جارية السلطان⚜️مكتملة⚜️

⚜️الجزء 46⚜️

جارية السلطان
بقلمي :ليلى روي
البارت :46
ناضت نجمة بشوية عليها وعبيدة واقفا حداها...حتى عطاتها شافية كموسة ديال دهب ووحدا ديال لفلوس شكراتها وصيفطات معاها خنتة ..باش توصلها لبرا...زادو خرجو لبرا..دازو من جوايه لقصر حتى وقفاتها نجمة ...

نجمة:صافي غير سيري أبنيتي أنا نكمل...

خنتة:لا ولكين...

قاطعاتها نجمة:ماكاين ما ولكين راه دويت....

حدرات خنتة راسها وتمات راجعا ..بقات نجمة واقفا حتى شافتها رجعات عاد هزات جلايلها وبدات ضور فعينيها هي وعبيدة راجعين خطاويهم بزربة لبيت لخزين...

دخلو وسدو لقاو ديك لمرا فايقا وكتشوف فيهم ...بدلو حوايجهم قدامها ومسحو وجههم وغسلو حالتهم حتى رجعو نقيين وحسن من قبل وسرحات نجمة شعرها وتقادات عاد حلات رباط لديك لمرة...

لمرة:(بدات كتمتصي فإيديها وكتشوف فنجمة )أش هاد شي درتي ياك قلت لك نعاونك ونويتي لغدر....

نجمة:بترجي...والله ماكنت ناويا نضربك راك شفتي تافقنا غير هاد لهبيلة يلي غلطات وضرباتك...

شافت فعبيدة يلي بدا كيتخشا مورا نجمة مخبي ..ورجعات شافت فنجمة..

لمراة:أييه ودابا شنو ..نخرج عندها ونقول ليها مشيتي بلاصتي ..وخديتي دهب ياك..

نجمة:(جبدات دهب ولفلوس يلي عطاتها وزادتها وحدة من عندها)هاكي ماخديت لك والو بلعكس وزدت حتى من عندي....وعتقتي موصيبة كانت غتوقع ومبرككتش بك لسلطان...

خدات داك دهب ولفلوس وهي عينيها خارجين منهم لقلوبة عمرها خدات هاد لفلوس كامل ..شافت فنجمة بإبتسامة...

لمرة:الله ياودي تشرفت بمعرفتك..ووقتما حتاجيتيني هاأنا هنا...ماشفت ماسمعت...

حلات ليها نجمة لباب ...الله يعرضك سلامة الالة..

خرجات لمرة وشافتها نجمة حتى تلاقات بداك لعبد يلي رجع خرجها من لباب ديال لقصر عاد تهنات ورتاحت ...دارت لقات عبيدة مقندش حداها وماد يدو...

نجمة:مالك حتى نتا أش خاصك....

عبيدة:فلوسي ودهبي راه ضربت معا تمارة...
نجمة:راه غنضرب موك مع شي حيط لممشيتيش ...

عبيدة:زادو غادين وكيهدرو..هنن مالك ديما حاكرا عليا...

نجمة:تحكر علك لفعة ماعندها عينين مايوصلوها يدين يالخطية...

زادو وهما غادين ويتناكرو ..دخل عبيدة لحرم وكملات نجمة طريقها لجناح سلطان ...ضقات وحل ليها لعبد لقات سلطان مع لوزير ديالو كيهدرو على لحرب لقريبة...زادت وبركات كتسناه يسالي حتى شافها وأدن ليه يمشي وخرج وسد لباب عاد زادت عندو معنقاه وحتى هو....

نجمة:توحشتك...

تاج دين:حتى أنا يا نحيلة ديالي....
نجمة:أنا بزااااف...

تاج دين:(بضحكة تقيلة حتى تسدو عينيه)هههه وراه حتى أنا...إيوا أش درتي ليوم...

نجمة:(هزات فيه راسها وبدات ضور فعينيها)والو غاكنت باركة وصافي...

تاج دين:امم مزيان ألالة....

زادو بزوج وبركو ..وهي تشوف فيه نجمة بعينين بحال لقطة...

نجمة:مولاي...

تاج دين:شنو...

نجمة:بغيت نطلبك طليبة ولابغيتي زعمان...

تاج دين:وماهيا....

نجمة:بغيتك تعطيني جناح ليا راسي بحال لأميرة عذرا وكاع يلي فلقصر...ياك كتقول أنا سلطانة قلبك وشنو مانستاهلش....

تاج دين :ههه تستاهلي وكتر ...جيبي ليا لولد وليبغيتيها تحضر ..نسكنك فجناحي ديك ساعة....

نجمة:(هزات عينيها بفرحة)نسكن هنا ؟معاك أمولاي ؟ولكين بإينا صفة..

تاج دين:(شافيها وفهمها وشد ليه فإيدها)بصيفتك مراتي وأم ولي لعهد سلطانة نجمة مرت سلطان تاج دين ...واليدين لأمير سيف دين نصر إنشاء الله...

نجمة:شكون سيف دين..

تاج دين:هه سبع يلي غتولديه ليا ...وغيهز بسميتي ويزيد بأرضنا ودولتنا لقدام...

نجمة:بدات تشوف فيه وتشوف لهفة ديالو للولد ...وكتسول...وإلا مجبتش لولد ..لولدت لبنت ...وتبعتها بنت..وإلا مولدتش بلمرة ..أش غيوقع ..سلطان غيقلب عليا وجهو وغيشوف جواري أخرين....وينساني كاع واش كينا...وشكون أنا باش نمنعو ولا نفرض عليه راسي ..هو سلطان تاج دين لمخيرة ديالو ..ويلي عندو مايشوفها غيرو واخا تكون غاشياطة ...يلي شافها عندو فيها نص ....بقات ساهية وتفكر حتى فيقها من سهوتها...

تاج دين:فينك فين غبرتي....

نجمة:أ لا والو (تنهدات)كنقول مع راسي لجبت لك لبنت أمولاي وماشي لولد واش غتخليني....

تاج دين :(ضربها لراسها )واش نتي هبيلة فين عمرك شفتي شي حد كيفرط فكبدتو وطرف منو ..نتي راك مني وفيا..ولبنت كيما قلت لك واخا يولي فعمري خمسين غنبقا نحفر على لولد حتى يجي ...مايجي فين يسالي لعام تولدي ليا تاني هههه...

نجمة:ههه واخا الله يطول لينا اعمرك أمولاي وتشوف ولاد حفايدك..

تاج دين: إنشاء الله ....وهما كيهدرو مع شوية لبسالة بوسة من لهنا وتعنيقة من لهنا ..حتى تحل لباب وجا لعبد جايب أتاي حطو لسلطان يلي نجمة غير شافت أتاي خرجات عينيها وتفكرات لحجاب يلي عطات لعذرا .....

نجمة:(فخاطرها)ويلي على بنت لهم ..عرفاتني جيت عندو وناويا تزرب عليه ...يزربو فموتك يابنت لحرام )

           # يتبع#