لجل عين اهد ديار

43

وهج : يلا يلا يكفينا حش فخلق الله خلونا نحرق خصرنا يلا
صفرو مهرة و ميرة و ضحكت وهج فتحت درج الدولاب الي تحت و طلعت اوشحت الرقص الشرقي و طلعة ثلاثة الي عندها : شوفو انا عندي بس ثلاثة و قد جابتلي اياهم الجوهرة
ضحكت الجوهرة : يييييي يقدمي
ضحكت وهج و طلعت سماعتها و شبكت بجوالها : يلا يلا انتي وهي حطولنا اغنية وترا الكل بيرقص و بيتعلم ماعندا ريوف لان ما نبغاتس تربين علينا و تخربين ام ام الجمعة
رمت ريوف هليها المخدة و هي تشتم وهج الي انهارت تضحك
الجوهرة و هي تدور اغنية : بس لقيتها يلا يلا
ربطت وهج الوشاح على خصرها بدات الغنية و بدات وهج تحرك يدينها و خصرها على الدقة و وهج الي كانت تعشق شي اسمه رقص و من حبها للرقص تتقنه بكل احترافية :
أشربت حجرين هالشيشة .... معتوتو و السبع و ويشا
يانى يانى يانى ... مش هعمل كده تاني
هوبا هوبا هوبا ....
أشربت حجرين هالشيشة .... معتوتو و السبع و ويشا
وخدني جعران و الكابتن ... وروحنا عن عماد فيشا
صفرت ميرة : عاشت بنت احمد يلا العبي
ضحكو الكل منهم و بدات وهج تهز على دقة يمين و يسار و البنات منبهرين قامت ميرة و سحبت وشاح و ربطته على خصرها و بدات تهز يمين و يسار وهي تحرك أكتافها صح كانت تعرف شوي بعض الحركات و بدات تقلد وهج بإتقان و احتراف
ضحكت مهرة : يخرب بيتس اختس طلعت تعرف ترقص وانا آخر من يعلم
جميلة و ريوف وغلا ضحكو على تعليق مهرة و كملو تصفيق للبنات
~ عند العيال ~
سمعو صوت الاغنية ضحك هايف : ايوه أشربت حجرين عالشيشة اجل
ضحكو العيال الباقين من فهمو انه قصده بدت فقرة الرقص عندهم
ضاري بضحك : يا كلب مالك دخل و تعالو يلا نلعب
طلع ضاري البلوت و جلسو حوالين بعض يلعبون و سوالف و الضحك مأكل الجو
~ بيت بوهذال ~
دخل بوهذال البيت وجلس فالصالة و جلست معاه ام هذال بعد ما نزلت عبايتها و جلسو حولهم العيال
هذال : كيف شغلك الحين ؟
ذياب : والله تمام كان اليوم عندي شغل وكذا و ان شاء الله بكرة بوقع شراكة مع شركة كبيرة اسمها **** معروفة و اليوم كان عندنا اجتماع بذا الخصوص و عينة محامي عندي يشوفلي الموضوع من الناحية القانونية و كذا و انشاء الله بكرة يصير خير
ناصر ابتسم : يلا ان شاء الله انها بداية خير و معليك من مكتب بتتحول لشركة بس مسالة وقت و انت قدها ان شاء الله
الكل : ان شاء الله
هذال ربت على كتفه بابتسامة : قدها و قدود و ننتظر عزومة الشركة ها
ضحك ذياب : والله ان تبشر على هالخشم
هذال ضحك : عليه الشحم
لف هذال على عبدالرحمن الهادي و مو من عوايده عقد حاجبه : عبدالرحمن
مارد عبدالرحمن الي كان شارد
كلهم لفو عليه و استغربو وعلا صوته هذال : عبدالرحمن!!!
