا شي حاجا يلاه نهزوها لمن دهب ولا فضة و لا فلوس...
ناضت شامة و نجمة يجمعو فلحويج . .وأي حاجة غالية و صغيرة راه هزوها...ومشات نجمة عند شارف ريال يلي تلقاه تاخدو حتى خلاتو زاوي مايكساب مايعلام من بعد جراتو شامة وخشاتو فزريبة و حزمات ليه رجلو مع رجل تور ناويا تفدي دقتها ..وجمعات نجمة حزمة فيها شي حوايج و قفاطن دياولها....ودخلات لبيتها و بدات تاني تخمم و تفكر بحال كل ليلا تفكر فيه وتخمم عليه...وشكون من غيرو
"إبراهيم"(نغام)حبها لول ولخر من بعد ماكان إعجاب ولات تحماق عليه وخافت ليعرفها أميرة ويبعد و مايبغيش يهدر معاها....كل مرة تمشي لابسة بحال بنات لقبيلة غير باش مايخليهاش ....شحال بركو تحت شجرة ليمون هو يلحن و هي تنغم شحال عتارف ليها بحبو واخا قليل فين كانت كتشوفو إلا أن حبهم كان صادق حب زمان مكاين لا كدوب ولا مصلحة كاين غير كنبغيك يابنت ناس....بقات تخمم و تعاود وتخيل راسها تلاقاتو و تزوجو وولدو وعاشو بحال كاع ناس.. وليوما خدات قرار تخرج و تقلب عله تفك بعدا غير من عباس و تستقر فشي بلاصة و تبدا تقلب حتى ليه توصل..حتى عيات وداتها عينها و نعسات...
👑أصبحنا و أصبح المللك لله👑
فاقت نجمة قبل من لفجر ولقات شامة حتى هي فايقة..جمعو أش خصهم ولبسو لتامهم وخرجو من باب لقصبة و سدو ..غادين ويتسلتو ماباغين حد يهضرهم و لايشوفهم ...كان مزال ظلام ..زادو غادين دخلو معا ديور حتى خرجو فطبيعة ...وجهد ساعة وهما غادين حتى لقاو راسهم دايزين على لغابة ومع شمس يلاه كتطلع كتبان دنيا صفرة...زادت نجمة ومن وراها شامة...
نجمة:(تنهدات) الله على لجو ديال صباح شحال زين يهدي لمزاج و ريح نفس ماكاين لاعباس لاسيدي بوزكري...
شامة،: اللهيلا ألالة لجو زوين...أحح ورجلي.
بقاو غادين حتى دخلات حجرة فبلغت شامة وهبطات حيداتها ونجمة زادت سبقاتها....حتى كتحس نجمة بحجرة جاتها لراس...معا هزات عينيها فججرة يلي جات منها ..وهي تخرج عينيها وبدات تمتم راجعا بلور تخلط عليها كلشي لخلعة و لبكية وسخفة....
نجمة،:ششش شامة (غوتات)واشامة عتقي هنننن😭😭😱
🌹🌹فنضركم هاد لغوتا وشوفا أش غتكون شافت زعمان حدا شجرة 🌹🌹
أنت تقرأ
جارية السلطان⚜️مكتملة⚜️
Romance💎مكتملة💎 ❌حصرية على الواتباد❌ 🌛قصة- رمضانية 🌛 ⚜️العنوان :جارية السلطان⚜️ 💎بقلم:ليلى روي (jë süis lä)💎 💎الكوفر من تصميم : #Ñöřhãņ Ñöřhãņ 🍃رجعو معايا بزمان..لزمان لحكمة ولحشمة ولحيا... زمان سلاطين ولملوك وجاريات غنعيشو حكاية جامعة فحضانها كل م...
