لجل عين اهد ديار

44

فاتنة و هي تغسل و أكلت عقلها الأفكار لفت على سحر : تتوقعين جدتس ناوية على وش ؟؟ والله نظراتها تخوف
سحر بقلق : تكفين متوترة ماعرف
فاتنة: تضنين نرجع لابوي و امي ؟؟
سحر ضحكت بسخرية : تتوقعين جدتس بتخلينا نرجع ؟؟ بعد ما أخذتنا غصب بأبشع طريقة ؟!
فاتنة تأففت : خلاص أنا خلصت
سحر : وانا بعد امشي نشوف وش السالفة
مشو بهدوء و هم يدعون فداخلهم ان يكون خير و جلسو قدامها بتوتر ولا انطقو بكلمة
الجدة بعد صمت مال لدقايق : اسمعوني انتو الثنتين
رفعو سحر و فاتنة نظرهم لها بتوتر و استغراب من اسلوبها
الجدة : اليوم بتبدون فشغلكم الاول
سحر باستغراب : شغل وش ؟؟
الجدة : الساعة ثلاث الفجر تطلعين انتي وياها ، بعطيكم ثلاث اكياس بألوان مختلفة ، كيس صغير اسود تدفنونه قدام باب بيت ثنيان ، كيف ازرق تحت غرفة عبدالرحمن ولد ثنيان ، وكيس ابيض قدام بيت احمد ، و يويلكم ان حس احد عليكم سامعين ؟! تخلصون بسرعة و ترجعون فاهمين ؟!!!!!
فاتنة بتوتر و خوف : وشفيها ذي الأكياس ؟؟
الجدة بهدوء وكأنه شي عادي : سحر ، لا توجعون راسي وكونو جاهزين
قامت بتدخل غرفتها إلا ان سحر تشجعت و عيونها تغورق بخوف و قهر : لا ماراح ندفن شي
الجدة لفت بعصبية الارض : وش ؟؟؟ ماسمع يا بزرة وش تقولين ؟؟
فاتنة أطرت انها تتشجع عشان اختها ما تنضر : الي سمعتيه نحنا ما راح ندفن شي
سحر بقهر الدنيا : جبتينا معتس غصب ، حرمتينا من ابوي و امي ، خليتينا جواسيس فذي الديرة لتس ، لكن انتس تضرين غيرتس عن طريقنا و نحن ندفن السحر بعد كانه تقولين ندفن حصا عادي !! ترا حرام يجده والله حرام الي تسوينه فينا
تقدمت الجدة و هي تدق بعكازها على الارض و عيونها من العصبية شوي و تطلع شرار مسكت سحر من فكها بقوة غريبة عليها لدرجة ان سحر حست ان فكها انكسر من الالم و قالت بصوت مرعب و اكنه شخص آخر الي يتكلم مو هي : انتي كيف تتجراين توقفين قدامي يا بنت الكلاب ها !!!!!!
فاتنة فزت بصدمة وغضب : امي و ابوي محشومين تسمعين ماهم كلاب
لفت الجدة و عيونها قلبت احمر : أنا أوريتس انتي و هي رمت عكازها ومسكت فاتنة من شعرها و سحر من فكها الي ما تركته سحبتهم لغرفة كانت فطرف الحوش و ماقد دخلوها فاتنة و سحر ابد وهم يصارخون من الالم و يبكون يترجونها تفكهم فتحت الجدة الباب و رمتهم داخل الغرفة دخلت و سكرت الباب وراها
كانو فاتنة و سحر متكورين على نفسهم جنب بعض بخوف و ارتجاف وهم يذكرون ايات فداخلهم تحفظهم تقدمت الجدة بغضب الارض مسكت عصا كانت طايحة على الارض وفتحت لمبة وحدة بس وقالت جملة وحدة بصوت عميق ومُخيف : تحملو نتايج أفعالكم
تقدمت تسحب سحر الي تمسكت بفاتنة الي مسكتها تحضنها بقوة تحاول تحمي اختها لكن سحبت زينب كانت اقوى وكانّه عشر رجال الي يسحبون مو هي ، رمتها بقوة للجهة الثانية و اخذت سلسلة و ربطت فيها فاتنة الي تصارخ عليها : تكفين لا تكفين لا تأذين اختي سوي الي تبغينه فيني بس لا تاذينها
ضحكت الجدة بسخرية : دام ما تبغيني اذيها شوفي بعيتس وش راح اسوي فيها
تقدمت و هي تجلد سحر الي كانت تصرخ مع كل جلدة و الجدة تعد الجلدات و فاتنة تصرخ عليها توقف جلد و هي تبكي و تترجاها
اما الجدة مطنشة و كل ما زاد بكامهم تستانس لما وصلت ستين جلدة و طاحت سحر مغمى عليها من الالم و البكي و الصراخ ماعداها تتحمل
أما فاتنة من شافت جسم أختها يطيح على الارض صرخت بكل قوتها : سحححرررررررر
لفت الجدة على فاتنة : جا دورتس يا كلبة
لفت فاتنة بقوة وغضب : والله مارح أخليتس والله لآخذ حق اختي من عيونتس يلي ما تخافين الله
تقدمت الجدة بغضب و هي تضربها بقوة رجال ضخم فكل جسمها من وجها لبطنها لرجلها الين ما علمت بكدمات و كحت فاتنة دم و طاحت على الارض وطلعت وقفلت الباب وراها اما فاتنة تحاول تاخذ نفس و هي تبكي و قالت بصوت متذبذب : يـ.يا..ـر.ب
و سكرت عيونها بتعب و الم و هي تحاول تهدا ولكن ونينها من الالم يطلع لا إرادي تحس بكل مكان بجسدها ينبض