مارد عبدالرحمن الي كان غارق فهواجيسه و خوفه على ريوف الي ماهو قادر يخففه فز على ضربة ابوه و هو يقول : علامك ؟؟
عبدالرحمن تنحنح : لا يبه مافيني شي
هذال : وش مافيك شي و نحن نناديك من الصبح ولا ترد
عبدالرحمن بهدوء : مافيني شي انا بقوم شوي أريح للصلاة
قام و راح غرفته و سكر الباب جلس و هو ماسك راسه خايف من الأفكار الي تجي بباله ولا وده انه يصدقها تقدم يدخل الحمام و يتوضأ طلع و فرش سجادته و صلاة ركعتين بخشوع و هو يدعي ربه انه ما يحصل لريوف ولا لولده شي سلم وجلس دقايق مكانه يدعي و يستغفر خلص و انسدح على السرير لف وشاف مكان ريوف الفاضي تنهد و انسدح مكانها و حضن مخدتها و الهواجيس تاكله لحد مانام
لف بو هذال باستغراب : وش فيه ذا ؟؟
هذال : مدري ماهو من عوايده يكون ساكن دومه يتحرك و يضحك و يسولف اليوم ماله حس
ام هذال : هو خايف على مرته بس
لف بو هذال باستغراب : فيها شي ؟؟؟
ام هذال تنهدت : قالتي ام ضاري ان الفجر صارلها نزيف بسيط و اطرو يودونها المستشفى بسرعة وكأنو خايفين يكون الجنين مات او فيه مشكلة لكن الحمدالله ماحصل شي ولكن الدكتورة أكدت ان ريوف لازم ترتاح ولا تتحرك ويمكن حملها يكون شوي صعب دام فيه نزيف و من درا عبدالرحمن انخرش و دخل بسرعة لعند ريوف و بعدها طلع شفته كان منصفق و الخوف مأكله و اكيد انه خايف يفقد ولده او يصيب شي مرته ، النزيف ماهو هين لكن الله يهون عليها يتمم على خير
الكل دعاء ان الله يحفظ ريوف و ولدها وتقوم بسلامة وشوي شوي بدات الجلسة تتفكفك دخل هذال و هو ينسدح ففراشه و حط يده على عيونه وطيف محبوبته يمر قدامه وكل ما يتخيلها يبتسم لا إرادي شوي شوي لحد ما غفى من تعب الأحداث ذي كلها
دخلو ذياب و ناصر المقلط و هم يسولفون و لفو على هذال النايم سكتو على طول و لف ناصر : انا والله مافيني نوم بروح المحل عشان ابوي ما يفجر فينا بروحه العامل ذا فاقع مرارت ابوي
ضحك ذياب بخفة: طيب طيب اسبقني وانا لاحقك
ناصر : يلا تمام
طلع ناصر من البيت متوجه للمحل اما ذياب دخل و سكر الستاير و المروحة و فتح المكيف و طلع و سكر الباب راح لغرفته بدل ثوبه و طلع للمحل مر القهوة :السلام عليكم
وائل ابتسم : وعليكم السلام و رحمه وينك انت مختفي لا تمرنا ولا حتى خوانك من مده مالكم حس ، عسى ماشر ؟؟؟
ضحك ذياب : ماشر ياخوك لكن تعرف الحياة و اشغالها لهينا مع الأهل شوي و رحنا كمن يوم العزبة نغير جو و رجعنا و عاد الحين بننكرف بشغل المحل
ضحك وائل : الله يعينكم ياشيخ ، ها قهوة ؟ ولا شاهي ؟
ذياب : لا شاهي نعناع عطني كاستين
وائل : ابشر ثواني بس
ذياب وهو يلعب بمسبحته : خذ راحتك يا حبيبي
وبعد ثواني رجع وائل بالشاهي و حاسبه ذياب اخذ الشاهي وطلع للمحل
دخل و هو يشوف ناصر يكلم العامل بحدة شوي
ذياب باستغراب : وشفيك ؟؟؟
ناصر لف عليه و هو قدامه الدفتر : وشفيني يا ذياب وشفيني ؟؟ مافيني شي بس الاخ حب يستوي كريم وبايع قطع الذهب بنص السعر و اقل بعد ولا الان الذهب مرتفع بعد
توسعت عيون ذياب بعصبية  : محمد وش ذا تستهبل انت ؟؟ على كيف من انت تبيع و تسعر على كيفك ؟؟؟
محمد كان رايق مع ناصر ومطنشنه لكنه يهاب ذياب و يخاف منه بلع ريقه بخوف : بابا أنا مافـ......
