جارية السلطان⚜️مكتملة⚜️

⚜️الجزء 40⚜️

جارية السلطان
بقلمي:ليلى روي
البارت:40

بدات كتجمع فعينيها باش تنوض ..عاد حلاتهم بشوية ضارب فيها شعا ..بدات كضور فعينيها ومجرد ماعقلات وتفكرات لبارح بدات ضحك غابوحدها ..طلات على راسها لقات كلها عريانة ..قادات عليها ليزار مضوراه عليها وبدات كتمشى بشوية واخا كتحس بحريق ولكين غير شوية..مالقاتوش فجناح ..بدات ضور وهي باقا بداك ليزار وكضحك..حتى تحل جناح وتم داخل منو ..لابس جابادور فلكحل مع سلهام ديالها ..داخل كيضحك غير شافها زاد عندها ..وضور يديه عليها معنقها وباسها فجبهتها...

تاج دين :كيصبحات لقطيطة ديالي...
نجمة:امم ..مزيانة ونت..

تاج دين:(هز راسو لفوق كيضحك)هههه مالني أنا..

نجمة:(بدات ضور فعينيها)زعمان كيصبحتي ..واش باقي كضرك بزاف حيت أنا غاشوية..

تاج دبن:هههه لا لا نتي بزاف والله ..يالهبيلة أنا راه مكيضرني والو بلعكس عاد تقاديت ههه حمقة..

نجمة:ويلي...وأنا ماعارفاش...

تاج دين:إيوا دابا عرفتي..تبغي شي حاجة..

نجمة:لا..ا أه بغيتهم أمولاي يكلمو ليا ..شامة و لباتول..شامة راك كتعرفها..و ولباتول راها من لجواري أمولاي وصاحبتي...

تاج دين:واخا ألالة يالله غاكوني على خاطرك ..وديري عقلك...

حركات ليه راسها بلإيجاب وعلمهم باش يكلمو شامة ولباتول ..برك هو وياها يهدرو ويضحك مادازش بزاف ديال لوقت حتى جاو..ناض سلطان خرج وخلاها معاهم ..يلي غير شافتها شامة تلاحت عليها تعنق وتعاود...

شامة:ويلي ويلي وعلا ناس يالالة ..ولا يصبحو وهما غير نص عام باش بلغو...

نجمة:وعلى مالني مامنحقيش مادايزاش فيا..

لباتول:(كيطلع وينزل فيها)لا لا واهوا بهاد لحالة دايزا فك حتى دبيحة..

نجمة:ياك أسيدي واخا وعقل وقيد..

شامة:صافي سكتوني تجمعتو تاني...زيدي نتيا بعدا دوشي راه مولاي شوية ويرجع...

ناضت نجمة وشامة داخلين لحمام سلطان ..ولباتول تابعاهم حتى ضارت فيه شامة عاد خرج وبقا كيتسنا لداخل...
غسلات ليها شعرها ..وفركات ليها لحمها من راسها حتى لرجليها ..ولبساتها فوطا عاد خرجاتها لقات نيت لباتول ضور ضور وتوقف فبلاصتها كي لهبيلة...

شامة:باز لك والله واش ماكادوخش ..فحالا فك لفارة ياخويا...

لباتول:لفارة هي يلي فديك بنت عمي ....ناس محزمين بصحابات وأنا محزم بخلا ضار بويا...

نجمة:وعلى مالني أخوي ياكما شادا لك لبزولة ومافخباريش..

لباتول:وعلاش دخلتو وسديتو عليكم ماخليتونيش ندخل..

صاطت نجمة بجهد ودازت بركات لهيا لشامة حيت لجاوبوه غير غيندموه..جبدات شامة حويج جداد لنجمة..من بعد مالبساتها غير قميص وبدات تقاد ليها ولباتول كتنشف ليها شعرها وهما كيغنيو...

شامة:واهيا لبنات علمو كاع لعزبات...ليوما لالة نجمة صباحها فيد سلطان...

لباتول:واهيا لبنات وعلمو كاع لعزبات....

شامة:ويلا يالعزبات ...جيبو زغراتات ..وعلمو لبنات..لالة نجمة راهيا جات ..

لباتول:والباتول يالوردة وعليك يطيح ندا...ياعبيدة يا قطيب لوز خليوه يدوز...

شامة:أتى مالك صاط لك لبرد فمخك تاني...لاحولة والله شي نهار غتسطيوني ماولدت ماتوجعت ومنين تصلطو عليا الله وعلم...أجي انجمة بعدا ياكما باقا مقصحة..

نجمة:(بدات تبوحط)احححح وأش غنقول لك ..كنموت كنموت...

لباتول:(كيعيبها)كنموت كنموت...واتي نوضي مالو  قتلك ...

نجمة:وانت مالك راه ماشي نت يلي دخل فك داك شي قدو قداش...كان قد هاكا (بدات تعبر بإيديها وترجع توسعهم)لا لا قد هاكا...

لباتول:إيوا هو مولاي عندو زرواطة...قد لعزافة لا شوفي وكان...

نجمة:كطنز عليا دابا ياك...راه ماشي نت يلي دخلتي عروسة ودخل فك داكشي...

لباتول:(تنهدات وبدات تلعب بشعرها ساهية)اااه وشكون كره مصاب حتى أنا ندخل عروسة عند مولاي ..ونشوف ديك شوفة وديك ضحكة...

نجمة:(خرجات عينيها وبدات تقلب باش غضرب)شنو أويلي وحدي...واسير بغيت لك ضربة ..واش نتى دكر .ولا نتوا أدوي يالفليلو..شامة شديه عليا راه ليوما جنوني نحطهم فيه....

شامة:لاحولة ...قهرتوني لوليت نضرب بلحجر راه غابسبابكم ..ونت ياعبيدة الله يكسر لك لسانك بين سنانك حتى تولي غاتوت كي لحلوف...

هز كتافو..لباتول:ومالني أنا راه غضحكت ونتوما تيقو دغيان...

شامة:وايه وايه..أجي أنجمة بعدا (هزات واحد لمجمر كانت جايباه معاها وهزات كموسة فيها لخزامة ولخرا ديال شيح ولخرا فيها لورد ...)زيدي هزي حويجك وفرقي رجليك باش تسخني ...وتصفاي ..وماتشدش فك لبرودية وتبقاي مجموعة زيدي...

وقفات نجمة هازا لقفطان فإيديها ومفرقا رجليها وبدات تهدر وهي كتحسب بصبعانها...
نجمة:هاويلي وحتى هادا غيتخشا...لحكيمة تخشي ..لوصيفة تخشي...مولاي يخشي..ودابا بقا غالمجمر حتى هوا..

شامة:ألا يالهبيلة راه غاتبخيرة هادي وتسخنك زيدي...

لباتول:(بدا يطل عليهم ويهدر معاهم)شامة خلي ليا شوية تبخيرة حتى أنا فيا لبرودة وبغيت نتجمع...لابغيتو زعمان..

شامة:والله يجمعك على ربعة يالموصيبة جمع غافمك أش فك مايتجمع غاقول عندك تقبة وحدة وتاكلك من صباح أهيا ناري كنس كيف داير ..

                #يتبع#