لجل عين اهد ديار

3

ميرة تهاوش : هذال وجع عورتني
مهرة واقفة مصدومة وعينها بعين هايف و هايف قلبه عوره من جمالها و جسمها المرسوم الي سمح له الفستان يشوف تفاصيله
و ميرة الي بعد ما هاوشت استوعبت ان نايف الي قدامها مو هذال تصنمت للحظة و نايف يناظرها منصدم من الجمال الي جدامه كانت جميلة جميلة يناظرها باعجاب
مرت لحظة صمت الا فجاء يستوعبون مهرة وميرة انهم قدامهم بكامل زينتهم و ما يسترهم شي و صرخو و انلخمو هايف و نايف و صدو بسرعة و هجو مهرة و ميرة بسرعة و قلوبهم ادق و هايف و نايف متنحين من الجمال الي شافوه داخل مسحو وجيهم و طالعو فبعض وضحكو ضحك و هايف و هو ميت ضحك : يويل قلبي بس
نايف و هو يدمع : ياربي الطف بقلبي يارب

وبعدها صوتو : يا وهج وهج وينتس
طلعت وهج لهم بكامل زينتها كانت لابسة فستان احمر دموي ماسك على جسمها وشعرها نصه مرفوع ذيل فرس من فوق و من تحت ويفي وميكب حد ملامحها كانت ملفتة جميلة تشلع قلب الي يشوفها
هايف : الله الله على اختي شهالزين
نايف : بسم الله عليتس حصني نفستس وانا اخوتس
وهج بخجل : احم احم تسلمون والله فديتكم المهم اشبغيتو تراني مشغولة وجلست تلعب بشعرها
هايف بطرف عين : خفي علينا يالمشغولة المهم خذي هالبرادات وهاذي الاغراض  سويلنا طريق نبغا نبدل
وهج و هي تلف : تمام لحظة
ناظرت وهج الصالة ماكان فيها احد و دخلتهم غرفة من غرف العيال و جابت اثوابهم و هايف و نايف دخلو تروشو و بدلو و جابتلهم المبخر و تبخرو و طلعو من ورا وكل واحد فيهم قلبه نساه فبيت عمه

ميرة و مهرة دخلو غرفتهم و هم يرجفون من توتر و الخوف لو حد شافهم وش ممكن يصير والله لينحرونهم و في جزء منهم كان معجب قلبهم يدق بسرعة
ميرة وهي تهوي نفسها : اخخخخح يارب شصار
مهرة و هي تحاول تستوعب : مدري والله مدري
بعد فترة دقايق هدو اثنينهم
مهرة : والله طلع هايف مزيون يابنت
ميرة وهي تتذكر نايف : يويل قلبي ويلاه شقول عن نايف و الجمال ماشاءالله بس
وضحكو على نفسهم و طلعو و من هنا نقدر انقول ابتدا العرس بوصول الطقاقة و انزفو العرسان و انتهت اجمل ليلة بعد رقص و سوالف و حش و وناسة الكل رجعو لبيوتهم و استكنو بتعب ينتظرون غدا المعاريس من بكره

— اليوم الثاني الصباح  —

في بيت ابو هذال الكل كان مجتمع يشتغلون للغدا الكبير بعد كرف و ترتيب خلصو على الساعة ١١ و صلو العرسان و تغدو وخلصو

-في المقلط -
كان كاسر يصب القهوة بعد ما مرر نايف التمر على عمانه و عيال عمه وبين سوالف و ضحك و مزح الشباب على الشياب و مضاربات دخل عليه ابو عمار : السلام عليكم
الكل فز له : وعليكم السلام ورحمة الله و بركاته

—————————————————————————

ابو عمار : عمره 50 رجال اشتغل فتجارة و كون له ثروة و تحول من الديرة من سنين طويلة لكنه بين فترة و فترة يزورهم رجال واعي و مثقف و له منصبه العالي الي يزيده فخامة و عزة