ذياب بعصبية الارض : انت وش ؟؟؟ ها ؟؟؟؟ هذي ماهي اول مرة تسويها لكن أنا أوريك ، ناصر جيب الدفتر أشوفه
هنا مات محمد و هو الود وده يشرد وبدا يشوف الحسابات و يحسب و يتناقش ويا ناصر كيف بيحلون هالبلوة لان الخساير الي يشوفونها كبيرة
~ عند البنات~
وهج وقفت ولفت للي جالسات : يلا انتي وهي وش تنتظرون ؟؟؟ يلا غلا مهرة جوهرة جميلة يلا
غلا و جميلة : لا
وهج تخصرت : لا والله أنا اخذ رأيكم يعني الحين ؟؟ أنا امركم يلا
الجوهرة قامت : أقولتس خلهم عنتس يلا علميني بس ها حطي اغنية من اغاني نانسي عجرم
وهج : تم يلا
سحبت الجوهرة الوشاح و ربطته على خصرها ولفت عليها وهج : جاهزة ؟
الجوهرة : جاهزة يلا
شغلت وهج الاغنية و وقفت قدام الجوهرة : سوي مثلي
وبدا الاغنية :
تعال يا يا يا .... تعال يا شقاوة يصغير
تعالى يا يا يا ... يحلو يلي ماشي متحير
كده ريده في ندا بقيت تهوى .... تعلالي ياغالي ماليش دعوة
وبدات وهج تميل خصرها و تعد عشان الجوهرة تسوي مثلها وفعلا بدات الجوهرة تقلدها ولكن ما كانت تضبط الحركات من الضحك و البنات يضحكون عليها و وهج مبتسمة اصفقتها : بس يلا
الجوهرة : طيب طيب بس شوي شوي
وهج : يلا طيب سوي كذا مع العد
وبدات شوي شوي الجوهرة تضبط الحركة
وكملت على الاغنية الثانية :
مافيش حاجة تيجي كده ... انته حبيبي كده وارجع زي زمان
يبني سمعني هدلعني .... تاخذ عيني كمان
وهج وهي تصفق : يلا يا بنات
وقامت معهم مهرة بعد ما تشجعت و بدات تتمايل معهم :
حبيبي اقرب بص وبص بص .. زعلان ازعل زعل نص نص
لاحسن هبعد ابعد اه ونص .. وهتبقى انت اكيد خسران
كملو البنات مندمجين فالرقص و بين اغنية و اغنية دخلت عليهم ام ضاري و هي مبتسمة و مبسوطة بلمتهم لفو عليها و قصرت وهج على صوت الأغاني
ام ضاري ضحكت : ماشاءالله قلبتيها وهج حصة رقص للبنات
انحرجو البنات اما وهج ضحكت : عادي عادي يمه شورانا نعلمهم شوي كم حركة
ضحكت ام ضاري : زين زين .. وش تبغون تعشون ؟؟
الجوهرة : لا يعمة حنا بنسوي لنا العشاء
وهج : اي يمه نحن كلنا بنروح المطبخ ونسويلنا بس يمه تكفين قولي للمهبل الي فالمجلس لا يدرعمون علينا
ضحكت ام ضاري : لا تحاتين المهبل بيروحون للقهوى بيجتمعون العيال كلهم اهناك قبل لا يرجع متعب بعد
ميرة ضحكت : عشتو شفتو الغيرة كيف
مهرة بضحكة : اييي
اما الباقيات و ام ضاري ضحكو
ام ضاري : خذو راحتكم يبنات
البنات : ابشري ، ان شاء الله
طلعت ام ضاري و تنهدت وجلست وهج : حمدالله بيفارقونا
ميرة وهي تفك الوشاح : اي والله احسن شي
ريوف وهي تسمع الأذان : طيب يلا خلنا نقوم نتجهز للصلاة
البنات : طيب
وقامو البنات ولفو على وهج الي قالت : اسمعو
غلا : وش ؟
وهج ابتسمت و طلعت بجايم طقم من الدولاب : يلا كل وحدة تاخذ لها بجامة و تلبسها و ريوف ذي لك خذت لك وحدة اكبر عسان كلوستس
وهي تمسح على بطنها لكنها فزت من كفت ريوف لها ضحكت و عطت كل وحدة بجامة و هم فرحانات و دخلو وحدة وحدة تتوضأ و تبدل الي تخلص تصلي عشان الي بعدها تصلي بعد ما خلصو قامو و راحو المطبخ دخلو و سكرت وهج الباب : يلا قررو وش نسوي ؟؟؟
ريوف : تكفين وهج مشتهية المكرونة الي تصلحينها
وهج : تم وبعد ؟؟
ميرة و هي فاتها البراد و الفريزر : شوفو في عجينة جاهزة هنا وش رايكم نسوي بيتزا بعد ؟
البنات : اي
مهرة : بس شوفو دامها عجينة وحدة بنسويها بيتزا جبن بس لاني ما احب الخضار ما أكلها
الجوهرة : بس أنا احب الخضار
مهرة فرت علبة المناديل عليها : جبن يعني جبن
الجوهرة و هي تفرك كتفها بألم : حيوانة
وهج : بس انتي وهي خلاص أنا بسوي المكرونة مهرة و ميرة سوو البيتزا
قاطعتها مهرة : يعني بيتزا بالجبن دام أنا الي بسويها
وهج : خلاص سويها جبنة و فكينا ، غلا و جميلة في فالفليزر دجاج متبلتنه طلعو و قلوه و ريوف سوي العصير انتي
البنات : طيب
و بدو يشتغلون و هم يسولفون
الجوهرة : بقولكم شي
البنات : وش ؟؟
الجوهرة : ترا أنا ادرس فالجامعة و خلصت اول فصل
شهقو البنات و قالت ميرة بفرح : صدق !! وش تدرسين
الجوهرة ابتسمت من فرحتهم : ادرس قانون
وهج بوناسة ضربت كتفها : اخس بتطلعين محامية ولا تقوليلنا ؟!
