لجل عين اهد ديار

39

رجع سعود للخيمة و هو ثابت لكن داخليا مختبص يحاول يستغفر ويتعوذ من الشيطان و هو فداخله " انا حمار عيب عليي اشوف محارم احد ولا مب اي احد من اهل خويي استغفرالله " جلس بهدوء و هو يشوف الكل خلص اكل لكن باقي يسولفون و هو يسمعهم قامو كلهم راحو يغسلون و يشيلون الصواني يوصلونها للمطبخ و رجعو يجلسون مرة ثانية
جلس هذال جنب سعود و هو يسولف وياه كان ذياب جالس مقابلهم وهو يشوف كيف هذال صار قريب من سعود و معه بكل شي و حرفيا كل ما يشوف هذال يتكلم عنه تنهد و لف يشوف الجو برا
لف هذال على رسالة من رجال من الدوام بتقرير و احداثيات القضية الي ماسكها هذال فتحها و بدأ يقرا بشكل عام لكن عقد حاجبه من قرا الكلام الي بالنص و رفع عينه يشوف رسالة ثانية من نفس الشخص " طال عمرك ذي الاحداثيات و اليوم عندهم موعد تهريب بليل بعد نص الليل الساعة 2:30 "
قام هذال و هو عاقد حاجبه : سعود تعال معي بسرعة
استغرب سعود : وشفيك ؟؟؟؟
هذال وهو يلبس حذيانه: لسيارة بسرعة حرك
بو هذال : على وين ياولدي ؟؟؟
هذال باستعجال : يبه ماني رايح مكان بس شي ضروري من الدوام ما اقدر اخليه بنجلس فالسيارة ماعليك محنا مطولين
هز بو هذال راسه بقل حيله و هو يكمل الشاي الي فيده
ناظرهم ذياب لين ما اختفو من قدامه رجع راسه للشاهي الي فيده و بدأ يشرب بهدوء

< عند هذال و سعود >
ركبو سيارة سعود و لف سعود على هذال : وش العلم ؟
هذال : شف ذا التقرير توه وصلني
اخذ سعود الجوال و نطق هذال : معك لابتوبك ؟؟؟
هز راسه سعود و هو يقرأ و نطق : اي هذا هو ورا فالشنطة البيضاء
لف هذال و اخذ الشنطة فتحها و سحب اللابتوب و رجع الشنطة ورا حطه على رجوله و بدأ يفتح موقع الكاميرات يشوف التسجيل فبيت غانم وسعود يدقق فالأوراق و التقرير الي واصل
~ بعد مرور ساعة و نص ~
هز هذال راسه : ماعليه ينذل حسابك معي صدقني اليوم بلعن شكلك و اخذ حق كل دمعة نزلت من عينها والله لا اهد فيك الارض بس انتظر
لف عليه سعود و تنهد لانه يشوف عصبية هذال : يا هذال تعوذ من بليس و يلا لازم نحرك الدوام ذي فرصتنا
هز هذال راسه : يلا حرك
سعود : و اهلك ؟؟
لف عليه هذال : وشفيهم ؟؟؟
سعود : روح قوللهم انك بتمشي ؟!
هذال وهو ياخذ جواله : ماعليك الان آكلم عبدالرحمن و اشرحله
ودق هذال عليه و بلغه رغم رفضهم الشديد انه يروح لكن ما بيدهم شي و سمعوه دعوات خفيفة على قلبه تطمنه شوي
و بعد ساعة وصلو المركز و تقدمو سعود مع هذال لغرفته : انا ببدل
سعود هز راسه : و انا بعد بس عطني الملف اول
هز هذال راسه و عطاها الملف و اتجه لغرفته يلبس لبسه الكامل ضد الرصاص و هو يلبس كان فباله الشريط كامل من كاسر و الي سواه فوهج للبنات الي يضايقونها و يطلعون كلام عليها بسببهم و بسبب استفزازهم انهارت وهج و نزلت دموعها و هو حالف انه بياخذ حق كل دمعة نزلت من عينها
خلص لبسه دخل عليه سعود : جاهز
هز هذال راسه و طلعو هم و الرجال يتوجهون لمكان المراقبة قبل لا يبدون يتجمعون