لجل عين اهد ديار

1

"فبيت ابو هذال "

ابو هذال بعصبية و هو يدق باب المقلط : قم انت وياه قامت قيامتكم قومو
فز هذال و عبدالرحمن و ذياب و ناصر
ابو هذال : اعجل انت وياه والله لو ما اشوفكم قدامي خلال خمس دقائق اني لا اذبحكم
طلعو ورا بعض للحمام و المضارب من يدخل الاول وكان ذياب واقف وراهم
ذياب : فكونا من عند هالفجر لا افجر فيكم بس خلاص كل واحد يروح غرفته و يخلص مافي وقت
هذال وهو يتمغط : اخخخ يلا يلا
عبدالرحمن : صادق والله ومشى متجه لغرفته
ناصر : يلا يلا قبل لا ننطبخ بدل الذبايح اليوم
و مشى ذياب و ناصر و هذال كل واحد لغرفته ( كل من العيال عنده غرفته الخاصة لكن هم كذا يحبون ينامون جنب بعض في المقلط )
كل واحد تروش على السريع و خلص و من حسن حظهم خلصو بسرعة و لحقو على ابوهم و مشو للمسجد وقابلو عمهم ابو ضاري و عياله
ابو هذال و عياله : سلام عليكم
وردو ابو ضاري وعياله : و عليكم السلام
و تقدمو هذال و ذياب و ناصر و عبدالرحمن يبوسون راس عمهم و بالمثل عيال ابو ضاري لعمهم على وصول عمهم بو متعب و تقدمو يسلمون عليه و على عياله و دخلو جميع لصلاة الفجر

رجعو من الصلاة
ابو هذال : يلا يا مرة وين الفطور
ام هذال : هذا هو يلا جايبينه
طلعت جميلة من المطبخ وهي شايله الصينية : هذا هو يبه
وجت ميرة تفرش الفرش و تساعد جميلة و جت مهرة و حطت الحليب على طرف المفرش ونقزت تحضن هذال
هذال فز بخرشة وهو كان فيه نوم : بسم الله خيييرررر شفيتس
مهرة وهي ما زالت حاضنته هذال : تكفى هذال طلبتك
ذياب و هو يجلس على السفرة مع الكل الي بدا فالاكل : شفيتس يا بنت خليه يفطر اول بعدها اطلبي و تمني الي تبين
هذال حاوطها : لبيه يروح اخوتس امريني
مهرة : ما يامر عليك ظالم بس اذا فضيت بعدين طلعنا معك للاسطبل من زمان ما طلعنا منها نغير شوي جو و منها اجوف رعد ابغا اشوفه من زمان ما شفته
هذال ابتسم و اشر على خشمه : على خشمني كم مهرة عندنا نحن
مهرة بمزح : صح ثنتين للاسف ( و اشرت على توامها ميرة) بس اسم مهرة واحد
الكل ضحك على ردة فعل ميرة الي وقفت و تخصرت و ركضت مهرة و حضنتها وباستها على خدها عشان ما تزعل
ابو هذال ابتسم رغم شدته بس فيه حنية على عياله : يلا يلا خلصتو كملو فطور و انتي يام السان اجلسي و كلي فطورتس
مهرة بابتسامة : ان شاء الله يبه
وكملو فطورهم وقامو من السفرة و لموها البنات
ابو هذال : يلا يا عيال محد فتح المحل للان و قامو ذياب و عبدالرحمن و هذال وناصر معهم
ابو هذال : ناصر خلك بتروح معي نشوف الحلال فالعزبة
ناصر رجع : ابشر يبه
شغل ناصر السيارة و طلعله ابوه يتوجهون لعزبتهم الي ما كانت بعيدة عن الديرة و الباقين راحو يفتحون المحل و يترزقون

. . . فبيت ابو ضاري . . .

كانو مجتمعين يفطرون و طلع ضاري مسرع و هو توه متوظف فشركة مهندس في تخصص الهندسة المعمارية : صبحهم بالخير و مع السلامة
ام ضاري : تعال يمه تعال افطر وين رايح
ضاري : يمه يمه متاخر باكل فالدوام ان شاء الله لا تحاتين
ريوف وهي تلفله صمونه : خذ امسك و كلها فالطريق لا تطلع وانت ما كلت شي
ابتسم ضاري لريوف و حب راسها : الله لا يحرمني منتس
ابتسمت ريوف جا بيطلع لف على وهج تناديه : ضاري ضاري امسك هذا كرك عشان تصح صح فيه فالطريق
وقفت تنتظر يحب راسها شي وهو فهمها و كتم ضحكته وقال وهو يلف : زين زين يلا يمه يبه مع السلامة
و وهج مصدومة : ايييي انت يا حمار جزاتي جايبتلك الكرك و حالتي حاله عشان تسحب عليي اتبوس راس ريوف وانا لا مابغا شي منك ولا تكلمني و لا تجي صوبي حتى فاهم الشرهة عليي الي اعطيك وجه و تكتفت بحزن و ركضت لغرفتها
انفجرو الكل يضحك عليها
عبدالرحمن : ماعليه ماعليه تبشر بالرضاوة وهوجتي يلا والله متاخر
وكانت وهج تطل من شباك المطبخ تنتظره يجي يراضيها لكنه خاب املها وشافته يطلع حزت فخاطرها لكن كملت يومها عادي و طلعو هايف و نايف بعد ما افطرو للمحل : يلا يمه استودعناس الله . . مع السلامة
ام ضاري : مع السلامة يا عيالي مع السلامة