حضنتها وهج بفرحة و البنات بعد و هم يدعونها بتوفيق ورجعو يكملون الي فيدهم و قالت غلا : اي وهج قوليلنا وش بتسوين لما تروحين الامارات ؟ وبوش تحسين احين ؟
وهج بابتسامة : الصراحة مرة متحمسة بس بنفس الوقت احس مستصعبة الروحة كذا لوحدي لكن اعرف انها الخطوة الوحيدة الي بتغير حياتي للأحسن
جميلة : طيب لمتى بتظلين فالامارات ؟
وهج رفعت كتفها وهي تقلب المكرونة مع الصوص : والله مدري
الجوهرة : طيب قررتي وش بتسوين اهناك ولا بعدتس ما خططتي ؟
وهج بابتسامة : إلا والله يمكن اكمل دراستي و ادخل الجامعة
مهرة : صدق ؟؟ عمي يدري ؟
هزت وهج راسها : اي يدري لان أصلا كذا ولا كذا البنات اهناك كلهم فالجامعة و بضل لوحدي فالبيت اغلب الوقت فادخل احسن
ريوف : فكرتي فالتخصص الي بتدخليه ؟
وهج : والله افكر فكذا تخصص محتارة بين إدارة الأعمال و تصميم الداخلي لأن أصلا نسبتي ماهي عالية فعندي بيكون بس تخصصات محدودة
غلا : تصميم الداخلي حلو
وهج : مدري والله معنه ماني مقتنعة بس ماودي اروح اهناك اجلس فالبيت ماشاءالله كلهم فالجامعات و مدارس بجلس لوحدي فالنهار
ريوف : طيب بس الدراسة اهناك اربع سنوات يعني البكالريوس .. يعني بتجلسين اربع سنوات بعيد مو كل التخصصات فيها دبلوم ؟؟ !
ضحكت وهج : ادري فكرت فيها لا تحاتين و مستحيل اجلس اربع سنين يمكن اخذ بس دبلوم سنتين بس و أصلا ماهو اكيد ادخل جامعة جامعة الصراحة ودي ادخل معد و أتعلم الطبخ مدام اعشق الطبخ بستوي شيف و اجي اشوف نفسي قدامكم
مهرة و ميرة كفخوها : يا حمارة رايحة تأخذين دروس عشان تشوفين نفسك علينا؟؟؟؟؟؟؟؟؟
ضحكت وهج و ضحكو الباقين معها و راحو يجهزون الاكل و سمعو الأذان
جميلة : زين خلصنا نروح نصلي و بعدها ناكل
البنات : يلا
وراحو غرفة وهج و خذو دور بالصلاة و رجعو ياخذون الصحون بعد ما خلصو و حطوهم فنص الغرفة على السفرة و جلسو ع شكل دائرة و هم ياكلون ويسولفون و يحاولون قد ما يقدرون يستأنسون فهالقعدة و يسوولهم ذكرة حلوة وهم ما يدرون بكرة وش مخبيلهم
~ فالمقلط ~
هايف و هو منسدح على نايف : الله يرضى هذا هم جالسين ياكلون و نحن للان ما عندنا شي نأكله
ضحك ضاري : حاسدنهم انت ولا وش ؟ عليهم بالعافية
متعب ضحك : اقول قوم يالقطو على المسجد قبل لا يجي عمي و يمحطنا بعقا...
وماكمل متعب جملته من دخل عليهم بو ضاري : يلا يا ولد المسجد انت وياه الي بيتاخر صدقوني بذا العقال الي بخليه يغني على ظهركم يلا
ضحكو متعب و ضاري على الصامت و انخرشو هايف و نايف و قامو بسرعة للحمام يتوضون و لحقوهم ضاري و متعب و بعد ما خلصو طلعو من البيت و تلاقو مع بو هذال و عياله هذال و عبدالرحمن و راحو مشي و هم يسولفون
عبدالرحمن: اقول
لفو عليه العيال و كمل : وش رأيكم اليوم نسهر مع الشباب ؟ قبل لا يروح الأستاذ متعب و ترا البنات ماهم احسن منا
ضحكو متعب و ضاري و نايف و قام هايف و حضن عبدالرحمن المستغرب و ابتسم هذال بخفيف و هو يشوفهم و زادت ابتسامته من الي حط يده على كتفه و ماكان إلا ذياب الي ابتسم له و ضحك من هايف و عبدالرحمن الي يحاول يفكه عنه : وش فيه ؟؟؟
ضاري بضحك : هايف فرحان لقى واحد نفس تفكيره هو حاسد البنات على الاكل الي مسوينه لهم و ذا حاسدنهم على جمعتهم قدر ولقى غطاه
ضحك ناصر : الله بس يعطيكم العقل اقول انت وياه يلا امش امش قدامي قبل لا تنصلخ ظهورنا بيصلون الحين وفعلا سمعو الأمام يقول " حي على الصلاة " و ركضو كلهم بسرعة يصطفون مع الرجال و كبرو و كل واحد يصلي بخشوع و يدعي ربه يحقق مراده
< عند البنات >
كانت الجوهرة تشوف سنابات خوالها و بناتهم و هي ودها تنزل شي من جمعت البنات لكن توصيات متعب ما احد يعرف عشان ما يوصل العلم لامهم و تسويلهم مشاكل
لفت على رسالة من وحدة من بنات خوالها كاتبة " وينك ؟ مالك حس ؟! شكلك ما تدرين شي ؟! هههههههههههه "
اعتدلت الجوهرة باستغراب و رفعت راسها تشوف غلا الي تسولف مع ريوف و رجعت نزلت وجها للجوال تكتب باختصار و استغراب : " وش فيه ؟؟ "
كتبت باستفزاز " ليه ما تدرين عن أمك ؟؟ "
دب الخوف فقلبها و هي للحظة خافت يكون امها صابها شي : " وش فيها امي ؟؟؟ صاير لها شي ؟! "
أرسلت ضحكة باستهزاء و مكر قالت " حبيبتي أمك الحين فشهر العسل و كتبت كتابها من اربع ايام على حبيبها وهي مستانسة مع الحب حقها و انتو خلكم فالجنوب ههههههههههههههههه"
الجوهرة بردت ملامحها و ركزت على كتب كتابها كتبت بسرعة لها " تستهبلين ؟ امي ما تزوجت صح ؟"
ضحكت و هي تكتب لها " وليه استهبل يا حبيبتي شوفي امتس و زوج امتس " و أرسلت لها صور
نزلت دموع الجوهرة بدون ما تحس و هي مو مصدقة الي قاعدة تشوفه لفو عليها البنات ر فزت لها غلا : وش فيتس ؟؟
الجوهرة لفت الجوال لغلا : تكذب صح ؟؟؟؟ قولي انه كذب تكفين ، كيف تتجرا تسوي كذا حتى ابوي ما مرت مدة طويلة من وفاته؟؟؟
نزلت غلا انتظرها للجوال و سرعان ما توسعت عيونها بصدمة كبيرة و هي تقلب فالصور بصدمة لفت على صوت الرجال راجعين البيت طلعت ركض بدون ما تتغطى و هي تصرخ : متعب ... متعب
رفعو أنظارهم لها و سرعان ما غضو بصرهم ضاري و نايف و هايف و دخلو داخل بسرعة اما متعب مسكها بخوف و بو ضاري و بو هذال تقدمو لها بخوف : وش فيتس ؟!
غلا ببكي رفعت الجوال : شوف
مسك متعب الجوال و هو يقرا الكلام بردت ملامحه و هو يشوف الصور و يقلب فيهم ، الجوهرة طلعت و هي تبكي : شفت امك وش سوت ؟! حتى ما احترمت وفاة ابوي الي ما نشف قبره
بو هذال باستغراب : وش فيه يا عيال ؟ شصاير ؟!
الجوهرة ببكي : عمي امي ملكت و تزوجت و الحين هي مستانسة بشهر العسل و داقة فينا بعرض الجدار خلنا حنا ابوي ابوي الي عمره ما زعلها و اي شي تبغاه يقولها تم و حاضر و يوصلها فنفس اليوم ما احترمت موته ولا عشرته ولا حتى بينت الحزن عليه
انصدمو بو هذال و بو ضاري و هم ماهم عارفين وش يقولون ، حضن بو ضاري الجوهرة عشان تهدا اما غلا ضلت ساكتة و الدموع تنزل من عيونها أما متعب الي سكت من صدمته اول شي من تعاملاها مع اهلهم الي كان متعب يستغربه بعدها إصرارها على ترك الديرة بعدها كلامها الي مثل السم لخواته وله خاصة الي يكسر ظهره ولا هو عارف يتصرف معها و آخر شي زواجها! فهاللحظة يطري فباله سؤال " نحن عيالها ما جينا على بالها ؟! " رجع الجوال لغلا وطلع من البيت بدون صوت يبغى يروح لمكان بعيد وده يستوعب ، كانو باقي العيال قدام الباب ينتظرون ضاري و اخوانه و متعب يطلعولهم لكنهم لفو على صوت الباب ، استغربو من هدوء متعب و خروجه لفو على ضاري و هايف و نايف الي طلعو بسرعة ناصر باستغراب : يا عيال وشفيه متعب ؟؟؟
هايف رفع كتفه : والله اني ما اعلم بس خواته يبكون ولا درينا وش الي حصل
ذياب لف للجهة الي مشى فيها متعب : تحسون نلحقه ؟؟ ماودي يبقى وحده مع ذالليل!
ضاري : اكيد متعب ماله إلا الله ثم نحن نحن سنده بذا الدنيا يلا امشو
العيال : يلا
ومشو بسرعة عشان يلحقونه و لا يضيعونه لما وصلو لآخر الديرة لكن وقفو وهم يشوفون متعب جالس معطيهم ظهره و الي صدمهم صوت بكائه الي سابقه و عرفو مكانه منه ، ناظرو بعض بصدمة وكأنو مترددين يتقدمون إلا انهم مشو لعنده بهدوء و جلسو حوالينه كان عبدالرحمن جالس على يمينه و ضاري على يساره و الباقين قدامه
شد عبدالرحمن على متعب : هونها ياخوي هونها
متعب مارد و هو يبكي و يطلع الي بداخله من لحظة قص اخوه قدام عينه و وفاة ابوه لهلحظة ماهو قادر يستوعب ولا شي 
تقدم ناصر و هو يحضنه و يشد عليه : ابكي طلع الي فداخلك
هنا انهار متعب اكثر و بدت شهقاته تعلى ومرت الدقايق عليه من التعب قال بصوت متذبذب و باكي : تعـ.. تعبـ... تعبت والله تعبـ... تعبت
مسح ضاري على ظهر متعب بحنية : بسم الله عليك ياخوي بسم الله عليك اذكر الله .. قول لا إله إلا الله
اخذ متعب نفس و هو يذكر ربه ، ابتعد ناصر عنه و هو يمسح دموعه بشماغه ويقول : ماعاش من ينزل دموعك ياخوي قلي وش الي فخاطر ؟!
هذال : بس قل منهو و اتله من راسه و أخليك تطلع بروحه صدقني
كان متعب عيونه تخونه كان يحاول يوقف بكي لكن ما يقدر وخاصة إذا نادوه " ياخوي " ما يدري وش الشعور الي ينهز بداخله ويخليه يتاثر نزل راسه ر هو يتنهد ، تقدم ذياب و هو يرفع راس متعب : رأسك يضل مرفوع دام اخوانك روسهم تشم الهواء سامع ؟!
متعب انهار : وش الي يخليني ارفعه قلي ؟؟؟ ليه ارفع ؟؟؟ كل الي عشته والي شفته أنا وش سويت فحياتي عشان اعيش ذا كله أنا وش ذنبي قولي ؟؟؟
سكت ذياب و هو يدري ان متعب الحين بيبدأ يتكلم وهاذا المطلوب
كمل متعب بقهر و حزن على نفسه و على خواته : وش ذنبي اشوف اخوي سندي و عضيدي الي طلعت فيه فهالدنيا ينقص قدام عيني وانا اشوف ولاني قادر اسوي شي رغم عيوبه كله إلا اني بموت من شوقي له هو الي اجلس افضفض له و يسندني احس بأمان حوله احس لي ظهر بس راح من يديني و من يدين خواتي ، ولا ابوي الي فقدته بعد كاسر بساعة بس انكسر ظهري مرتين شلت حمل كبير على ظهري ابوي الي لما اضيق ألجأله ولا احزن يهون عليي و يطبب علي ، امي الي من طلعنا من ذا البيت وانا ما اعرفها صارت انسانة ثانية امي الي كنت انسدح على رجولها و تمسح على راسي و تسمعني احلى الكلام صارت تسمعني الكلام الي يكسرني كلام الي يحسسني اني مهما اسوي ما يكفي الكلام الي يمس رجولتي بس ما اقدر اقوللها شي فالنهاية هي امي ، خواتي الي ماكانت تشوف غيرهم و مدللتهم اليوم ندمانه انها جابتهم تخرب عليهم فرحتهم تنتقدهم و تسمعهم الكلام الي يغث أنا اتحمل بس خواتي ما يتحملون و اليوم وش ضربت فينا بعرض الجدار و راحت تزوجت ملكت على واحد غريب و ابوي المسكين ما نشف قبره ، احاول كل يوم اتحمل كل شي اتحمل كل شي يضايق و يكسر بس ما يوصل لخواتي ما يوصل لهم ، بعد الصور الي شفتها اليوم انهد حيلي ماني قادر اوقف ماني قادر اسوي شي ، أنا كيف بكرا برجع أصلا كيف ؟! ذاك ماهو بيتنا بيتها و أنا بعد الي عرفته مستحيل أبقى فيه ليلة وحدة لا أنا ولا خواتي
سكتو العيال و هم ما يعرفون كيف يواسون متعب الي يتكلم و عيونه توصللهم مليون شعور الحزن و القهر و الكسر و الفقد و الاشتياق و عدم الأمان كل شي يحس فيه متعب وصلهم ، تقدم هذال وهو يمسك ايده : خواتك مايوصلهم شي و انت وراهم انت سندهم و ابوهم و مالهم غيرك فهالدنيا ، الدنيا صعبة لازم نحارب عشان نقدر نعيش فيها صدقني ، ربي يغفر لكاسر ولو ياخوي ان ماكان ودي النهاية تكون كذا لكن وش بيدي أنا ويرحمه و يغفرله
نايف : وصدقني يا متعب لو عمي عايش الحين بيفتخر في ولد مثلك و بيرفع راسه فيك لا تضيق ولا تحزن محد يسوى تحزن نفسك عليه
ضاري : المهم يا متعب الحين قوي نفسك و اهدا ترا خواتك ينتضرونك ادري انك ضايق و مصدوم من امك و الي سوته ولكن يا متعب انت ما تحكمها ابد فالنهاية لها القرار لنفسها و عندها اخوان بعد ابوك الله يرحمه كيفها تسوي الي تسويه دامك انت تقول انها ماذتنكم ولاهي مخلتكم ترتاحون خلاص انت عليك الحين فخواتك ما تبغى تجلس عندها اطلع انت و خواتك شقة لحالكم او ارجعو بيت أبوكم هنا بين اهلكم و ناسكم و عزوتكم و إذا ما تبغون البيت بيوت عمامك بيبانها مفتوحة لك باي وقت صدقني ياخوك لا تشيل هم الدنيا عليك و تنكسر لا تستسلم لها
متعب تنهد و هو حزييييين و كثير كتم ومسك نفسه لشهور و مثل القوة عشان خاطر خواته يحسون بأمان من الدنيا الغريبة الي دخلوها لكن الحين وش الي بيمسكه ماهو قادر يسيطر على نفسه يحس شي فحلقه يحرقه دموعه تنزل ولا تنتظر امره عجز كثير كثير تقدم هذال و هو يحضنه بقوة و يطبطب على ظهره : ابكي ياخوي ابكي و طلع يلي فخاطرك إذا هالشي بيهون عليك لا تضيق و تكتم دامنا نحن اخوانك وراك لا تشيل هم شي عيونا لك والله
تمسك متعب فهذال و هو ينهار و صوت شهقاته كل مالها تعلى و هو يحس بروحه الي شوي و تطلع
< عند البنات >
كانو الجوهرة و غلا منهارين و البنات حاوالينهم يهدونهم ، دخلت وهج بضيق على حالهم و جلست قدامهم و هي تمد لهم كاسات المويا الي جابتهم : امسكو اشربو مويا شوي اهدوء ما يصير كذا ترا البكي ما بيحل شي
خذو الكاسات و هم يشربون مسحت غلا دموعها و هي جاهلة مستقبلهم ولاهي عارفة وش تسوي او تتصرف للحظة تذكرت متعب و شالت هم اما الجوهرة ماهي قادرة تهدأ أبدا و الأفكار السيئة كل مالها تنهش عقلها و البنات حوالينهم يحاولون يهدونهم بالي يقدرون عليه
< فبيت الجدة >
كانو فاتنة و سحر جالسين فالمطبخ ولفت سحر على فاتنة : اقول
فاتنة لفت و هي تاكل تفاح : ها
سحر و هي تتلفت تتاكد ان مافي احد ورجعت نظرها على فاتنة : ما تحسين الوضع مريب ؟
فاتنة باستغراب : مريب ؟؟ من اي ناحية ؟!
سحر بهمس : جدتس ، مالها حس من يومين فغرفتها ما تتحرك
فاتنة رفعت كتفها و هي تفكر وتكمل اكل : الله يستر منها بس هي ما تختفي إلا اكيد في مصيبة
سكتو لثواني و ردت فاتنة بهمس : بسس
لفت سحر عليها : ها
فاتنة : اقول امشي معي الغرفة ابغى أقولتس شي اخاف جدتس تسمع
سحر : يلا طيب
فاتنة و هي تقوم : يلا
ومشو بهدوء للغرفة دخلو وسكرو الباب بشويش و راحو جلسو فأبعد نقطة فالغرفة وكفخت سحر رجل فاتنة : يلا انطقي وش في ؟؟
فاتنة و هي تلعب فطرف جديلتها : يختي مدري صراحة احس ....
سحر : تحسين بوش ؟!
فاتنة : احس اني مشتاقة لهايف من فترة ما لمحته ولا سمعت صوته
سحر توسعت عيونها : تحطي فغرامه صدق ؟؟؟؟
بلعت فاتنة ريقها : صراحة اي والله حبيته لا تلوميني
سحر فحماس و حب يبان من عيونها : وين تبغيني ألومتس وهو بسم الله ماشاءالله عليه يجننن يختي طحتيلتس على قمر
فاتنة احترت و كفتها : وجع يحيوانة لا تتغزلين فيه قدامي
ضحكت سحر : وش تغارين عليه ؟؟؟؟
فاتنة تنرفزت و قامت تطلع من الغرفة مخلية وراها سحر الي ميتة ضحك منها و راحت بسرعة تجهز الاغراض عشان تسوي العشاء
كانت الجدة جالسة فغرفتها تشوف الكيس الي فيدها و هي مبتسمه : اليوم بداية سعادتي و اول خطوة من حلمي و مناي ... يصير خير
فتحت الدرج الي جنبها و حطت الكيس فيه و قامت طلعت من الغرفة و هي تسمع صوت البنات من المطبخ مشت شوي شوي و دخلت المطبخ بهدوء لفو عليها البنات و هم مستغربين نظراتها و سكوتها
سحر باستغراب : جدة تبغين شي ؟؟
الجدة بهدوء : لا خلصتو العشاء ؟؟؟
فاتنة : يلا خمس دقايق و يكون جاهز .. سحر خذي السفرة و مديها و خذي الصحون معتس
سحر وهي تقوم : طيب
طلعت الجدة و وراها سحر جلست فالصالة ، مدت سحر السفره قدام جدتها وراحت للمطبخ بجيت فاتنة بصحون العشاء
فاتنة : سحر الحليب جيبيه لا تنسينه
سحر بصوت عالي من المطبخ : طيب
جلست فاتنة على السفرة و جت سحر و حطت الحليب جنبها وجلست : جدة اصب لتس حليب ؟
هزت الجدة راسها باي و هي تاكل ، صبت لها و مدت الكاسة و حطتها قدامها و لفت على فاتنة : تبغين ؟
فاتنة : اي
صبت سحر لها و لفاتنة و بدو ياكلون بهدوء وتوتر من نظرات الجدة عليهم طول الوقت خلصو عشاء و قامو سحر و فاتنة بسرعة يلمون الصحون و السفرة
الجدة بهدوء : خلصو و تعالولي ابغاكم
البنات باستغراب : طيب

———————————————————-
السلام عليكم جميعا ، شخباركم ؟؟ ان شاء الله انكم بخير وبصحة و عافية ، اسفة على القطعة بس صارتلي ظروف أطريت اتاخر فتنزيل البارتات لكن ان شاء الله قريب بنحدد يوم فالأسبوع ننزل فيه ، انتو وش رايكم اي يوم يناسبكم ؟!
ولاتنسون أنا انزل اول شي انستا و إذا اكتمل بارت الواتباد انزل هنا هذا الانستا حقي ( qvll56) ضيفوني إذا تبغون تتابعون اول بأول
💖💖💖💖💖💖💖💖💖💖